Ана тилибизде селешейик!!!

Ванхельсинг 29.11.2006 15:12:49

1 0

Аланла, былайда нени юсюнден джазсакъда, кесибизни ана тилибизде джазаргъа кюрешейик. Билмеген сёзлерибиз болса сорайыкъ, алайсыз иш этиб орусча джазылгъан сёзлени кетериб баргъа борчум бардыАллай хатачыкъларымы кече турлукъсуз деб ышанама сизге

Ответы

Гъость [в_шкафу] 22.05.2016 21:43:32
Сообщений: 9017
Самия, простить эт)))))))))))
всезнайка 20.06.2016 12:31:41
Сообщений: 1164
Кюнюгюз ашхы болсун?
Цитата
Гъость [в_шкафу] пишет:
Самия , простить эт)))))))))))
не затны кечерге керек эди?
Къалайды ораза бла чотугъуз? Бек къыйналамысыз?

псори тамам
Тылмач 21.08.2016 13:06:23
Сообщений: 1392
Ассаламу алейкум!
Бу темада таууш джокъ, всезнайка,да джокъ

Бу темада джазайым джашауубуздан эсиме келген, бир талай сейир хапарчыкъны эм сорууланы:

Газгъа ачха джазыучу къарачайлы эки хоншугъа келеди да (джаш бла, ана къарнашы) къагъытларын береди. Къарайбыз, экисине да бирча ачха джазылыб тура, капеклеге дери - "691,50 копеек" кибик бир ачха. Бир сорсагъыз дейме: "Бу къалай болады деб?" Сорса уа, киши былай джууаб береди: "Да, бирча джойгъан болурсуз")) Чырт уллу сейирсиннгенча огъуна кёрюнмеген эди, мен англагъаннга кёре...)) Бу адам статистика дегенни ёмюрде эшитгенмиди экен?))


Джашауубузгъа, адамланы кеслерин къалай джюрютгенлери къарай, быллай оюмгъа келгенме - джашау философия бир кёб адамда былайды: "Меннге таб болса болсун, андан ары не болса болсун. Башха адамлагъа, табигъатха заран боламыды, кишиге аманлыкъ этемеми?" Сейир, быллай философиялары болгъанланы дуниябызны иги болурун излерге эркинлиги бармыды?
Андан сора да, тёгерекге къараб, мен да бу дунияда неге джарасам, менден бир хайыр болса, адамма да деб, айтыргъа керек бола болурму адамлагъа?


Бу малчыларыбызгъа къарай, сейирсине джашайма, энтда бир кере сорайым: Малчыланы ичинде маллагъа аз бир сюймеклиги болгъан, ачха кереклисинден, башха бир иш табмагъаны, болуму джетмегенинден башха джанлылагъа да къараргъа сюйгени бла бу иш бла кюрешгенле бармыдыла экен? Огъесе аллай затны болур мадары джокъмуду?

Azamat 24.08.2016 18:23:46
Сообщений: 2700
Тылмач,
Кеб болмайын юйге, Кавказгъа , барыб кетдим, бир ниетим бла , бир эки юч сагъышым бла. Талай бир адам бла селешиб, тюбеб, тынглаб, оноулашыб , бек къыйналдым. Малчылыкъны чоту бек аманды. Уллу сюймекликден сора башха бир зат джокъду мал бла кюрештирирча миллетни. Этни тышында алмайда, алсала да аллай учуз алыргъа кюрешедиле ( закуп цена), ол джарлы малчы хайыр кермей кетеди. Кесибизде сата, бир дыгалас этедиле.
Хы, бу импортозамещение боллукъду деб, кесибизде бышлакъ этиб тебрерикдиле деб бек кеб адам таукел болуб тура эдиле. Арты не болду- менден иги биле болурса.
Черкесскиге бара ол сыртлагъа къарасам, ол биченликлени чалынмай тургъаныг керсем, бир бек джюрегим къыйналады. Мен гитче заманда джайны бу заманына Хрущевну теппеси джырталагъанча алай джыртлай эдиле, чалыныб, гапнала салыныб.
Аны айтханым, уллу сюймекликден ол эскиден юренмек бла кюреше- андан башха бир себеб къалмагъанды мал бла кюрешир ючюн.
Изменено: Azamat - 24.08.2016 18:24:13
Тылмач 28.08.2016 13:04:50
Сообщений: 1392
Огъай, Азамат. Сюймекликни мен малчыланы биринде да эслемейме. Мадарсызлыкъдан, башха затха болумлары джетмегенле, бир кесек къарыулары, саулукълары да бар эсе кюрешедиле. Тюздю, этни берир джер алай табылмайды. Кесибизни адамлагъа сатхан болмаса, Къабартыдан да келиб алгъанла боладыла. Мен бек кёб малы болгъанладан хапарсызма, мингле бла маллары болгъанла къайры сатадыла ким биледи... Джюз, джюзден аслам ууакъ аякълы, неда онла бла тууары болгъанланы кёреме. Быллай бир малы болгъан къой эсенг, чырт бир джукъ бла кюрешмей, ичкичиле да джашайдыла, къайдан таба эселе да ачха табадыла. Малчыла уа аладан такъыл, бир кере бир талай малны саталсала бир талай ачха болады. Андан ары иши болгъан кърал къуллукъда ишлейди, алай а уллу ачха хазна кишиге тюше болмаз, анда-мында бир тамада болмаса. Кеси ишлери бла кюрешедиле, хар кимни да болуму джетиб бармайды да - болумларына кёре кёб ачха этгенле да болурла, чырт джукъгъа джарамай, борчха тюшгенле да. Андан сора, стройкала къаладыла. Бир кесек бу ишге болумлары джетгенле да кюрешедиле ишлеб, алай а ачха тёлемеген деб да бир зат барды. Ишлей келиб, хакъларын алалмай къалгъанла кёбдюле. Джерчилик бла кюрешген бир къауум адам да барды, алай а трактырла баш керек болады, хар кимни да болуму джетмейди анга да. Сора сатыу чот да малладан эсе огъуна къыйыныракъ болургъа да болур, бир кесек заманны ичинде сатылыргъа керекди. Къралдан хайыр а уллу джокъду... Аны бла сюйюб, сюймей да малла бла кюреширге керек болады бир къауум адам, аздан аз бола да бардыла быллайла. Алай а, бу къалгъанла да ачыулана, мадарсызлыкъдан ишлегенлерин билдире, маллагъа да аманланы къуя, джазыкъсынмакълыкълары да бек кёб болмайды...
Тылмач 28.08.2016 13:50:54
Сообщений: 1392
Дагъыда бир сейир хапар - бизде мал дохтурла бир къарыусуздула. Ийнегинг ёлюб кетерик болса да, чакъырыб кючден келесе, келселе да уллу хайырлары болмайды. Дунияда уа итлеге операцияла этген хапарла баш джазылырла...((
всезнайка 30.08.2016 21:07:09
Сообщений: 1164
Цитата
Тылмач пишет:
Ассаламу алейкум!
Бу темада таууш джокъ, всезнайка ,да джокъ
Уа гъалейкум ас салам! ба бусагъатда ишледи интернетим, 10 июлдан бери! бу ишлегинчи барыб Эрдогъан бла да саламлашыб келдим Тюркде.
Тылмач, къалай игиди анда, къалай кетгенсе андан? Мен Москвагъа къайтырым келгенча болуб тура болурса сен да

псори тамам
Тылмач 19.09.2016 00:41:36
Сообщений: 1392
Цитата
всезнайка пишет:
Тылмач, къалай игиди анда, къалай кетгенсе андан? Мен Москвагъа къайтырым келгенча болуб тура болурса сен да
о къайдам, кёб заман да ётгенди, унутханма бир кесек игисин аманын да)))
Тылмач 19.09.2016 00:57:42
Сообщений: 1392
Къурманны юсюнден бир эки сёз айтайым:
Бир къауум элчи джашла къурмандан мал кесиб, этин берирге излей эдик, алай а берир адам билмейбиз дегенлери бла сейирсиндирдиле бир кесек. Къайсы болса да бир джарлыны номери башы менде хазыр турмагъаны ючюн, ма бу адамгъа берсегиз болукъ кибик бек джукъ айталмадым. Территория Милосердия, Ислам. институтха берирге боллукъсуз дедим, алай а, бек узакъ да бармай хар элде, хоншу элледе да къурман мал кесалмагъан, джылны ичинде эт сатыб алыб турургъа къарыулары джетмеген адамларыбыз кёб а болурла деб кёлюме келеди. Ким болса да биреу аллай затны берсе, джарлыча кёрюнмейик деб, алыргъа излей болмазмы киши? Эндиги Къурманнга игирек хапарлы болургъа керекди бу чотладан деб, кёлюме келди. Бир джанындан башсыз юйдегиле бек кёб, иш табмагъанла да аз тюл, ишлеген болса да аз ачха бериле, сора къалай табыб турургъа боллукъду хар бир адам этлеге ачханы?

Экинчи хапар а Алийни юсюнден. Бу чёб атыула тамада табалада хар нени къалай терсине айланнганы ачыкъ болду. Къуру Алий ётюрюкчю, къалгъан барысы уа тюз адамла?! Мынга къаргъала да кюлюрле, тюрклюле айтханлай. Кривое зеркало болгъанды чот, оруслула айтханлай. Аллах бизге акъыл, сабырлыкъ берсин. Энтда бир кесек тёзерге керек болгъанбыз бу терсликлеге.
Azamat 29.10.2016 08:23:18
Сообщений: 2700
Цитата
Тылмач пишет:
Къурманны юсюнден бир эки сёз айтайым:
Бир къауум элчи джашла къурмандан мал кесиб, этин берирге излей эдик, алай а берир адам билмейбиз дегенлери бла сейирсиндирдиле бир кесек. Къайсы болса да бир джарлыны номери башы менде хазыр турмагъаны ючюн, ма бу адамгъа берсегиз болукъ кибик бек джукъ айталмадым. Территория Милосердия, Ислам. институтха берирге боллукъсуз дедим, алай а, бек узакъ да бармай хар элде, хоншу элледе да къурман мал кесалмагъан, джылны ичинде эт сатыб алыб турургъа къарыулары джетмеген адамларыбыз кёб а болурла деб кёлюме келеди. Ким болса да биреу аллай затны берсе, джарлыча кёрюнмейик деб, алыргъа излей болмазмы киши? Эндиги Къурманнга игирек хапарлы болургъа керекди бу чотладан деб, кёлюме келди. Бир джанындан башсыз юйдегиле бек кёб, иш табмагъанла да аз тюл, ишлеген болса да аз ачха бериле, сора къалай табыб турургъа боллукъду хар бир адам этлеге ачханы?
Салам алекум. Биягъы мен юйге барыб келгенме да, талай бир сагьышым джыйылыб турады, аланы ачыкълайым ))
Кеб болмайын юлюш чача, элде талай бир арбазгъа баргъан эдик: кесилген малладан шариат бла айтлгъан юлюшню джарлылагъа чача.
Биргебизге бир къартныда алыб, талай бир арбазгъа кирген эдик ( Терезе элден башлаб Конзаводха дери). Джарлы деб неге айтылгъанын алайда англадым. Аллай бир джарлыбыз болгъанында билмей эдим, билгенимдеда бир бек къыйналдым. Аллах сен болуш.
Джарлыла байлагъа сынау боллукъду деселе, мени кезюме миллионерле керюне эдиле эмда Африканы ачдан еле тургъан миллетлери. Ол баргьан арбазлагъа кере кебюбюз бек байбыз, къаллай сынау боллукъду ол бизге, Аллах сен болуш, Аллах сен кюч бер.
Садакъаны кимге берирге билмейбиз деселе, межгитни имамына барсынла , хар элде табыллыкъды садакъа берирге тыйынчлы къауум.
Azamat 29.10.2016 09:04:41
Сообщений: 2700
Тылмач, энтда бир хапарчыкъ айтайым, разы эсенг.
Мал кесиб, юлюш этиб чачаргъа керек болду кеб болмай. Сора гитчеме сордум блай бир иги мал сатхан адам. Ол менге бир джашны англатды сора да неме деди: " Ол джаш малда сатады, кесиб, санлаб, юлюшда этиб берликди, айтсанг")) мен ышарлыдым.
Менге кере ол бек аламтды, нек десенг, кесим малны санламагъанлы талай джыл болуб келе эди, тюзюн айтыргъа унутханда этген эдим. Сора къайсы сыйлы, къыйсы сыйсыз сюек болгъанда ухчара эсимде къалган эди. Гитчемда ол мен излген кюнлеге бош болаллыкъ тюл эди.
"Хы, менича америкосха бек айыб болмаз алай этиб къутулсам, кесим ,дуасын окъуб, бойнун бир тартсам, къалгъанын ол джаш эте турур дедим")) Сау болсун, ол джаш 30 ( отуз) минутну ичине эки иркни союб санлаб берди, керегича юлюш эте. бек таза, бек ариу, бек ишни эбин биле, къымылдагъан адам эди.
Менича блай бунга малны юлюшле этдирген кеб адам болмаз деб турсам, бир кесекден бир он адамдан артыкъ джыйылды.
Ичимден гурушха этдим " бир 15 джыл мындан алгьа быллай затны айтсала ийнанырыкъ болмаз эдик" деб.
21 век, наверное ))
Тылмач 31.10.2016 00:05:51
Сообщений: 1392
Цитата
Azamat пишет:
Салам алекум. Биягъы мен юйге барыб келгенме да, талай бир сагьышым джыйылыб турады, аланы ачыкълайым ))
Кеб болмайын юлюш чача, элде талай бир арбазгъа баргъан эдик: кесилген малладан шариат бла айтлгъан юлюшню джарлылагъа чача.
Биргебизге бир къартныда алыб, талай бир арбазгъа кирген эдик ( Терезе элден башлаб Конзаводха дери). Джарлы деб неге айтылгъанын алайда англадым. Аллай бир джарлыбыз болгъанында билмей эдим, билгенимдеда бир бек къыйналдым. Аллах сен болуш.
Джарлыла байлагъа сынау боллукъду деселе, мени кезюме миллионерле керюне эдиле эмда Африканы ачдан еле тургъан миллетлери. Ол баргьан арбазлагъа кере кебюбюз бек байбыз, къаллай сынау боллукъду ол бизге, Аллах сен болуш, Аллах сен кюч бер.
Садакъаны кимге берирге билмейбиз деселе, межгитни имамына барсынла , хар элде табыллыкъды садакъа берирге тыйынчлы къауум.
Уа алейкум салам, не затдан белгили бола джарлылыкълары, арбазгъа киргенлей огъуна англашылырча? Былай сагъыш этсем, керти адамланы алай кёб ачхалары болурча ишлемегенлерин англайма, алай а кёзюм бла къараб, тёгерегибизде джарлы деб айтылырча адам кёрмейме. Бир кесек къарыусуз болгъаннга да джууукълары баш болушадыла... Керти джарсыулула эселе да тышындан къараб, мен англаялмайма...

Имамны уа таныйдыла ол джашла, айтыргъа да акъыллары джетерикди деб турама, дагъыда айтханымча айтхан эдиле.

Цитата
Azamat пишет:
Ичимден гурушха этдим " бир 15 джыл мындан алгьа быллай затны айтсала ийнанырыкъ болмаз эдик" деб.
21 век, наверное ))
кесим да аллайма)) 21 ёмюрчю огъесе ёмюрлюмю дерикме)) бек хапарлы тюлме ол сен джазгъан затладан :oops: Сора хапарлыла аздан аз бола болурламы дегенча да болама, хоу)) Бу барыу бла артыбыз къайры барыб тирелир деб, сагъыш да этиученме))

Ол Американгдан келиб турургъа къыйын болмаймыды? Ненча сагъатны учаса, ахасы да иги кесек болур :думаю: )) Америкда къурман а этилмеймиди, огъесе ким болса да бир джаш джарашдырамыды анда да :тактак: ))
Тылмач 08.11.2016 22:46:24
Сообщений: 1392
Ётюрюк адамларыбыздан бир кёбню, артыкъсыз да башчыланы, къан тамырларына дери киргенди. Чырт ётюрюк къошмагъанлай джашау болмай къалгъанды аллайлагъа. Керексиз керекли* хар джерге алдауукъну къошханлары себебли, къалайы ётюрюк, къалайы тюз англагъан тышындан къарагъаннга бек къыйынды, кеслери англаймыдыла эке. Муслиман ётюрюк харамда, эм уллу гюнахладан бирине саналады!

Azamat, сиз табада уа къалайды бу чот? Бизде кёб тюбей болмазла ётюрюк сюйген, ансыз джашаялмагъанла?

Неге керекди бу къысха джашауубузда быллай бир ётюрюк бла къатышыргъа? Ариу, кирсиз джашау мадаргъа бола тургъанлай...

*керекли ётюрюк бек болмайды, алай а бек къыйында болумда къалса дегенлигимди, адам не къоркъгъандан не башха бир затдан ётюрюк айтыб иер, кесин къоруулар ючюн, сёз ючюн
всезнайка 20.11.2016 11:05:17
Сообщений: 1164
Эртден ашхы болсун! Азамат бла Алийни ушакъларын окъудум: къошар-къоратыр затым джокъ. :alamat:
Сууукъла келдиле, элчиле хазырланаялгъанмылла эке къышха?

псори тамам
всезнайка 30.11.2016 21:37:35
Сообщений: 1164
Ингир ашхы болсун! Да билмегеннге санамагъыз, тюнеен 10 джыл болду бу темагъа!!!!!
Аперим, Ванхельсиннге- бу теманы авторуна. Бек магъаналы затла да джазылыбдыла мында. не селешсек да, башыбызгъа бош мында, замечание этерик да джокъ

псори тамам
Abdullah 01.12.2016 22:37:11
Сообщений: 1615
Цитата
всезнайка пишет:
Да билмегеннге санамагъыз, тюнеен 10 джыл болду бу темагъа!!!!!
къуру 10 жылчыкъ?)) Бек кёб да болмагъан кёреме))

Кесинг а къайдаса? Къалайланы аулаб, не джумушланы баджарыб айланаса? Биз табалада уа кёрюнмей...))
Azamat 02.12.2016 02:05:36
Сообщений: 2700
Тылмач,
Алий, салам алекум)) адамны джарлылыгъын кеб затдан англайса. Ол баргьан адамладан уялгъан эдим суратгъа алыргъа . Блай джашауларына бир кеб тарыкъгъан адамла бардыла, ма алагъа кергюстюр ючюн. Аллахдан къокркъурча, хар затларыда бола тургъанлай , джашауларыны джылауларын этиб тургъанлагъа.
Америкадан учакъ бла джолунг 12 сагъат алады ( 9 сагъат Москвагъа дери, 2 сагъатда -Мин.Содха дери )
Юренчек болгъанма, тюзюн айтыргьа))
Мында да болгъан байрамланыда этебиз, малда кесиб, юлюш этебиз ( керек кесегин кесибизге алыб, къалгъанын садакъа бла джарлылагьа). Кебюсюне межгитге ачхасын бериб, ол мал алалмагъанлада дунияда мал алыб, къурманлыкъ этилирча.
Azamat 02.12.2016 02:06:47
Сообщений: 2700
Цитата

всезнайка пишет:
Ингир ашхы болсун! Да билмегеннге санамагъыз, тюнеен 10 джыл болду бу темагъа!!!!!
Аперим, Ванхельсиннге- бу теманы авторуна. Бек магъаналы затла да джазылыбдыла мында. не селешсек да, башыбызгъа бош мында, замечание этерик да джокъ

Ашхылыкь кер))) заман заман
Къанбуз 03.12.2016 19:15:54
Сообщений: 599
Къаймакъ ḱаймаḱ
Къагъыт ḱаЃыт
Къазыкъ ḱазыḱ
Къайыкъ ḱаыйḱ

Къыйынлыкъ ḱыйынлыḱ
Къайгъырмагъан ḱайЃырмаЃан

Мне кажется, что буквы КЪ , ГЪ достаточно тяжело воспринимаются зрительно, соответственно и читается трудно, особенно для детей, все таки к кириллице привыкли.

Я попробовал заменить незнакомый текст объемом в одну страницу «къ, гъ» на «ḱ и Ѓ» как бы на турецкий лад и у меня восприятие текста и скорость чтения возросло чуть ли не в два раза.
Далее еще интереснее, то же самое проделал с кабардинским текстом. Это что-то с чем-то, а вроде на кириллице все написано, а читать невозможно.
Делал через таблицу символов назначив сочетание клавиш для къ и гъ, но там к сожалению нет более ярких надстрочных диакритических
знаков для кириллицы, как ^
Сам факт из за отсутствии в кириллице ḱ Ѓ с надстрочными знаками заметно затрудняет восприятие, чтение на родном.

Кто, что думает?
Azamat 04.12.2016 04:09:54
Сообщений: 2700
Цитата

Къанбуз пишет:
Къаймакъ ḱаймаḱ
Къагъыт ḱаЃыт
Къазыкъ ḱазыḱ
Къайыкъ ḱаыйḱ

Къыйынлыкъ ḱыйынлыḱ
Къайгъырмагъан ḱайЃырмаЃан

Мне кажется, что буквы КЪ , ГЪ достаточно тяжело воспринимаются зрительно, соответственно и читается трудно, особенно для детей, все таки к кириллице привыкли.

Я попробовал заменить незнакомый текст объемом в одну страницу «къ, гъ» на «ḱ и Ѓ» как бы на турецкий лад и у меня восприятие текста и скорость чтения возросло чуть ли не в два раза.
Далее еще интереснее, то же самое проделал с кабардинским текстом. Это что-то с чем-то, а вроде на кириллице все написано, а читать невозможно.
Делал через таблицу символов назначив сочетание клавиш для къ и гъ, но там к сожалению нет более ярких надстрочных диакритических
знаков для кириллицы, как ^
Сам факт из за отсутствии в кириллице ḱ Ѓ с надстрочными знаками заметно затрудняет восприятие, чтение на родном.

Кто, что думает?

Къарачайча джазылмагъанны блайда англаргъа излемейбиз)))
Изменено: Azamat - 04.12.2016 04:10:17
Къанбуз 04.12.2016 05:11:11
Сообщений: 599
Кечгинлик, маржа, бойнум ḱылдан инчгеди.
Не зат излериксе, мен сом тюшюрмегенме, сора, ḱаралмайды, не да , сюзюлмейди де.

Жуḱады мени тилим, чайнатып жутурурЃа
Алдан кечгинлик айтама, чанчмаЃанлай селешмейме, бек ḱорḱама, терсине тартылып кетерми деп.
Тейри, ḱоюп ḱояым турЃан турушунлай.
Изменено: Къанбуз - 04.12.2016 05:12:53
Тылмач 05.12.2016 00:23:49
Сообщений: 1392
Цитата
Azamat пишет:
Тылмач,
Алий, салам алекум)) адамны джарлылыгъын кеб затдан англайса. Ол баргьан адамладан уялгъан эдим суратгъа алыргъа . Блай джашауларына бир кеб тарыкъгъан адамла бардыла, ма алагъа кергюстюр ючюн. Аллахдан къокркъурча, хар затларыда бола тургъанлай , джашауларыны джылауларын этиб тургъанлагъа.
:финкинг: уа алейкум салам уа рахматуЛлах!)) Алаймыды, мен кеси кёзюм бла кёрмейме, айтханымча джарлы болуб кишини, кёб айланмагъаным ючюн болурму, къайдам. Бир кёб адам да менича болурла. Ансы кеси аллыма сагъыш этсем, уллу ишлери болмагъанлай бу къадар адам кеслери да джашай, юйдегилерин да асырай баргъанларына бир кесек сейирсиниученме... Черкесск шахарны ичи бла ётсем а, бир джерде да айтханымча, ол къалалача юйлени кёрсем, бу адамланы ачхалары нечик кёбдю дегенча сагъышлай келедиле башыма...
Цитата
Azamat пишет:
Америкадан учакъ бла джолунг 12 сагъат алады ( 9 сагъат Москвагъа дери, 2 сагъатда -Мин.Содха дери )
Юренчек болгъанма, тюзюн айтыргьа))
Мында да болгъан байрамланыда этебиз, малда кесиб, юлюш этебиз ( керек кесегин кесибизге алыб, къалгъанын садакъа бла джарлылагьа). Кебюсюне межгитге ачхасын бериб, ол мал алалмагъанлада дунияда мал алыб, къурманлыкъ этилирча.
англашылды))


Къанбуз, мен "кЪ, гЪ"-лагъа юреннгенме да, уллу къыйыннга санамайма, башхаланы билмейме. Тюркде ол сен джазгъанча харфле джокъдула, "турецкий лад" нек дегенинги да ангаялмадым.
Nasib&Namis 05.12.2016 00:29:51
Сообщений: 3072
Бизде къар джауады )))
Azamat 05.12.2016 01:20:06
Сообщений: 2700
Цитата

Nasib&Namis пишет:
Бизде къар джауады )))

Бизде 4 кюн джангур(((
Nasib&Namis 05.12.2016 01:27:46
Сообщений: 3072
А анда къар джаумаймыды?
Azamat 05.12.2016 01:33:08
Сообщений: 2700
Nasib&Namis 05.12.2016 01:35:25
Сообщений: 3072
Джауса иги джарашдырыб джауады сора )
Azamat 05.12.2016 01:35:57
Сообщений: 2700
Джаумай а)). Талай джыл мындан алгъа Чикагода ма былллай джауум болуб болгъан затны къар бла басхан эди.
Azamat 05.12.2016 01:36:59
Сообщений: 2700
Энди джылсайын блай къуймайды, но къар джаууады
всезнайка 16.01.2017 12:21:30
Сообщений: 1164
Кюнюнгюз ашхы болсун! Былтырдан бери керюнмегенсиз былайда! Аллах айтса, тынч-эсен болурсуз, деб ышанама

псори тамам
Читают тему (гостей: 1)

Форум  Мобильный | Стационарный