Ана тилибизде селешейик!!!

Ванхельсинг 29.11.2006 15:12:49

1 0

Аланла, былайда нени юсюнден джазсакъда, кесибизни ана тилибизде джазаргъа кюрешейик. Билмеген сёзлерибиз болса сорайыкъ, алайсыз иш этиб орусча джазылгъан сёзлени кетериб баргъа борчум бардыАллай хатачыкъларымы кече турлукъсуз деб ышанама сизге

Ответы

Тылмач 03.10.2015 18:22:05
Сообщений: 1392
Мен Дружба межгитге алай кёб бармагъанма, Джума намазлагъа уа джашауумда 2 кере бардым болур. Аланы бири джазны ахырларында, бири да ётген Джума. Эки кере да имам Ибрахим-хаджи хыйныны юсюнден бардырды)) Хар Джума хутбасы муну юсюнденмиди дей, сейир болуб, кюлдюм))

Алай болса да, хыйны чот имам айтханнга кёре кёбден болгъан болмаса, азайырча кёрюнмейди. Асыры ачыудан Ибрахим-хаджи эл-эл бизникиле джюрюучю хыйнычыланы ненча адам болгъанларын айтды, аланы атларын ачыкъдан айтмады. Адамланы къалай юйлерин къурутханларындан, бу билгич дегенлеге бармазгъа кереклисин, аланы къалай таныргъа болурун айтыб, англатыргъа кюрешди. Мен быллай чотладан уллу да хапарлы болмагъаным ючюн, ауузуму ачыб, тынгладым.

Келигиз, багъалы къарачайлыла эм малкъарлыла, бу тизгинлени ким окъуй эсе да, энтда бир кере эс бир бёлейик бу затха. Таныш, джууукъ, тенгибизни иймезге кюрешейик бу аманлыкъчы, кеслерине билгич атагъан, хыйнычы къауумгъа. Быллайлагъа адамла барыб, аланы ачха-бочха бла баджарыб турмазча этерге кюрешейик. Заран болмаса аладан игилик келмейди баргъаннга да, хыйны этдиргенлерине да, билгичди деб ышаннганлагъа да.

Быланы белгилери къалайды? Къысхасы бла ачыкълайым.
Къуранны кесин таза окъугъанла болмаса, башха тюрлю-тюрлю соруула тебрегенле, къайдам, келген адамгъа - ма сен аллай адамса, быллай кибик бир затла айтыб, кеслерин билгичле этиб, кёргюзтгенле, тюрлю-мюрлю джазыула джазыб, ашыргъанла не бек билгичлеча кёрюнселе да, ётюрюкчюдюле. Картлагъа къараучу, ташла салыучуланы уа айтыб да айланмайма. Артда сакъуранырыкъсыз багъалы эгечлерим бла къарнашларым...
FE_ 04.10.2015 12:43:52
Сообщений: 559
В этой теме я изучаю родной язык)) Вчера перед сном запутавшись в диалогах последних форумчан, призвала бабушку на помощь)) Одев огромные очки до полуночи разбирали)) Хорошая тема, спасибо автору))

-если я с тобой соглашусь, то мы оба будем неправы.
Тылмач 04.10.2015 22:41:30
Сообщений: 1392
Цитата
FE_ пишет:
В этой теме я изучаю родной язык)) Вчера перед сном запутавшись в диалогах последних форумчан, призвала бабушку на помощь)) Одев огромные очки до полуночиразбирали))Хорошая тема, спасибо автору))

а гитчелигингден нек юренмегенсе? Къарачайлыланы ичинде ёсмегенмисе?))
FE_ 05.10.2015 22:39:05
Сообщений: 559
Тылмач, да, верно.

-если я с тобой соглашусь, то мы оба будем неправы.
всезнайка 09.10.2015 09:37:52
Сообщений: 1164
Кюнюгюз ашхы болсун, аланла!
Фе, хата джокъду, юренирсе, излей эсенг! :гоккачыкъ: :alamat:

псори тамам
FE_ 09.10.2015 15:03:43
Сообщений: 559
всезнайка, ашхылыкъ керюгюз))

-если я с тобой соглашусь, то мы оба будем неправы.
Azamat 10.10.2015 05:39:07
Сообщений: 2700
Тылмач,
Бу билгич, таш салыучула, астрологла бла экстрасенсле миллетибизге къыйынлыкъдан башха бир зат келтирмейдиле. Ол барысыда къарангылыкъданды, дин къарангылыкъ бла де , тюз илму билим бла де. Чырт билим алыргъа излемейбиз, бир китаб ачыб билим алыр орнуна, ол Аллах ургъанлагъа барыб, къыйын кесеклерин да джоюб, кеслерин анданда хылымлы эмда аман сыфатха джыядыла. Межгитге джюрюгенлени харам этиб ( къарасакъал, гымыхсакъал деб атла атаб) , а бу хыйнычыгъа джюрюгенлени, бу таш салгъанланы сыйлы этиб, аланы хапарларын бир бирлерине айтыб, аланы сыйлы этиб барадыла.
Эки къолун ерге келтюрюб Сыйлы Аллахдан дуа тилер орнуна, барыб харамгъа къатышадыла. Къарт адамла эте болурдула деб турсанг, огъай сени мени джылымда адамла бу билгич къаумгъа джолоучула болуб къалгъандыла. Хапарланы эшитиюченме, джюрегим къан джыламукъла бла джылайды аллай хапарладан.
Изменено: Azamat - 10.10.2015 05:41:39
всезнайка 02.11.2015 11:18:07
Сообщений: 1164
Ас саламу гъалейкум уа рахмату Ллахи уа баракатуху!
Бюгюн Къарачайны къара кюнюдю.Аллах быллай къыйынлыкъладан кери къойсун миллетибизни энди. Анда ёлгенлерибизни да шыйых дараджагъа чыгъарыб, Къыяма кюн джарыкъ бетден къараб, джандетлени тёрюне этерча этсин Рахматлы Аллах

псори тамам
всезнайка 21.11.2015 21:57:55
Сообщений: 1164
Ингиригиз ашхы болсун, хурметли джамагъат! Не джангалыкъ, не хапар?

псори тамам
Nasib&Namis 13.12.2015 22:27:54
Сообщений: 3072
Мадина, ашхылыкъ кёр!!!!!!!!!
Къыш барады, Мадина....къар а алкъын джооооооокъ... ((((
Бир аз кёрюнесе ,Мадина... Джангы ишге-зат джарашхан?
Тынчмыса? Сау-эсенмисе?
всезнайка 20.12.2015 16:55:34
Сообщений: 1164
Nasib&Namis,
Аллах игилик берсин мени джокълагъан данынга. Джарашмагъанма джангы ишге да, кебюсюне юйдеме. Араб тилден дерсле береме окъуру келгенлеге, джарсыугъа окъуру келген да азды.

псори тамам
Nasib&Namis 21.12.2015 21:31:44
Сообщений: 3072
Мадина,КЧР демисе?!)
Эсен бол...саулугъунгу тас этме... къалгъан затха бек къыйналма... ) ол барысы джукъда тюлдю... аны къатында)
всезнайка 27.12.2015 20:29:53
Сообщений: 1164
Цитата
Nasib&Namis пишет:
Мадина,КЧР демисе?!)
Эсен бол...саулугъунгу тас этме... къалгъан затха бек къыйналма... ) ол барысы джукъда тюлдю... аны къатында)
Сау бол! Баталпашинске станседеме

псори тамам
Тылмач 30.12.2015 02:11:30
Сообщений: 1392
Джыртмагъыз гоккаланы, джыртмагъыз, джер омакъ болсун... ой,

Нызыланы кесмегиз, назланы кесмегиз дерге излей эдим! :тохта:

Джангы джыл, джангы бла, алай а джашил, ариу терекчикле орунларында бир къалсынла, хауабызны тазаласынла! Кёбден кёб болсунла! :превед:
Nasib&Namis 30.12.2015 02:19:35
Сообщений: 3072
Тюз айтасыз!
Бек ариу пласмас ёлкачыкъланы кёрдюм бюгюн...
Аланы алыгъыз...энди джыл джоюлмазсыз 😉
Nasib&Namis 30.12.2015 02:26:12
Сообщений: 3072
Къалай ариу ийис этедиле ол терекле!!!
Кеслерини ариулукъларыны юсюнден а айтмайым да къояйым....
Тылмач 30.12.2015 13:53:16
Сообщений: 1392
Цитата
Nasib&Namis пишет:
Къалай ариу ийис этедилеол терекле!!!
Кеслерини ариулукъларыны юсюнден а айтмайым да къояйым....
хоу, алайды, ёсюулери бир бек къыйын эм акъырын болады...


Тургъаныча турсун таш агъач (Нарат, Нызы, Наз...)
Тылмач 04.01.2016 17:29:16
Сообщений: 1392
Къалайды, тургъаныча къалдыламы агъачла (терекчикле)?))

Бир хапарны да бир джазайым, бир джерде джазмай болалмайма. Катчиланы Ибрахим хаджи окъуса, хар кёрген затыгъызны чабышыб, интеретге джазыб тебреген чыгъаргъансыз, къоюгъуз аны, дерик болур эди))

Джангы джылны аллы бла Черкесскде бир тюкеннге киреме да, къарасам тюкенчи олтуруб, намаз къыла тура. Экиндини заманы эди да, экинди намазны къылады дей, излеген затыма къарадым, болмагъанын кёргенимде, сакъламай, башха тюкеннге ётдюм. Алайда тургъан бир кесек заманны ичинде, кишини намазында кемчиликле эслеген эдим да, башха джерден излегени алыб, энтда биягъы тюкенни къаты бла ётерге керек бола эди. Ичине кириб, салам бериб, къолуму узатдым тюкенчиге. Намаз къылгъан, сакъалы да болгъан (къысха сакъалы) киши саламыма джууаб бердими, эслемедим, алай а къолуму тутаргъа чырт излемеди (анга сейирсиннгенден саламыма джууабы да эсимде къалмады). Сора, къарачайлыгъа ушаш кишиге намазында кемчиликлерин айтыргъа изледим, ол а уа чырт разы болмады. Мен барысын да кереклисича айтама, этеме, бир къауумун ичимден айтама кибик болмагъан джууабла берди. Мени иннетим, иги билмеген джери бар эсе билдирейим кибик, юретиу дыгалас эди.

Бети къарачайлыгъа ушаса да башха миллетден болурму эди, огъесе къарачай болгъанлай, къарачайча джууаб берирге излемедими, англаялмадым.

Мен билген бла, намаз къылгъан кишиле, джашла эм башхала Аллахны саламына ышарылыб, джууаб къайтара эдиле. Къол узатхан болса да, къолларын джашырмай, къызгъанмай, тута эдиле.
Намазчыбыз да, намазсызыбыз да былай сюйюмсюз болгъанбыз, нечик аман дуниягъа тюшгенбиз дей, кеси аллыма сагъышлы бола, айрылдым алайдан.
Изменено: Тылмач - 04.01.2016 17:44:24
Nasib&Namis 04.01.2016 17:36:52
Сообщений: 3072
Аннябызны сёзлери .... татыусуз дуния неда джюрегим дуниядан тасды...
Бу бусагъатда джетишимсизликге,
гузабалыкъгъа, экибетлиликге къыйналса айтыучанды...
всезнайка 05.01.2016 17:32:57
Сообщений: 1164
Тылмач,бурнунга ургъанча этгенди.Борчунг айтыргъа эди да, аитдынг

псори тамам
Самия 05.01.2016 17:54:51
Сообщений: 1628
Тылмач, Саламгъа салам нек бермейсе деб сормаймы къойдунг?

Мени джылытмагъан кюн, меннге тиймесин!
Самия 05.01.2016 17:58:51
Сообщений: 1628
Шиитле бермей къоючанла салам деб эштген эдим, тюз хапарды деб айталмам, ол джашда шиит болур демейме...алай а билген барсызмы аллай джукъ?

Мени джылытмагъан кюн, меннге тиймесин!
Тылмач 05.01.2016 19:31:57
Сообщений: 1392
Цитата
Самия пишет:
Тылмач, Саламгъа салам нек бермейсе деб сормаймы къойдунг?
берген эсе да, къолу узатханлыкъгъа, бетиме джити къараб, тутаргъа излемегени, хар нени унутдуруб къойду меннге. Аллай затха хазыр тюл эдим да, саламымы уа алгъан огъуна болмаз эди.

Цитата
Самия пишет:
Шиитле бермей къоючанла салам деб эштген эдим, тюз хапарды деб айталмам, ол джашда шиит болур демейме...алай а билген барсызмы аллай джукъ?
огъай, шийитле биз этгенча намаз да этмейдиле, мен билиб (саламларын билмейме). Кюнде эки кере этедиле, аны да бизнича этемидиле, иги да эсимде тюлдю. Ол а экиндини эте тура эди, бир къауум халатлы затлары болса да.

Мен сагъыш этген бла, адамла джашауда игилик алай кёрмей, хар кимге джауча къарайдыла. Муслиманма дегенле, намаз къылыб, сакъал ийиб айланнганла да бир къауум аманлыкъладан тыйылмайдыла. Аны бла бир къауум терен билими болмагъанланы да болгъан дин тутханладан кёллери чыгъады деб кёлюме келеди.
Тылмач 05.01.2016 19:34:42
Сообщений: 1392
Артыкъсыз да ачха чот бла байламлы ишледе кёб зат кёреди адам. Борч алыб, борчну бермегенле кёб боладыла. Бир джукъ ишлетиб, ачханы бермей, неда кереклисича бир джалын бермегенле да болуучандыла. Дагъыда, къолайсыз затланы сатханла, къолайсыз иш этгенле, была кибик башха затла...
Самия 05.01.2016 20:10:41
Сообщений: 1628
Хар адамны кесича халиси болганын толусубла ангасакъ, келюбюз къаллыкъ тюлдю.динине кеси джуаб берлигин да англасакъ толусу бла, гюнахын да кесибизге аллыкъ тюлбюз. Къыйынды дуния.. (

Мени джылытмагъан кюн, меннге тиймесин!
Тылмач 05.01.2016 20:35:41
Сообщений: 1392
Цитата
Самия пишет:
Хар адамны кесича халиси болганын толусубла ангасакъ, келюбюз къаллыкъ тюлдю.динине кеси джуаб берлигин да англасакъ толусу бла, гюнахын да кесибизге аллыкъ тюлбюз. Къыйынды дуния.. (
алайды, хоу. Болса да, иги юлгю болургъа кюреширге керекбиз, хар окъугъан адам кесин муслиманнга санай эсе. Къыйынды болса да, мындан къыйын заманла да болгъандыла, тёзерге, адамлыгъыбызны къурутмазгъа, Аллахны рахматын эсибизде тутаргъа керекбиз.
всезнайка 11.01.2016 14:37:33
Сообщений: 1164
Кюнюгюз ашхы болсун, аланла!
Тылмач, къыйынды чотунг!!!!!! Былай къыйын джюрек болма, хар неге попроще(сансызыракъ) къара, хар ким да тюшюнюрле, Аллах айтса

псори тамам
Тылмач 11.01.2016 19:41:30
Сообщений: 1392
Цитата
всезнайка пишет:
Кюнюгюз ашхы болсун, аланла!
Тылмач, къыйынды чотунг!!!!!! Былай къыйын джюрек болма, хар неге попроще(сансызыракъ) къара, хар ким да тюшюнюрле, Аллах айтса
адамла кесибизни бир кесек эслейик, тюзю къалай болгъанын да юренейик кибик сагъышла бла айтама ансы алай бек да терен сагъышлы болалмайма башха адамла ючюн джарсыб)) Болсун, сау бол, сансызыракъ да болургъа кюреширме, тюз айтаса.))

Алай а, бир къауум хапарланы эшитсенг, сейирсиннгенден ауузум ачылмай да къалмайды.
Сёз ючюн, кёб болмай Къурман терилени джыйгъанны юсю бла имамыбыз бла сёлешеме да. Ол да бир къауумла туз къуюлмагъан терилени бергендиле, бир къауумла уа эски терилени, аны бла тери алыучу келиб, алыргъа унамагъанды деди. Келишиу териле да болгъандыла сёзсюз, дагъыда элде джашаб, къурман малны кесген адам туз атайым деб, къалай эсине келмейди... Былай джукъну джукъгъа санамагъан адамла мени ёлтюредиле. Къарасанг хар ким джашай баргъанча кёрюнеди, бир иш болса эслейсе сейирликлени...))

Аллаху Тагъаля иги хапарланы кёб айтырча болургъа буюрсун бизге, меннге артыкъсызда.
Тылмач 29.01.2016 01:46:23
Сообщений: 1392

1 0

Ассаламу алейкум!

Эсигизде эсе джай тюркден бир турист тиширыу Иджляль Алтундагъ дунияны аулаб чыкъгъанды, бусагъатда да Черкесскийдеди. Кече къалыр джер мадары болгъанла деб тилеген эдим.

Бир талай кюн алгъа блогуна бир къарайым, бизни юсюбюзден не джазады деб, къарадым. Тюркча окъуйма дегенле, бу адресден окъургъа боллукъсуз: http://iclaldunyayigeziyor.blogspot.ru/2015/06/6-karacay-cerkes-cumhuriyeti.html

Бизни юсюбюзден аман бир джукъ джазмагъанды, алай а уллу махтаула да джасамагъанды. Аллай къонакъбай, быллай ашхылабыз кибик хапарларыбыз, хапарлада къала тебрегенди къуру. Бир-бир къралны адамларын махтаб джазгъаны да болады, блогун бир кесек окъуб эследим.

Джазыуунда иш, ачха болумубуз къарыусуз болгъанын чертеди алгъы бурун. Базаргъа барыб кийим, кёгетни багъасына къараб, сора да адамланы айлыкъларын да соргъан болур. Бу джерде адамла бир талай ишде ишлемеселе джашаяллыкъ тюлдюле, джашагъан да эталмайдыла дейди... Андан ары уллу миллетибизни юсюнден хапар джазмагъанды, джангыз хоншуларыбыздан эсе адетлерибизни бегирек тутабыз дегенди. Шахарны уллу сейир джерин эслемегенди, Теберди, Архызны джаратханды..., хычынла бла къой этни да))

Сора, Эльбрусоидчиле къайдан да чыгъыб къаладыла)) Адамларыбыздан къуру форумчубуз Къарчаны сагъынды Иджляль джазыуунда. Архызчы биреуленле тюркча билген адамыбыз деб, Руслан бла таныштырдыла, сора ол алайда айландырды, багъалы тишлик ресторанлада элтиб, тишлик эм хычын ашатды, унамасам да къоймай, дейди турист тиширыу. Экинчи кюн да Тебердиде айландыргъандыла Руслан бла юй бийчеси. Аллах разы болсун, Къарча да болмаса, тиширыугъа къонакъбайлыкъ кёргюзтген киши болмай къалыргъа тебреген эди.

Къысхасы бла хапар былайды.
Изменено: Тылмач - 29.01.2016 10:58:16
Тылмач 29.01.2016 01:48:11
Сообщений: 1392
Мадары болгъанла быллай ишледен артха турмайыкъ, миллетибизни да кесибизни ариу кёргюзтейик.
Сууабды.))
Читают тему (гостей: 1)

Форум  Мобильный | Стационарный