Ана тилибизде селешейик!!!

Ванхельсинг 29.11.2006 15:12:49

1 0

Аланла, былайда нени юсюнден джазсакъда, кесибизни ана тилибизде джазаргъа кюрешейик. Билмеген сёзлерибиз болса сорайыкъ, алайсыз иш этиб орусча джазылгъан сёзлени кетериб баргъа борчум бардыАллай хатачыкъларымы кече турлукъсуз деб ышанама сизге

Ответы

Тылмач 07.02.2017 23:47:48
Сообщений: 1392
Ассаламу алейкум!
Сау бол всезнайка.
Шёндю ингир да болгъанды, кюндюз ётюб)) Шёндюню биле да болмаз былайда кёб адам, малкъарлыла "бусагъатда, энди" деген магъанада айтадыла.

Кёб болмай биреулен меннге Къурандан аятланы сорады да, мен да джууабха сёз келишдиреме десем "джолукъдурургъа", "джубаныргъа" кибик сёзлени табалама. Иш этиб тюл, башха таб сёз келишдиралмай)) Анга, сора башха бир джашха да сорама билемисиз бу сёзлени деб, экиси да иги да англаялмадыла (бири чыртда билмей эди). Башха кёб адамда биле болмазла. Эсигизни бу сёзлеге бир бёлейим бюгюн.

Тынч эсен болугъуз. Аллахха аманат!
Тылмач 11.02.2017 01:48:32
Сообщений: 1392
Ассаламу алейкум!
Темаланы биринде "кокаланнган" бир сёз джазылгъан эди, малкъарда алай айтыла эсе да билмейме, сёзлюкде да табмадым. Бизде кукаланнган деб айтылады:


кукаланыргьа1) кокетничать 2) лебезить перед кем; льстить кому; биреуню аллында ~ а) кокетничать с кем-л.; б) заискивать, лебе­зить перед кем-л.; керексиз ~ а) чрезмерно кокетничать с кем; б) чрезмерно льстить кому


Тынч эсен болугъуз. Аллахха аманат!
Тылмач 28.02.2017 19:25:23
Сообщений: 1392
Ассаламу алейкум!

Эшик тешикге кюле эди.

Бюгюн да бир талай башымдан ётген затны джазайым. Былайлада бир темалада къарангылыгъыбызны юсюнден джазылгъанла бар эдиле. Кертиси бла да бир къауум кёргенлерибизге сейирсине, бу адамла былай некдиле дерча болыучанма, сиз да бола болурсуз, кесигиз аллайладан тюл эсегиз))) Алай а, быллай сейирле кёбюсю окъууу болмагъан адамлада кёрюнедиле, окъуулуланы да кесибизча бир тюрлю сейирликлерибиз болур, ол башха хапарды))

Бир талай джылны ичинде анда-мында маршруткасына мингеним бир шофёр барды. Бу ыйыкъны аллында да элден шахаргъа барыр мурат бла маршруткагъа миндим. Келебиз... Эшиги да бир тюрлю болгъанды да, анга да къарай, джабалмагъан болса, джаба, эшикни къатында олтурама. Этиучюмча къулакъларыма наушниклени да салыб, Къураннга тынгларгъа кюрешеме. Сора, ол адам тура туруб: "Чыгъар ары ол къулагъынгдагъыланы да, не эте сабийча аланы салыб", - десе, боламыды. Кеси уа къайдагъа орус къатынланы, къызланы, эски ссср заманладан къалгъанланы кёбюсюне, салыб, къычыртыб барады. Уллу киши джангы джетген сабийле тынглагъан джырланы къычыртханына уялмайды. Аны бла къалмай, орус джырлада бир сейир затламы джырлайдыла, айыбды баш дей билемиди...? Джаш тёлюбюзню быллай бетсиз джырла бла уятсызлыкъгъа тартханларын сагъышын чырт эсине затха келтире болмаз. Наушникледиле ушагъыусуз затла, ансы ала недиле?!)) Мен да джууабха: "Хар ким сени орус бабкаларынгы тынгларгъа керек тюлдю", - дедим. "Сен не тынглайса" соруууна, "Къуран" дегенимде бир кесек ауузу ачылыб, андан ары сёзню узатмады. Мен да джукъ къошмадым, алай а бир таб заманда джангыдан бир эки зат айтыргъа излейме ол кишиге, англармы къалырму билмейме ансы.

Энди не эркинлиги барды биреуге быллай акъылланы тёгерге, ариу Къуран тынгламай, башха джырланы сюе эсем да, сёз ючюн.

"Динчиле (бу сёзню сюймейме) ауаз бериб тебрерге сюедиле", - дейдиле да, башха къауумну чырт огъайы джокъду кеслери болмагъан бир затланы айтыб, акъыл тёгерге. Кесинден башха тюрлю сагъышлагъа тёзюм джокъду не да болсун. Башха шофёр да былай джазыб эди, эсигиде эсе: "Шофёрну къатындагъы оруннга эсиргенле эмда науушниклери болгъанла олтурмасынла" деб...

Аны бла, наушникле бла бир къыйынлыкълары барды бу шофёр къауумну, эсигизде болсун. "Эшик тешикге кюле эди" нарт сёзню терен магъанасын энтда бир кере эследим.
Изменено: Тылмач - 28.02.2017 19:32:00
Тылмач 28.02.2017 19:41:25
Сообщений: 1392
Экинчи хапар:

Кёб болмай телефонуму къонгурауу эшителеди да. "Ало" деб, джууаб берсем, бир танымагъан тиширыу: "Али, сенмисе? Тауушунг бир тюрлюдю" дейди. Хоу, менме дейме, ким болду экен дей кеси аллыма. Сора ол: "Первомайскийде бир чурумла бла юйге бир адамла келликдиле да, эшикни ачсанг керек эди", - дейди. Бир кесек сагъыш этгенден сора, "кертиси бла да мен башха Али болурмамы, Первомайскийде ишим джокъду", дейме. Ол да: "Алай эсе кечериксиз" деб, телефонну джукълатады. Сейир болгъаным, мен танымагъан бир тиширыу, къалай эсе терс номерни джазыб, кеслерини Алини орнуна, меннге тюшгенди. Ансы танышыбыз болса, Алилени аджашдыргъанды дерге боллукъ болур эдим)))
Nasib&Namis 03.03.2017 02:52:33
Сообщений: 3072
)))))) ма алай этесиз да сора тураааасыз холостойла болуб .
Къыз танышама деб этген эсе уа))))
Тылмач 06.03.2017 00:43:31
Сообщений: 1392
)))) Аллах разы болсун, къалай иги сагъышла эте билесиз :alamat:
Тылмач 15.03.2017 21:21:53
Сообщений: 1392
Ассаламу алейкум!

Джашауубуз быллай бир къыйынмыды?
Эртденбла бир эки баш окъууу болгъан, университетледе эмда башха джерле ишлеген бир джаш бла сёлешдик. Динден уллу хапарлы адам тюлдю. Сёз тюзлюкчюлюкню, имамларыбыз эмда башха динден хапарлыларыб адамларыбыз кеслерин къалай джюрютедиле, джюрютюрге кереклиси къалай болгъанын юсюнден барды. "Апендини айтханын эт да, этгенин этме" деген айтыу тюз зат болмагъанын, нормагъа саналмагъазгъа кереклисин айтдым. Ол а: "Джашауубуз аллай къыйын болгъанын, ол себебли имамла башла айтханларыча джашар мадар джокъду" - деди. Адамланы ичинде айлансанг ётюрюк, аны кибик тюрлю-мюрлю затла этмесенг, сени телиге санайдыла деб, да къошду. Англарыгъыз, тюз халили, ётюрюкню билмеген адам гитджеликден юйлери аман халилеге юретмегенлери себебли джашауу къыйын болгъаннга санай, къууаныр орнуна, ачыулана турады...

Къалай дейсиз, излеген адамгъа, кюрешсе да, тюзлюк бла джюрюр мадар къалмаймы кетгенди? Быллай окъууу болгъан, тёрт джанында ишлеб, кишиге ётюрюк этмеген, тюз халили адамларыбыз да быллай оюмгъа келге эселе, биз къаллай муслиманла, къарачайлыла, адамлабыз? Огъесе алай уллу къыйынлыкъ да джокъмуду? Адам бек бай болургъа башха кюрешмесе, иши башы, акъылы бар эсе джашаяллыкъмыды экен? Бу джаш бошунамы тюнгюлгенди тюзлюкден, адамлыкъдан?
Azamat 15.03.2017 21:49:01
Сообщений: 2700
Тылмач,
Алекум ассалам. Тынч эсен болурса?
Ол джаш айтхан затланы менда кере эшите келгенме. Заман аллайды; джашау этерик тюлсе; алдаб, мен адам ёлтюрмейме, бирда, къыралны алдайма, деб беееек кёб эшитеме. Мен англагьанга кёре, алай айтыб, кеслерини къарыусузлукълары бла болумсузлукъарын джабадыла. Орусча "отмазка" дейдиле. Аллай сылтау бла кеслерин къыйнамаз ючюн , кеб затны этиб сиреледиле. Сора мени энтда бир зат къанымы къайнатад: да, хар ким да алай этедиле, миллет алай джашайды деб.
Бир Аллахгъа минг шукур бла махтау салама, мен таныгьан эмда мени къысха тенглерими ичинде быллай "сылтаулу" адамла болмагъанларына. Алдамайын, джырмайын, башхасыны иши бла къазамагъанла , Аллахларындан кьоркъа, джашагъан адамлагъа , Уа Тагъаля берекетлерин да насыбларын дада айырыб береди. Ол учуз , сыйсыз ишле этиб джашагъанлагъада аланы кереклилерин табтырады, бюгюн болмасада тамбла.
Изменено: Azamat - 15.03.2017 21:53:45
Тылмач 15.03.2017 22:58:31
Сообщений: 1392
Azamat, Аллаха шукур! Тынч эсен)) Аллах тынчлыкъ берсин.

Иги айтдынг юлгюле бла, ансы меничаланы хорлаб къоядыла)) :alamat: Аллах разы болсун!))



Башхала уа не айтырыкъдыла, бармыды быллай юлгюлери болгъан?
Тылмач 15.03.2017 23:02:29
Сообщений: 1392
Azamat, сора имамла башла да хутбаларында айтханча болама деселе болаллыкъ болурла (100% болалмасала да, иги кесек джуууукъ)?)) (унутуб бара эдим)
Azamat 15.03.2017 23:27:13
Сообщений: 2700
Цитата

Тылмач пишет:
Azamat, сора имамла башла да хутбаларында айтханча болама деселе болаллыкъ болурла (100% болалмасала да, иги кесек джуууукъ)?)) (унутуб бара эдим)

Имамны айтханын англар ючюн эмда этер ючюн бик кесек билим бла сабырлыкъ керекди.
Джарты-кьурту тынглайдыла. Бирда джумагъа джюрюген "мода" болуб турады. В тренде болуб джюрюгенле не хайыр аллыкъдыла имамны сезлеринден. Бир имам бир иги айтхан эди " бизни муслиманлыгъыбыз сол билек бла салам бергенлей бошалады. Имамаланы айтханларын тынглаб, ол айтылгъандан 10 % эте билсек, миллетибиз бу кюнге джетерик тюл эди.
Тылмач 15.03.2017 23:35:47
Сообщений: 1392
Цитата
Azamat пишет:
Имамны айтханын англар ючюн эмда этер ючюн бик кесек билим бла сабырлыкъ керекди.
Джарты-кьурту тынглайдыла. Бирда джумагъа джюрюген "мода" болуб турады. В тренде болуб джюрюгенле не хайыр аллыкъдыла имамны сезлеринден. Бир имам бир иги айтхан эди " бизни муслиманлыгъыбыз сол билек бла салам бергенлей бошалады. Имамаланы айтханларын тынглаб, ол айтылгъандан 10 % эте билсек, миллетибиз бу кюнге джетерик тюл эди.
аламат, а имамла, къайдам хатыбла кеслерин айтханларын кеслери этерчамыдыла, огъесе "айтханларын эт да, этгенин этме" деген ары мадар джокъмуду? Бу айтыу чыртдан да постулата болуб къалгъанмыды?
Azamat 16.03.2017 01:44:05
Сообщений: 2700
Цитата

Тылмач пишет:
ЦитатаAzamat пишет:
Имамны айтханын англар ючюн эмда этер ючюн бик кесек билим бла сабырлыкъ керекди.
Джарты-кьурту тынглайдыла. Бирда джумагъа джюрюген "мода" болуб турады. В тренде болуб джюрюгенле не хайыр аллыкъдыла имамны сезлеринден. Бир имам бир иги айтхан эди " бизни муслиманлыгъыбыз сол билек бла салам бергенлей бошалады. Имамаланы айтханларын тынглаб, ол айтылгъандан 10 % эте билсек, миллетибиз бу кюнге джетерик тюл эди.
аламат, а имамла, къайдам хатыбла кеслерин айтханларын кеслери этерчамыдыла, огъесе "айтханларын эт да, этгенин этме" деген ары мадар джокъмуду? Бу айтыу чыртдан да постулата болуб къалгъанмыды?

Имамла да адамладыла)) аланы агъартыр ючюн айтмамайма, алай а, алада терс атлайдыла, терс къымылдайдыла. Аладан, миллетге башчылык бла ауаз бергенлери ючюн, сорууда кеб боллукьду)) бирда, ала хаманда блай кез туарада тургъан себебли, этген терсликлери бек уллу керюнеди. Мен айтханла керти имамла, имамчылыкъ этиб джашагъанланы юсюнден айтама. Ансы, сенда менда керген ненча "имам" барды арабча не окъуй не джаза билмей, къурандан бир зат айтыргъа кюрешгенле, ма бу хизен кибик ишлени аллай "къыйсыкъ имамла чыгъарыб, эркелетедиле))
Тылмач 06.04.2017 00:37:52
Сообщений: 1392
Ассаламу алейкум!
Телефонсуз бир талай кюн))

Багъалы джамагъат, бюгюн да башымдан бир хапарчыкъны джазайым. Бир талай замандан бери телефонуму наушник салыучу джеринде бузукълукъ болуб, ишлетирге излей тура эдим. Бек уллу чырмау да болмагъаны ючюн соза бардым. Сора ол бир ыйыкъны ахырыны джууукъ телефон ишлеучюге элтдим да, къоюб кетмесенг бусагъатда къараяллыкъ тюлме дегенинде, болмазча англаб, сюймесем да къойдум алайда. Башха телефон бераллыкъ тюлмюсюз бир кюнлюгюне дегенимде, алада телефон табылмады. Башха адамланы башларын аурутуб айланыргъа да излемедим. Былай бергенлей огъуна телефонсуз къалай боллукъма деб, сагъатха къараргъа керек болсам, ким болса звонить этсе, эртден намазгъа башха уа къалай уянырыкъма кибик дуния бла бир сагъышлы болдум. Дагъыда, кеси кесиме бусагъатха деричи телефонсуз иги джашаб тургъанла дей. кетдим. Бир кечени телефонсуз тёзюб, барсам экинчи кюн алыргъа, ишлемей тура, къоюгъуз сора деб, алыб бара тынгласам, аны бла да къалмай сёлешген адамларым мени эшитмей тебредиле. Бир кесек да ачыулана, телефонну ишлеучюге къайтарыб, бир кюннге элде боллукъму, баш кюннге ишлесегиз алырма, джугъу да ишлмеген телефон бла не этерикме, артыкъсыз да ким болса звонить этсе, анга джууаб бергенлигиме эшитмей, табсыз боллукъду дей, кетдим. Элде эки кюн турдум телефонсуз, не сагъатха къараялмай, неда излеген болду эсе уа дей къайгъыра, эртден намазгъа къаргъаланы тауушлары бла уяна)) Ма алай къыйын этди кюнюм. Къайтсам биягъы джерде ишлемей тура, келишген затчыкъны табмагъанды деб айтады алайда ишлеген къыз. Не этейим, башха бир джерге бардым да, кёб да узатмай, бир 20 минутха джарашдырды да берди...

Ма былай къыйын кёрюндю меннге телефонсуз бир эки кюнню тургъан)) Телефондан интернетге кирген неда артыкъсыз кёб сёлешген къылыгъым джокъду, быллай къылыкълары болгъанла уа телефонсуз къалай боллукъдула экен)) Телефонла бизни къолгъа алгъандыла))
всезнайка 09.04.2017 11:52:00
Сообщений: 1164
Уа гъалейкум ас салам! Да къалай этеиик?

псори тамам
Тылмач 12.04.2017 18:26:42
Сообщений: 1392
Цитата
всезнайка пишет:
Уа гъалейкум ас салам! Да къалай этеиик?
телефонларыгъызны бир джанына атыб, бир джашаб бир кёрюгюз бир талай кюнню, андан арысын сора сёлеширбиз)))
Тылмач 15.05.2017 13:00:02
Сообщений: 1392
Ассаламу алейкум!
Энтда бир джазны атлатыб барабыз. Быйыл биз табада джаз бир таб ётдю. Терекле чакъгъандан сора чырт бузлауукъ болмай, хар не тюрлю кёгет терекни кёгети да къалыб кетерча кёнюнеди. Бир ариу да чакъгъан эди барысы.
Azamat 16.05.2017 03:04:03
Сообщений: 2700
Ва алекум ассалам, Аллах барыбызныда опазагъа сау эсен джетдирсин, тутаргъа иман кюч берсин.
Гъость [в_шкафу] 16.05.2017 17:07:00
Сообщений: 9017
Тылмач, алейкум ас салам!) Чегетлемде булбулчукъ джырлайды))
Тылмач 16.05.2017 22:14:39
Сообщений: 1392
Цитата
Гъость [в_шкафу] пишет:
Тылмач , алейкум ас салам!) Чегетлемде булбулчукъ джырлайды))
чегетде джырлай да болур, чегетлемде уа не этгенинден хапарсызма)) Алай а бизни чегетледе булбулчукъла болмазламы :думаю:
Цитата
Azamat пишет:
Ва алекум ассалам, Аллах барыбызныда опазагъа сау эсен джетдирсин, тутаргъа иман кюч берсин.
амин!
Гъость [в_шкафу] 16.05.2017 22:28:21
Сообщений: 9017
Цитата
Тылмач пишет:
Алай а бизни чегетледе булбулчукъла болмазламы :думаю:
Чегет болмай джашамаз, «таркъ» демейин ашамаз )))))
Тылмач 16.05.2017 22:38:00
Сообщений: 1392
Гъость [в_шкафу], агъач къакъгъыч))
всезнайка 19.05.2017 14:59:08
Сообщений: 1164
Кюн ашхы болсун, аланла!
Джангурланы учу къыйыры джокъ.

псори тамам
Azamat 19.05.2017 18:43:42
Сообщений: 2700
Ашхылыкъ керюгюз)) бизде уа къарда джауду )))
всезнайка 15.06.2017 20:08:56
Сообщений: 1164
Ас саламу гъалейкум! къалайсыз? ораза уа къалайды? къыйын тийемиди?

псори тамам
Тылмач 17.06.2017 00:01:16
Сообщений: 1392

1 0

Цитата
всезнайка пишет:
Ас саламу гъалейкум! къалайсыз? ораза уа къалайды? къыйын тийемиди?
Уа алейкум салам уа рахматуЛлах!

Ораза меннге алай къыйын а тиймейди, тюзю уллу ауур ишлегеним да джокъду. Ауур ишледе ишлегенлени чотлары къалай эсе да билмейме. Оразаларыбызны Аллах къабыл кетсин, юйлеригизге берекет, ашхылыкъ берсин!
всезнайка 17.06.2017 13:25:35
Сообщений: 1164

1 0

Мени Къурандан 100 бетим къалгъанды.Аллах аитса, тамамларма деб турама. Аны тышындан да гъейд намазгъа хазырланыргъа керекме, акъырын акъырын айтырымы хазырлаб трансляциягъа прямой эфирде

псори тамам
Тылмач 18.06.2017 00:30:50
Сообщений: 1392
Цитата
всезнайка пишет:
Мени Къурандан 100 бетим къалгъанды.Аллах аитса, тамамларма деб турама. Аны тышындан да гъейд намазгъа хазырланыргъа керекме, акъырын акъырын айтырымы хазырлаб трансляциягъа прямой эфирде
алгъа да айтханымча, сен бир талай Къуран чыкъсанг да артыкъ боллукъ тюлдю))

Трансляциягъа уа хазырлан, хоу. Иги бир трансляция бир кёрейик, Аллах айтса. Дружбадан бардырлыкъмыса? Мен сизни Дружбагъызны джаратама))
всезнайка 18.06.2017 04:53:25
Сообщений: 1164
Цитата
Тылмач пишет:
Трансляциягъа уа хазырлан, хоу. Иги бир трансляция бир кёрейик, Аллах айтса. Дружбадан бардырлыкъмыса? Мен сизни Дружбагъызны джаратама))
Ибрагим хаджи куда скажет, андан

псори тамам
всезнайка 18.06.2017 04:55:14
Сообщений: 1164
Цитата
Тылмач пишет:
алгъа да айтханымча, сен бир талай Къуран чыкъсанг да артыкъ боллукъ тюлдю))
быйыл крымдан къонакъла болуб, он кюнню окъумай тургъанеи. Терпнием да джетмеиди, олтуруб, окъуб турургъа

псори тамам
Читают тему (гостей: 4)

Форум  Мобильный | Стационарный