Для любителей творчества Сапара Узденова....

EL-HALED 20.05.2007 18:47:47

2 0

Ответы

ШАТ 10.11.2015 22:14:34
Сообщений: 1421
Берекет,

Володяны джазгъаны

что насчет книжицы перводов думаешь. У меня сейчас в столице такая малышка выходит. на 60 стихов.


давй, говорю, переводы Мельникова издадим в Москве, в сериии библлиотека Паровоза ?

Василенко и то сказала мне, когда публиковал тебя в первом Паровозе, карачаевца не уменьшай - он интересный.












да никто не гонит. я составлю текстовой вариант, вышлю тебе на проверку. чтобы мог поменять местами те стихи, которые захочешь























добро. пока не спеши. составлю книгу - пришлю тебе фал. а там решишиь











это будет 64 стр. на скрепке. тираж 500

























да, часть переводов послабеее. Но уж 60 стихов набрать то можно. Мои переводы включить, Стрельца...








Понимаешь, эта серия будет элитная, туда н одна дохлая мышь не проскочит. Только ПОЭТЫ
Берекет 11.11.2015 01:09:33
Сообщений: 150
Салам, Сапар.
Алан, джарашдырыб манга бир хапар джаз почтама.
Ол Володя деген джашхада телефонуму, почтамы джибер.
ШАТ 11.11.2015 23:06:26
Сообщений: 1421
Берекет,

Саламынг узакъ болсун, Мусса !

Володягъа сени телефонунгу номерин эмда адресинги ийгенме.

Джумушну, болушлусуча, ол табыракъ ангылатыр..

Саламыбыз бирге !!!
ШАТ 12.11.2015 14:16:43
Сообщений: 1421
Цитата
Dalila пишет:
ШАТ 12.11.2015 14:18:11
Сообщений: 1421
Бир суратны тюшюреме дедим да, тюшмеди
ШАТ 13.11.2015 12:07:21
Сообщений: 1421
142

Башынданды, бары да,
Джашил джаз, акъсыл къар да.
Кетгенинг, сени да, джюрекден.
Кюлмейме, джыламайма.
Кел – кет да, айталмайма.
Болумну, кёрдюм да, теренден.

Башынданды, бары да,
Ма, туугъан, ёлген джан да.
Къоннганы чыкъны да ханслагъа.
Тюненем ары кетди,
Бюгюнюм бери келди.
Махтауум, бир кёбдю, Аллахгъа.

Башынданды, бары да,
Сарнаулукъ, белляу джыр да.
Кёбгени джерни да джангурдан.
Кёзюуде зауукъ сынай,
Бирде уа ачдан джылай.
Бир джукъгъа да ёлме ачыудан.

Башынданды, бары да,
Сары къач, къызыл къан да.
Аджашхан, баргъан да тюзюне.
Сейир тюлме ол затха,
Минсем да агъач атха,
Къыйынлыкъ джетсе да юйюме.

18.04.2000.
Турна Аууш.









ШАТ 13.11.2015 16:06:04
Сообщений: 1421
143

Джырчыны иши халал,
Кеси уа – харам.
Адамдача тюлдю да
Дуниягъа къарам.


Джыласа джырчы адам,
Кюлкючад джылау.
Кюлгени уа, не дейсе,
Тебиннгенча тау.


Алгъышха къууанмайды,
Кёбге тюлдю ол.
Къаргъышха джарсымайды,
Тенги тюлдю ол.


Терсликни кёлтюрмейди,
Чюйреди анга.
Тюзлюкге, биче билед,
Кесинлей, багъа.


Ёксюзге, ёксюздю дер,
Телиге – тели.
Джашаулай, эсли болур,
Неге да, эси.


Айтса уа, айта билед.
Тили миз, къама.
Сюйсе уа, сюйе билед,
Тауунча къая.


Джашаугъа кёлю башха,
Туугъанча шаудан.
Ёлюмге да сый башха,
Тууса да саудан.


Халкъына, аямайды,
Джанындан бир сёз.
Джыр къала салса да ол,
Халкъдан джокъду кёл.


Сёзден мынчакъ тизмеген,
Сюйерми муну.

Сёзден макъам сюзмеген,
Узатмаз сууну.


Къысха сёз былай болур,
Къысха мен айтсам.
Джырчыны иши халал,
Кеси уа – харам.


19.04.2000.
Басханстан.
Турна Аууш.




ШАТ 14.11.2015 18:09:04
Сообщений: 1421
144

Сен джашайса тюшлеринге къурман бола.
Тюн дуниянгы, узакъ этиб, эсингден.
Тюшледе уа, насыб тёрге къушлай къона.
Къууанчлагъа терен батыб белингден.

Отуз бешде, онгалмадынг, тенг къызлача.
Сен, джаш бешик, тебретмединг арбазда.
Келди заман, энди, болдунг дынгырдарча.
Къалмагъанды, кёзбау сыфат, санлада.

Тюш джашау а кёб да турмай кери къачар.
Къартлыкъ басса, чабсанг бери, кертиге.
Тыйыншлысын, нени берир сеннге къадар.
Сагъыш этиб, соргъанмыса, кесинге.

Тебрен алгъа, къурал хай да, тюнле таба.
Сен къоркъурлай, аман тюлдю, алай бек.
Кёзюуледе, джашасанг да, теринг агъа.
Кёзюуледе, келиб къалад, къууанч терк.

Тюнден эсенг, тюн бла болсун ахыр тылпыу.
Адам шойса, барма къыйыкъ джашаугъа.
Санларынга, кюсетме да, къабыр джылыу,
Тюннге къайтыб, тенг бол дейме саулагъа.

19.04.2000.
Турна Аууш.


ШАТ 16.11.2015 18:23:22
Сообщений: 1421
145

Джарыкъ орам къыжгъыл болуб ауанадан.
Джан кёрюнмей, къуру къалыб арбазла.
Соруу сормай боламыды, шо, джашаудан.
Ий – инсагъан, къайдадыла адамла.

Уллу орам къыжгъыл болуб калкайладан.
Эштилмейле, таулу тилде, саламла.
Эштилмейди, сабий таууш, арбазладан.
Ий – инсагъан, къайдадыла адамла.

Бу кенг орам къыжгъыл болуб улоуладан.
Джюрюшлери, къоркъур кибик, шайтанла.
Бу эл инсан аугъан болур, бюгюн, таудан.
Ий – инсагъан, къайдадыла адамла.

Эски джуртда, къарбет таула – ийесизле,
Ой мен къоркъур, келгендиле заманла.
Джаным джылай, мен сорама Тейрибизге.
Ий – инсагъан, къайдадыла адамла.

Басханстан.
19.04.2000 дж.



ШАТ 18.11.2015 12:52:40
Сообщений: 1421
146

Эс кирсе джангы джаннга,
Джан келед джангы саннга.
Алайды, джашау алны, аллы.
Хар не зат кеси джерде.
Хар не зат Аллах эсде.
Бошуна, бош этмейим къайгъы.

Эс кирсе джангы джаннга,
Джан келед джангы саннга.
Эй, аны бла, бошса башынга.
Сюйсенг бол адам улу,
Сюйсенг бол эшек къулу,
Сюйсенг къош ёлюр от ашынга.

Эс кирсе джангы джаннга,
Джан келед джангы саннга.
Саугъады, къууан сен саугъагъа.
Боллукъгъа терс барма да,
Джау болма къадар бла да,
Чаб алгъа, чабышчы джашаугъа.

Басханстан.
23.04.2000.


ШАТ 18.11.2015 12:53:50
Сообщений: 1421
147

Кёзюм кёрген тургъаныча джалан таула.
Чыран бузла, кёз къамата, джылтырай.
Айланама, бир джитиден, бирге ауа.
Сагъышда да, Ата джуртум – Къарачай.

Терен алсам, ой алайды, биз башхабыз.
Бизни джерни башха тюрлюд къудрети.
Минги таугъа эрке болгъан бир балабыз.
Анга кёрдюм, мен тюшюмде, бир белги.

Тура эдим тау башында сагъыш басыб.
Бир джабыла, бир ачыла, туманла.
Бир заманда джашил кёкню эки джарыб,
Мюйюз булгъай кийик тюшдю туурама.

Мюйюзле уа кёз къаматхан чий алтындан,
Хар бутакъда ариу джашнай джанкъылыч.
Таурухдача, нюр джана эд тюз аллымдан.
Тылпыуундан, нюр чыгъа эд, ашыгъыш.

Ол, бизнича, къарча тилде, сёзле айтды.
Айтды кескин, джашнарыгъын юзюкню.
Келгенича, кёк ичге да, дженгил къайтды.
Баргъан ызы шынкъарт этиб сау кёкню..

Кёзюм кёрген, тургъаныча, джалан таула.
Чыран бузла, кёз къамата, джылтырай.
Айланама, бир джитиден, бирге ауа,
Сагъышда да, Ата джуртум – Къарачай.

20.04.2000.
Турна Аууш.



ШАТ 20.11.2015 13:39:17
Сообщений: 1421
148

Ала къан, эм туз бла тер, Аллахдан а джан.
Былайды, эй, джартыбаш, аллындан, адам.

Башынгы бошлама бош, джорукъгъа сыйын.
Китабдан ангы къошсанг, башланыр сыйынг.

Ангнгыгъа, сагъыш бёлген, халалды джерге.
Сагъышдан къууанч кёрген, патчах билимге.

Билим эс - Аллах кючдю, - джашаугъа ёзек.
Билим эс – Аллах нюрдю, - тёзмезге тёзсек.

Былайгъа, къулакъ сала, джаша да бир кёр.
Кесекден сезерсе сен, джаннга джокъду кёр.

Джерде болгъан, бош затды, алдады керти.
Анда джукъ да онгмайды, джукъ болмаз эски.

Ала къан, эм, туз бла тер, Аллахдан а джан.
Былайды, эй, джартыбаш, аллындан, адам.

Къан бла тер мындандыла, къалырла мында.
Ой, джан а, кёкденди да, барлыгъы ызгъа.

Мен, сеннге, бир кёб айтдым, ойлаш, ангыла.
Сёзюмю, джукъ къоймайын, къотар ангыгъа.

24.04.2000.
Турна Аууш.



ШАТ 22.11.2015 22:17:20
Сообщений: 1421
Цитата
ШАТ пишет:
148

Ала къан, эм туз бла тер, Аллахдан а джан.
Былайды, эй, джартыбаш, аллындан, адам.

Башынгы бошлама бош, джорукъгъа сыйын.
Китабдан ангы къошсанг, башланыр сыйынг.

Ангнгыгъа, сагъыш бёлген, халалды джерге.
Сагъышдан къууанч кёрген, патчах билимге.

Билим эс - Аллах кючдю, - джашаугъа ёзек.
Билим эс – Аллах нюрдю, - тёзмезге тёзсек.

Былайгъа, къулакъ сала, джаша да бир кёр.
Кесекден сезерсе сен, джаннга джокъду кёр.

Джерде болгъан, бош затды, алдады керти.
Анда джукъ да онгмайды, джукъ болмаз эски.

Ала къан, эм, туз бла тер, Аллахдан а джан.
Былайды, эй, джартыбаш, аллындан, адам.

Къан бла тер мындандыла, къалырла мында.
Ой, джан а, кёкденди да, барлыгъы ызгъа.

Мен, сеннге, бир кёб айтдым, ойлаш, ангыла.
Сёзюмю, джукъ къоймайын, къотар ангыгъа.

24.04.2000.
Турна Аууш.


ШАТ 03.12.2015 21:55:57
Сообщений: 1421
150

Тюбю джерге табына,
Башы кёкге абына,
Бир ариуду акъсыл къайын джазгъыда.
Бутакълары джерге къарай,
Чапракълары аяз джалай.
Бир кёзбауду, айтыр кибик, алгъышда.

Эси кёкге учуна,
Кеси къызлай къубула.
Тюз кесинглей, ариу болур джан сенде.
Тёгерекге къууат тёкген,
Сыфатынгдан зауукъ кёрген,
Болур, тейри, тюшген кибик, джандетге.

29.05.2000.
Джёгетей.
Къайынлы.


ШАТ 03.12.2015 21:56:38
Сообщений: 1421
151

Ёзден джуртда, ёзден санда, ёзден джаным.
Шукур Кёкге, энтда, къайтдым, джериме.
Кесим сауда, керти кёрген, джандет чагъым,
Бир къууанчын, сен да, менлей, телинге.

Ёзден джуртда, ёзден санда, ёзден джаным.
Нюр къойнунгда шам сагъышха бёлендим.
Эсден кетди тансыкъ деген ауур къайгъым.
Энтда, алгъа, джашау кёрге, кёллендим.

Ёзден санда, ёзден джаным, ёзден джуртда.
Шат Аллахым, бир зат къайтар алгъындан.
Ышан кесек, къалгъан эсе, таулу къушдан,
Эс джыяйым, мен джаш болуб, джангыдан.

Ёзден джаным, ёзден джуртда, ёзден санда.
Мен, тамблагъа, не тилейим, кесиме.
Бир уллуду, къобхан тауш, джырчы къанда.
Къобхан кибик, джер джутаргъа, тейриле.

25.04.2000.
Орта Къарачай.
Джёгетей.

ШАТ 03.12.2015 21:57:21
Сообщений: 1421
152

Ненча сагъыш эледим, бир акъ да, бири мор.
Ненча затны сынадым, бири халал, бири зор.

Ол, барысы, энди джокъ, къайдады кетген.
Кетген зат да, нек къачды, узакъ кертиден.

Джангы келлик, не затды, джокъдан эсе ол.
Келген да, бир кенг кетди, кёрмезчады джол.

Келген къууанч, кесекге, къайгъы да, алай.
Сен, кесинг да, кесекге, бол джарлы эм бай.

Дунияда, джашнаб тургъан, къуру да, Ёлюм.
Къалгъаны, джомакъ, алдау, алайды кёлюм.

30.04.2000.

ШАТ 03.12.2015 21:58:13
Сообщений: 1421
153

Кюле, тюзюме – терсиме,
Хар нем да, игиди дейим.
Бере, шукурну, Тейриме,
Къууанч бла элге кирейим.

Джашау кюйдюрсе кёзюуде.
Бирде да, этсе, бир сууукъ.
Турсунчу ийман кёлюмде.
Къууланмай,турсунчу туруб.

Къайдан да джетеди ёлюм.
Ол кюн келсин къууанчлы.
Табхан, тёзюуге да, тёзюм.
Табар, ахыргъа, джууабны.

Болуб джарсыуум кёбюрек.
Келеме, мыдах, джуртума.
Мында уа, кёгюм кёгюрек.
Себеди нюрюн къулуна.

Бере, мен шукур, Тейриме,
Къууанч бла элге кирейим.
Кюле, тюзюме – терсиме,
Хар нем да, игиди, дейим.

25.04.2000.









ШАТ 03.12.2015 22:56:31
Сообщений: 1421
154

Семиз булут арыкъны,
Кире барыб джанындан.
Бир бек урду джарлыны,
Бойну бла къарнындан.

Кесекден а, арыкъдан,
Бир бускак да къалмады.
Семиз тойду арыкъдан
Ол, алай а, къанмады.

Джата туруб кесекни,
Ол джумулду кёнделен.
Кёрюб къойду келгенни,
Къарагъанны тёбеден.

Алай эте, джут халда,
Семиз джутду талай джюз.
Кючю болмай атларгъа,
Симсиреди джюрюшсюз.

Кесекден а, юс къакъды.
Джайды кёкге бир дауур.
Алай кючлю джашнады,
Къуйду сора буз,джангур.

Алайданды, джаш тенгим,
Башланнганы тамчыны.
Къара булут эслединг,
Юсге къабла джамчыны

26.04.2000.



ШАТ 03.12.2015 22:57:34
Сообщений: 1421
155

Джангур, джау, хайда джау.
Къаншаубийге, айт, махтау.

Алгъышынг бла къууандыр,
Сен, джашымы, атландыр.

Джангур, джау, хайда джау.
Бу джер юсге, сен, джашау.

Къаншаубийге онг джибер,
Джашау таба джолну кер.

Джау, джангур, хайда джау.
Кёбню джаууб болма джау.

Къаншаубийге джукъу бер,
Тюшлерине терк джибер.

Джау, джангур, хайда джау.
Сакълаб турад ёзен – тау.

Къаншау бийге белляу айт,
Джукъласа уа, ызгъа къайт.

Джау, джангур, хайда джау,
Джаншай- джаншай орирау.

Къаншау бийни юзюгю,
Сенлей, болсун, ёмюргю.

26.04.2000.
Турна Аууш.
Басханстан.




ШАТ 03.12.2015 22:58:23
Сообщений: 1421
156

Былай ары тик джити.
Былай бери джол иги.
Тикден эсе, дангыл тюзге джанлайым.
Айхай, тюзюм бошалса,
Таугъа тийиб, тохтаса,
Мен, кесиме, нечик бетден къарайым.

Былай ары тик джити.
Болуб кетсем мен тири,
Таудан эне бир тюз джолгъа чыгъарма.
Энтда, сора, бар анга,
Тиреллигинг – ыраннга.
Биягъынлай мен терсме деб джыларма.

Былай ары тик джити.
Былай бери джол иги.
Къарайма да, бири - оу да, бири – шау.
Андан эсе, былайын,
Эм маджал деб, сыйлайым.
Кесиме да, бир затха да, салмай дау.

27.04.2000.




ШАТ 03.12.2015 22:59:01
Сообщений: 1421
157

Алкъа къагъанакъса да.
Алкъа къарындаса да,
Мында чотдан, хапар деген, сенде аз.
Кюнюнг- айынг ана къарын.
Сен сынайса джандет халын.
Бир бош затха аурумайын сенде баш.

Ашынг сууунг ана къанды.
Андан сени джанынг джанды.
Уллу болсун, бери келе, джарыгъынг.
Сен джарлыгъа ёкюл болгъун,
Ёксюзлеге къолну созгъун,
Кяфырлыкъгъа бурулмайын акъылынг.

Болсун тилинг ана сёзлю.
Кёлюнг болсун ата кёллю,
Сен къайда да къарач бетге къаты бол.
Алай барсанг джашай бара,
Эсинг кетер къуран таба.
Ангы кючге, кючню къошхан, къуру ол.

Туугъан джеринг ана къарын.
Джашар джеринг ата халкъынг.
Ёзден бол да, къалайда да, джойма бет.
Сынай- сынай джашау кючюн,
Джаша, бала, джуртунг ючюн.
Менден эсенг, хар сёзюмю, къабыл эт.

04.05.2000.
Басханстан.




ШАТ 03.12.2015 22:59:33
Сообщений: 1421
158

Хауада ауанала,
Адамлачалла ала.
Ичлеринде, бизде кибик, джаман кёб.
Алада да, чот, бизлей,
Тели джашайд телилей.
Акъылбекге къаршчы болуб тёгерек.

Къайдан болдум, билмейме.
Болгъаныма кюймейме.
Бир заманда, мен да, болдум ауана.
Алай эте, кесекден,
Дженгил болуб мен джелден.
Тура эдим, бирле къатыш, хауада.

Аланы уа, бирлери,
Манга ушаш, ма бети,
Уча келиб, къысха кириб туурагъа.
Туугъан эсенг адамдан,
Къора - деди,- былайдан,
Ёлмей келген келишмейди къураннга.

Андан сора, кесекден,
Къууанч агъа джюрекден.
Мен къарадым, къая башдан, ёргеге.
Ой, анда уа, хауада,
Къолун силке ауана,
Кириб кетди, тенгле къатыш,кёклеге….

04.05.2000.
Басханстан.




ШАТ 03.12.2015 23:00:12
Сообщений: 1421
159

Ай, Эсеним, Эсеним.
Эсен болсун ёсгенинг.
Джашау болсун ётеринг.
Ёлюм болсун кенгдегинг.

Ай, Эсеним, Эсеним.
Аллах болуб нёгеринг,
Къууанч болсун кёргенинг,
Насыб болсун тёзеринг.

Ай, Эсеним, Эсеним.
Джанда алтын терегим.
Сени, ёрге, сюейим,
Туудугъунгу бёлейим.

Ай, Эсеним, Эсеним.
Таудан марал эндиргин.
Аны халкъгъа юлешгин.
Ёксюз юйге кёб бергин.

Ай, Эсеним, Эсеним.
Балта – чалкъы билегин.
Анга, джашны юретгин.
Джашха къала сюетгин.

Ай, Эсеним, Эсеним.
Мени бауур кесегим
Таулу къызгъа юйленгин.
Джаугъа таулай сюйелгин.

Ай, Эсеним, Эсеним.
Болуб кирсиз иннетинг.
Кёклей болуб хурметинг,
Элге болсун къудретинг.

Ай, Эсеним, Эсеним.
Муратыма тюбедим.
Джукъла, бала, сен рахат.
Аллахгъаса - аманат.

06.05.2000.

ШАТ 03.12.2015 23:00:49
Сообщений: 1421
160

Джашаргъа уа, энтда, заман барды.
Бар эсе, махтау, Бериучюге.
Сый андан, хар не зат да, анданды.
Не, итсе сен, не тенгсе бёрюге.

Джашаргъа уа, энтда, заман барды.
Барды джол таугъа эмда тюзге.
Халкъыма джукъгъан затым а азды.
Бергеним да аз Бериучюге.

Джашаргъа уа, энтда, заман барды
Мен, аны, бош джоймайым терсге.
Джанымда бир кёб муратым акъды.
Айтайым, аны, Бериучюге.

Джашаргъа уа, энтда, заман барды.
Алайым, алыр затны, андан.
Эс кючде, джюрюш хат, аламатды,
Ауаргъа боллукъду аламдан.

Джашаргъа уа, энтда, заман барды.
Болмай да, хазырма ёлюрге.
Джашадым, шайирча, ой, бу хакъды.
Махтауум, къуру, Бериучюге.

06.05.2000.
Турна Аууш.

ШАТ 03.12.2015 23:01:31
Сообщений: 1421
161

Эй Аллахым, кючюнг кёб.
Тура – туруб, гюрюлдеб,
Тауну тюзге, тюзню таугъа къууаса..
Эй, барды да, ма къарыу,
Эсге тюшсе джангыртыу,
Барны джокъгъа, джокъну баргъа бураса.

Эй Аллахым, къуру Сен,
Оноу этген ёмюрден.
Эм башны да, эм тюбню да, кёресе.
Бюртюк ичде бюртюкге,
Джюрек ичде джюрекге,
Сюйсенг ёлюм, сюйсенг джашау бересе.

Эй Аллахым, къуру сен.
Джолну берлик ёлюмден.
Сен барлыкъда, не затха да, хазырма.
Кетиб бара джашаудан,
Бир ариула гюнахдан.
Джаханимде къанлы кюннге джашырма.

21.05.2000.
Орта Къарачай.
Джёгетей.



ШАТ 03.12.2015 23:02:18
Сообщений: 1421
162

Дамсыз адамла.
Алдау азанла.
Нек болгъанды ашхы дуния тюз былай.
Тюрлю ашхамла.
Тюрлю аджалла.
Джангы тангла нек аталла къалтырай.

Семиз къабханла.
Гюнах айтханла,
Къул этдиле, ёзден халкъны, тауланы.
Шайтан макъамла,
Къуйрукъ ачханла
Бокъладыла, сау джер башны, хауаны.

Адам аджирле,
Бетсиз тишиле,
Бу шам джуртну бетсиз бетли этдигиз.
Фитна джашауда,
Иблис махтауда,
Кёб турмазсыз, шугут юзюк, тейри, сиз.

28.05.2000.
Орта Къарачай.
Джёгетей.


ШАТ 04.12.2015 23:25:37
Сообщений: 1421
163

Сапар тебресе къайтмаз сафаргъа,
Къоркъунчлу болса ахыр къадаргъа.
Къайсы болур, ахыр сёзге, ма шагъат.
Мёлегим, ачса, терезе кёзню,
Тылпыуун ийсе бусурман кёкню,
Андан, меннге, неге болур, шапагъат.

Сапар тебресе ахыр сафаргъа,
Саным бегисе къарангы таргъа,
Къайсы болур къол созарыкъ джаныма.
Келсе ибилис кёзюн джандыра,
Хауле джуртуна тойгъа чакъыра.
Ой, не келир, сагъыш болуб, ангыма.

Сапар тебресе ахыр сафаргъа,
Къоркъунчлу болса джангы къадаргъа.
Я Аллахым, джанны кючлет тёзюмден.
Джелге ачдыр да терезе кёзню,
Тылпыуун ийдир бусурман кёкню
Къанау джанны онглу бир эт ёлюмден.

28.05.2000.
Орта Къарачай.
Джёгетей.




ШАТ 04.12.2015 23:31:52
Сообщений: 1421
164

Ижаланы Мухаммадха

Джангы джангурла.
Джангы дауурла.
Джангы кёкде, джангы хауа, бир чууакъ.
Джангы ингирде,
Джангы Тейриде,
Эштирикге, алгъыш болгъан, къарча акъ.

Джангы ёмюрню.
Джангы бёрюню.
Къарайма да, хар азау тиш, бир джити.
Кёзюн джандыра,
Тишин чакъдыра.
Джукъ сормай да, джутлу халы белгили.

Джангы джазгъыда,
Джангы акъылда,
Джангы болду, менде джанны, дуниясы.
Махтау джангыгъа,
Махтау ангыгъа.
Боллукъ затха мен къоркъмайма асыры.

30.05.2000.







ШАТ 04.12.2015 23:32:31
Сообщений: 1421
165

Къыркъ джети бери джетди,
Къалгъаны кери кетди.
Джыл тюрлениу, агъартмады, ичими.
Сол джаным къара тубан,
Онг эсе, къалын орман.
Ал джанымда, танг орнуна, ингирги.

Эй, алай а, джан джигит,
Бёрючады, тюлдю ит.
Таджалды да, къуру алгъад, ма барыу.
Этсин джашау самаркъау,
Оя берсин джолгъа тау.
Ол тохтатмаз, барды тёзюм эм къарыу.

Болсун джазыу къыйынлы,
Болсун заман хынтдылы.
Кёкден эсе, мен, саугъасын, сынайым.
Кетген эсе, кетгеннге,
Келген эсе, келгеннге,
Джаным сауду, эсим кюле, джырлайым.

29.05.2000.
Джёгетей.
Орта Къарачай.





ШАТ 04.12.2015 23:33:51
Сообщений: 1421
166

Чыныкъгъанды эски эсим хар бир даугъа.
Энди, тейри, от джанмайма бошуна.
Ангы кюч бла, чыгъа билген, аламлагъа,
Къыса билед, хар келгенни, къойнуна.

Ля илляха илля лах бла, болсанг джёнгер.
Ангынг кибик, болад джюрек агъыракъ.
Ийман атынг мыдахлыкъдан окълай ётер,
Сыйрат юсден, ол ётдюрюр сагъыракъ.

Джаншагъаным алдау тюлдю, тюз ангыла.
Менден кетсенг, ёлмез кючюм кёб мени.
Ол кюнде да, тобукъланмам мен аллынга.
Мен ол тюлме, сюрюб баргъан, кетгенни.

Менден кетиб, кириб кетме сен джалыннга.
Насыб табсанг, эслеб чыгъар тилден сёз.
Болду айтыу, барлыкъ тюлме, ой, джалына.
Къора кёзден, джылатмайма сеннге кёз.

09.04.2000.
Къарчастан.
Джёгетей.



Читают тему (гостей: 1)

Форум  Мобильный | Стационарный