25

Алгъынлайса, энтда, багъалымса.
Къууанчла, бушуу джел да сенден.
Джюрек джазны, къарачы, арасыса.
Джомагъым, кюуюм да къуру сен.

Наратла сеннге тенглик этмезча.
Хауа кибик, бир табса, асыры.
Сен кёлге келгенсе да кетмезча,
Джубанчха, тиземе джырланы.

Бошду чыкъ, керти да бир тазаса.
Акъ къолла акъсылдыла къардан.
Джан отум, кимден да тамашаса.
Минг шукур, саугъаса Аллахдан.

Ёзге бил, манга къыйыкъ къарама.
Бир бек уллу сый тартма кесинге.
Къарачы бир, сенича, мен адамма,
Джазгъа ушаш, ариула сезимле.

Джокъла мени, алай аман да кёрме.
Ой, хар кимни да, барды бир терси.
Ашны бериб, бошха да джерге тёкме.
Ойлаш сабыр, сакълачы сен мени.

Джюрек джазны, къарачы, арасыса.
Джомагъым, кюуюм да, къуру сен.
Алгъынлайса, энтда, багъалымса.
Къууанчым, бушуу джели да, сен.

26

Мен джерге келсем да джашаргъа деб.
Джер джашау болалмады иги.
Мен бери келсем да джашнаргъа деб.
Бир джилтин, бир бермеди, киши.

Эртденде, юйден, мыдах чыгъама,
Эртденни, кёрсем, кесек мыдах.
Терсликни кёрсем, къайда чыдам а,
Этерлей болама бир палах.

Юйюмде да джан болум табсызды.
Мен сюйгенча тюлдю да тепси.
Бошду ол, эки джаным антсызды,
Джокъду джукъ,о буд, дерге иги.

Кёзюуде, мен, къанмайын, ичеме.
Чагъыргъа, эсли къошуб, сагъыш.
Кеф джанны бошлаб да мен ийеме.
Джокъ чырмау, учады къанатсыз.

Джунчусам, тилейме кече - кюн да.
Аллах, Сен, кётюр деб кёлюмю.
Айнысын джазгъан ишим, юйюм да,
Шо, меннге, чакъыртма ёлюмню.

Кесекден, хар не да, бошаллыкъды.
Джылагъан, кюлген да, эс алмаз.
Ёлюмге джаным джолну аллыкъды.
Хакъды бу, бир джукъ да тыялмаз.

Джан ары кетсе да джашаргъа деб.
Джашауу, болурму, айт, иги.
Ол, ары, кетсе да джашнаргъа деб,
Джилтинчик, берирми да, киши.

Ноябрь 1996 дж.

27
Бу кюуню Сылпагъарланы бир тиширыуну тилеги бла джазгъанма.
Олсагъатда Джёгетей Аягъында джашай эдим. Кесими да, юйде ауруб
тургъан адамым бар эди да, сагъышым тёпбеден эди. Тиширыу асыры
бек джылагъандан, ёлген джашны хапарын толу ангыламадым.
Джашны мен кесим да таный эдим, Джёгетейчи эди ол. Барын да джан-
шагъаным, анда- мында алджагъан джерчиклерим болургъа боллукъду-
ла. Ол себебден, Сылпагъарладан кечмеклик тилейме. Кюу а былайды.
Эски къагъытланы къозгъай келиб табханма да, тас болуб къалмасын деб,
Бери джибереме

Сылпагъарланы Энверге этилген кюу

Сиз тынгылагъыз, ой мен да айтайым.
Бу Энверге этген кюуюмю.
Айтыб башласам а алай болама,
Юсден атханча джюгюмю.

Нарсана шахар, курорт а шахарды.
Ой бу миллет таймай келеди.
Ары барыргъа мен а сюймейме,
Эй андан къыйынлыкъ келгенди.

Энивер аллыкъ, ол ариу юйню да,
Шыбыла джерге кёмнгенди .
Къарачай шахарны джаратмагъан Энвер,
Эй Нарсананы ууун кёргенди.

Сакълай а -сакълай Земфира сени.
Тюз къачхы ханслай онганды.
Сени кюсей да, дугъум кёзлери,
Бир боз кюренден толгъанды.

Нарсана больница уа, нек джарамады.
Аман аурууну да багъаргъа.
Ой, сени, юйге ашырыб ийгендиле.
Азчыкъ къалды деб джашаргъа.

Ашхы умутунг бла баргъаненг Энвер,
Курорт Нарсанада турургъа.
Ой уллу Аллах а буйюрмай къойду да,
Джангы арбазны къурургъа.

Сен да ишлеген, сени, ишингде.
Ой, энтда, ишлейле тенглеринг.
Бир къауумлагъа, той а болгъанды.
Сени замансыз ёлгенинг.

Энверим эте, Энверим дей да.
Ма, ананг, Балачыкъ атады.
Ёлюб кетсенг да, бу эки атынг,
Бизни бла бирге къалгъандыл

Бир кече тюшде, алай а кёрдюм,
Атлам эталмай аллыма.
Энверде ауру, кери да болсун,
Мени сюймеген къаллыма.

Ол джарлы атанг Азияда къалды.
Ай сени къарнашынг да узакъда.
Энди уа, ананг, къалай турлукъду.
Тюшгенди сагъыш тутмакъгъа.

Зенфирни кёрсем, сен эсге тюшюб,
Кёзлерим къандан толады.
Къабыргъа кирген ол мыдах Энвер,
Ой тюшде, къабырдан къобады.

Къабырдан къобуб, аллыма келиб,
Тынчлыкъ - эсенлик сен сорсанъ.
Джангы туугъанча, алай болама,
Салам берирге къол созсанг.

Мени тюшлерим тюнле болсала,
Табмазенг менден насыблы.
Сени орнунга, ой, мен кетгеем,
Къабыр тереннге да, ары.

Ашхы муратла кёб этген Энвер,
Джеталмай къалдынг муратха.
Ачы аурууунг джер а салдырды,
Ёлюмден келген ол атха.

Джууукъ болгъан а алай джылайла.
Киши джыламаз, ой, алай.
Джарлы Энверим джан бериб къойдунг,
Мени да бир бек къучакълай.

Халал тенглеринг кёре келелле,
Учу кёрюнмейд келгенни.
Мени джауум да, кёрмей а къалсын.
Былай а, къыйналыб, ёлгенни.

Кирпиклени уа ёмюрге джабдынг.
Этдинг, бизни да, сен мыдах.
Биз мында санга джараялмадыкъ,
Анда, джарасын, шо, Аллах.

Ай, кенг арбазда миллет толуед,
Толубед тенгден, джууукъдан.
Аман ауруудан замансыз кетдинг,
Къутулдунг, энди, худжудан.

Таймай кёзюме кёрюнюб турад
Ахыргъы кюнню къарамы,

Джыламай санга, къалай а этгин.
Джылаб мен кёрсем анангы.

Бу джылы джазда не да чагъады.
Терек джашнады къурмачлай.
Къачхы тюрсюнлей, ма эгечлеринг,
Сокъур болалла, ой джылай.

Нарсана, сени, кёб туталмады.
Морхгъа да келдинг джашаргъа.
Алай а джазыу, бир да, буйюрмад,
Анда уа къабын къабаргъа.

Ай, дарман иче, дарман иче да.
Суу ичалмазлыкъ сен болдунг.
Джангыз къарнашынг къалай болалсын.
Кесин, кесине, сен къойдунг.

Ол джарлы ананг, ой хариб анан,г
Тюрлюле этед ол санга.
Акъны айырмай, энди, къарадан.
Ингирди дейди, ой, танга.

Ай, хариб Энвер, болур а болду.
Энди тынчлыкълы сен джукъла.
О сыйлы Аллахым, мен а тилейме.
Бизни Эниверни унутма.

Кюу айтмайын а, не джыламайын.
Къалай джашагъын, айтчы бир.
Кюндюз - кече да, былай тилейме.
Джандет ичине сен бир кир.

Джашау джолунг а къолай болмады.
Заман джукълатды замансыз.
Кесинг джангыз а, къалай тураса.
Къыйын да болур анасыз.

Джашауунг сени къолай болмады.
Бир бек къыйнады керексиз.
Джарлы кесинг а, къалай тураса,
Къыйын да болур эгечсиз.

Джашауунг сени къолай болмады.
Инджиу бла ётдю хайырсыз.
Къара кёрюнде, къалай тураса,
Табсыз да болур къарнашсыз.

Ахыр тылпыуум менден къорамай.
Атмам джюрекден мен сени.
Сени кёзюнгден кёрюб а турлукъма.
Джууукъда - тенгде кёблени.

Тёзюб - тёзмей да, къалай этейим.
Бир уллу джарсыу сен бердинг.
Ой, бери келлигинг, ётюрюк болур.
Бизни, сакълачы, сен кесинг.

Ары къарайма да, бери къарайма да.
Мен кёрмейме сени алгъынлай.
Ай, Эниверим, джазда къууландынг.
Бир чагъалмайын сен джазлай.

Ой, къайсы барды, ары кетмезлик.
Биз да барлыкъбыз кесекден.
Сыйлы Аллахдан, ахыр тилегим,
Тюбетсин бизни джандетде.

Къарчастан.

995 дж. Джазда.

28

Душмандан, тенгден да эрикгенме.
Хар неден безгенме мен бир бек.
Мен, эсни, таулу джуртха ийгенме.
Таб болур, чыкъсам мен ёргерек.

Таулада шошлукъ къолда турсам а.
Бералса, джангы тин, табигъат.
Мен кёбге, джангыча, ууланама.
Хар джерин, табады, хар бир зат.

Къайтыргъа болурма бюгюн, тамбла.
Мычысам, сен, сойма кесинги.
Джол къанны, ала эсем, алхам бла.
Ахыргъы боллукъду белгили.

О, сау къал, кетер заман джетеди.
Кёр мени, болалмайма таусуз.
Эриксем, андан да, джол, сенгеди.
Эшикни, къоярса, къадаусуз.

Кесекден, джууаб хапар, айтырма.
Не болдум, къалай эди чотум.
Берилсе, джангы эс бла къайтырма.
Тансыкъны, алтын этиб, тотун.

Къарчастан. 1995 дж.

Цитата
ШАТ пишет: Сылпагъарланы Энверге этилген кюу

Это просто... это просто... это просто.. просто невозможно описать, кАк это!
Прочитала про себя, перечитала вслух... это просто от Аллаха... человек сам так не сможет написать, да еще и для другого человека по просьбе... Как будто это я писала про свои чувства, хоть и брата представляла, не умершего своей смертью, а убитого бандитской пулей... Аллах джандетли этсин Энверни, кимни джашы эсе да. Аллах джандетли этсин барыбызны да елген къарнашларыбызны, джашы елгенни - джашын, атасы, дядясы, джууугъу елгенни -- джашын, атасын, дядясын, джууугъун!

Джашау кезюудю, анга амал джокъ. Алай болса да, Сапар, Аллах къууанч назмула джазаргъа кеб чурум берсин сизге, кюу джазар чурум бермесин!

Сэстренка,

Салам !!!!

Кюуню джазгъан тынч болгъанлыгъына, артда, къайгъысы кёбдю....Джазар ючюн, мен ол адамны кёзлерин ( суратын ) кёрюрге керекме...
Кёзлеге къарагъанлай, сора кетдиле тизгинле......

Алай а, ол кёзле, бек кёб заманны, тюшде - тюнде да, сени эсингдедиле, къыйналгъан этесе...
Дин - адамлыкъ джаны бла да, кесинг да эскермегенлей, ушагъыусуз затны айтыб къояргъа боласа...Ол себебден, энди, мадар болуб, ол тема бла кюрешмейме...

Саламыбыз бирге !!! Айтхан тилеклеринг къабыл болсунла !!!!

Салам алейкум, tenebek.
Кёргенбиз джангы китабны тышын, алан. Кёргенбиз. Бек джаратханбыз.
Насыб тюшюб китаб да чыгъар, барыбызгъа къуанчха.

Сау болугъуз, джашла.
Санга да Салмангъа да Къарачай-Малкъардан исси салам.

Мне тоже понравилось! Аллах онг берсин!

tenebek, Салам, къарнаш !!!

Китабны хакъындан айланнган джашлагъа бюсюреуюм дуния бла бирди...

Къууаннганма, Аллахдан къууаныгъыз сиз джашла да !!!

Цитата
Ocean пишет: ШАТ , Ишим tuzelgenlei kellikme. Sizge да, Bereketke да tuberikme сөз деп bergenme. Sozume iynanasa да?!

Тау тюзле джашил бетли болдула !!!!!!

29

Джаз мени сюйе билсе джазлай.
Быллай бир, болмазем чырмаулу.
Ол менге, сансызды да, къачлай.
Кюн озад, бола да, джылаулу.

Мен, этиб, эталмайма джукъну.
Этмей да туралмайма бир зат.
Тутаргъа, излейме да, къушну.
Тутханым чаука не да къаргъад.

Джыр излей чыгъама да джолгъа.
Къой аны, табалмайма чибин.
Тюзлюкге - джортама да, отха,
Терс болуб, кюйеме мен кесим.

Тутмайма алтын къой, ма багъыр.
Къонушм да джокъду джашаргъа.
Бир кюуле, бирде джута чагъыр.
Джол къайда, бегибме къаягъа.

Джаз меннге бералмады джашнау.
Кесекчик джашнар ючюн къадар.
Кюймейим, сансызды деб, джашау.
Таб тюшсе, менге да, бир къарар.

Мен айтханча, болмаса да, кюн.
Азды дау, мен къорма заманнга.
Хар санны, джутса да, тюрсюнюн.
Ёмюрлюк бергенди, ол, джаннга.

07.05.1996 дж.

30

Ёлеме деб, айтмайды тил.
Джан а, айтад, кече - кюн.
Ол кюн келликди, сен бил,
Кёк, танытыр, кёклюгюн.

Нени да, тюзюн, айтдырыр,
Бериб, айтыргъа, ёхтемлик,
Манга да къучакъ джайдырыр,
Алчы деб, сен, сюймеклик.

Бюгюн, эсинг, алджаннган.
Билмейсе, тамбланы, сен.
Хар бир джазыуу Аллахдан.
Олду, алгъан бла, берген.

Эрикмей, тёзсем мен кесек.
Болуб да къалыр, ма былай.
Болур да, джанынг, эслирек.
Излерсе, мени, алгъынлай.

1995 дж. Август.

Лайпанланы Нюр-Магаметге кюндюзгю Сёзюм ......


1068

Къартлыкъ келгенди.
Онг аякъ, энди, сынчыкълай бара.
Эсим терсгеди,
Бир терк къарала, бир терк агъара.

Заман хыбылды,
Энди, джюрюш хал, асхакъ кибикди.
Джашау мыстыды,
Мысты болгъанны, бети нечикди.

Онг аякъ, энди,
Манга сормай да, чалдыргъа бара.
Онгум да кемди,
Кесине базмай, онга таяна.

Джан да къутсузду.
Мыдахды, тейри, къачхы тюрсюнлей.
Таймай улуйду,
Анасыз къалгъан, бёрю кючюклей.

Сабий кюн къайда.
Кёзюм кёрмезде, къумлу аулакъда.
Ёлюм кюн къайда.
Майна, ауушда, къансыз ауана.

21.08.12.
Басханстан.
Сапар Ёзден.


1072

Мындан алгъа да, ёлгенди дейле, бир сейир дуния.
Адам джыйыны. джукъну, билмейди, эсинде тута.

Бу джангы дуния, ой, бюгюндеча, былайлай турмаз.
Болур былай а, тура – туруб а джангы кюн туумаз.

Андан арысын, мен айтмасам да, билесе кесинг.
Джокълукъ халында, о не сакълайды, билген а Тейринг.

Муну билиб а, къалай джашайбыз, бошуна кюйе.
Муну билиб а, биз, нек джашайбыз, дуниягъа кюле.

Тансыкъ алайым, кёзюм кёргенден, къулакъ эштгенден.
Къууансын джаным хар не тюрлюден, Аллах бергенден.

Джюрек сюйгенча, алай джашачын, ахыр джылланы.
Мен кёрмегенме, къабыргъа кириб ызгъа чыкъгъанны.

Андагъы заман, башха тюрлюдю, эй, бу дуниядан.
Излеб табмазса, ай, мында кибик, анадан туугъан.

Ёлюм тылпыуу чырт джокъламайды анда тургъанны.
Кёз къармамайды, ай, мында кибик, бушуу тубаны.

Мында уа джаша, джукъгъа зарланмай, адетни эслеб.
Ары да, чабма, зауукъ дуниясы тюз андады деб.

Къайры букъсанг да джанны чыгъары Аллах кючю бла.
Джылаб – джырлаб да, ахыр атламынг сыйрат юсю бла.

Мындан алгъа да, ёлгенди дейле, бир сейир дуния.
Адам джыйыны, джукъну, билмейди, эсинде тута.

04.01.13.
Турна Аууш.

Сапар Ёзден.

31

Къарама алай,
Къарамынгда, ингир бетли, бир тангла.
Сен да, башхалай,
Кёз сёзле бла чалдыу салма баргъаннга.

Кёреме анда,
Менден кетген, бир джырымдан, бир къарам.
Бузлайды къарда,
Менден, сеннге, саугъа болгъан, бир макъам.

Къыйнама бошха,
Алайсыз да, джан кёгюмде, чарс – тубан.
Тюшюрме отха,
Алайсыз да, эриб турад, джаным, джан.

Къарама тюрлю,
Бир къутсузду, тёзмез кибик, къарамынг.
Таралтма кюуню,
Алайсыз да, джылай джашнайд хар тангым.

Ноябрь.
1996 дж.

ШАТ, Alg'ishlaima!!!

Ocean,

Салам, эгечден туугъан !!!

Бусагъатда Къарчастандан келдим, бу бетни ачсам, Аза эгечимден бир ариу макъам ( тартыу )

Сау бол, таулагъа къарай, бек сюйюб тынгылайма !!!!

32

Джанымда,
Алгъын кибик, джанадыла джулдузла.
Ангымда,
Кёб болса да, шош тюнледен булутла.

Аллах, Сен,
Туудурсанг да башха джерде къумлада.
Саума мен,
Эй, бу затха, эм баш чурум, къуранда.

Саума мен,
Чайкъалса да сагъыш тенгиз кёлюмде.
Олма мен,
Акъыл табдым, акъыл атдым кёзюуде.

Джарлы баш,
Джангылса да, сагъыш уудан, терсине.
Ой, чарламаз,
Къыйыр кюнню, къууанчына, кемине.

Аджашханла,
Джетер заман, бирер джолгъа чыгъарла.
Джылагъанла,
Джылаб турмай, къууанч эте, джырларла.

Шукур кёкге,
Не кюнде да, туруб турад, джанда ант.
Мийиклеге,
Кесим сауда, болмаз джаным, тейри, сант.

Ангымда,
Кёб болса да, шош тюнледен, булутла.
Джанымда,
Алгъын кибик, джанадыла джулдузла.

15.01.96.
Къарчастан.
Батал Паша.

Цитата

социализм пишет: ребята какой кайф незная того сама оказывается практически все слова песен помню, ностальгия? не то слово . мики Тамам кертисин айтдынг - кеб джаша! Я мало знаю карачаевских песен, но мне показалось, что все, что знаю - это песни Сапара Узденова. НИ при Сапаре будет сказано, но я кроме Альберта Узденова и Касбота Тамбиева никого и вспомнить не могу из карачаевских певцов, а песни - то , оказывается, Сапара песни знаю))). Вот я удивилась, что "Джанкъозла" его песня! И "ДЖангы джыл" тоже))))) Мы же ее в школе каждый год пели на елке, это как школьная программа)))))). Бек келюм бла къууандым!)))) EL_HALED , энтда бир къат сау бол!)))))

Социализмге Салам !!!

33

Чексизди къадар Тейримде,
Букъмайды джукъ кёзюнден.
Анда, мийикде, теренде,
Тууады Барлыкъ Ёлюмден.

Тууады Барлыкъ Ёлюмден,
Тангы башланад ашхамны.
Алам шошлукъну тёрюнден,
Нюрюн себелейд Заманны.

Нюрюн себелейд Заманны,
Неге да, келед, къолундан.
Бери чабдырса джанланы,
Ызгъа да, алады, мундан.

Ызгъа да, алады, мундан.
Кючню да берир талгъаннга.
Бирде сакъласа джауунгдан,
Бирде, чабдырыр чабханнга.

Бирде, чабдырыр чабханнга,
Берир, онгсузгъа ол къарыу.
Джокъду тыйгъыч чырт анга,
Джашнар, хар эрши да, ариу.

Джашнар, хар эрши да, ариу.
Анданды, башлам эм ахыр.
Ой, бир кюн, берсе да айныу,
Бир кюн, теджер ол къабыр.

Анда, мийикде, теренде,
Тууады Барлыкъ Ёлюмден.
Чексизди къадар Тейримде,
Букъмайды джукъ кёзюнден.

15.01.96.

34

Бу кёкню тюбюнде, джырлагъан, улугъан да, толуду.
Игилик, аманлыкъ да, келеди, бизге, ёргеден.
Ауазынг бир джарыкъ, къонгурауча, алай огъурлуду.
Ёмюрле сен джырла, ой, алыб макъамла ёмюрден.

Чыгъа бер ёргеге, абынсанг да, тохтама сен чырт да.
Алайда, мийикде, аламгъа, сен, кескин тынгыла.
Бир ашыкъма сен бек, акъны къарадан, сен, айыр да.
Эштирикди Тейри, сен Анга да, джердеча, джырла.

О, таралма ызгъа, кетгенни джангыдан да джокълама.
Джол болса да къыйын, таукеллен да, атла аллынга.
Бу кёкден сора, сен, кишиден бир себеб да, сакълама.
Ол, теджер теджерин, ол сеннгеча, болсанг сен анга.

1996. къачда.
Джёгетей.

35

Чурум болмай а, джукъ да, туумайды.
Кесинден туугъан, табчы, джукъ.
Сен а барса да, сенден джукъгъанды.
Бу, сюймеклик деген, худжулукъ.

Кёкдеги булут, болур да, суулу.
Андан тууады, джай, джангур.
Ышара озсанг, сен кюнча, къутлу.
Дуниям анданды, ма дауур.

Бу чексиз кёкню, барды да къарны.
Эй, андан а тууалла джулдузла.
Сени кёргенлей, джашнай да ангы,
Туууб да башлайла умутла.

Кеси аллына, джукъ да, туумайды.
Кюндюз да тууады кечеден.
Джер юсюнден а джукъ да учмайды.
Бир джукъ а тюшмей кёкледен.

Кеси аллына, джукъ да, болмайды.
Чёп да туумайды, бош, алай
Бирси къолунга бюртюк къонмайды,
Бирси да, къалмай, джаланлай.

Джууукъ къара да, сен кёрчю мени.
Ой, сен этдирдинъ бу джырны.
Тутдура келиб а, джаллай да кери,
Бошха ийдиртдинг он джылны.

Сен а, барса да, сенден джукъгъанды.
Бу, сюймеклик деген, худжулукъ.
Чурум болмай а, джукъ да, туумайды.
Кесинден туугъан, табчы, джукъ.

Февраль.
1996 дж.

36

Кесекден, былай да, ма, боллукъду.
Къыл къобуз къаллыкъды букъуда.
Бир акга, кёкге къараб, сорлукъду.
- Нек джокъду, ана тил, джуртумда.

Кесекден, былай да, ма, боллукъду.
Дуниялыкъ боллукъду бир къатыш.
Аджирни, байтал тюбге урлукъду.
Джаш къартха барлыкъды, эй чалдыш.

Кесекден, былай да, ма, боллукъду.
Къойчугъа, этер оноу, къою.
Келинчик, тёрге, патчах боллукъду,
Некяхсыз болса да, ма, тою.

Кесекден, былай да, ма, боллукъду.
Ийманлы боллукъду кюлкюлюк.
Акъылман, телича, къозуллукъду,
Бёрюге, ханлыкъ этер, кючюк.

Кесекден, былай да, ай, боллукъду.
Чырт тёзюб болалмай болгъаннга.
Джашауум, сагъыш да, оюллукъду.
Узакъгъа, тебрейме мен джолгъа.

Кесекден, былай да, ай, боллукъду.
Джер, санны, аллыкъды кесине.
Сора, джан, неден да, солурукъду,
Къатышыб кёкню теренине.

17.04.96.
Къарчастан

37

Эй, мени, джарлы, таулу аякъларым.
Бир кёб джюрюй, къуру да, сиз терде.
Алдады, сизге, мен джыр джазарым.
Тынчлыкъ табалсам, мен, кёрде.

Эй, мени, джарлы таулу аякъларым.
Сиз кёрмеген, о не къалды джерде.
Кийик джолланы тубан тангларын,
Шайтан, джолланы, джелледе.

Эй, мени, джарлы, таулу аякъларым.
Хо, тамбла да, алгъады джолугъуз.
Ой, кёб джашагъыз, тулпар атларым,
Сакълайды, энтда, от бла буз.

17.04.1996.
Джёгетей.

38

Айланса да, джаным мени, джулдуз кюте.
Эки санным, сууукъ юйде, джаталла.
Къарайд меннге, къара кече, къара кюле.
Джюрекде да, къара отла джаналла.

Къарангыда, киши кёрмейд, джылаууму.
Джарсыууму, бир инсан да, билмейди.
Бюгюгюнлюкде, кимим эштсин бу даууму.
Бир къыз мени, мен сюйгенча сюймейди.

Атыб кетди, мен бек сюйген бир адамым.
Этсин Аллах, ол сюйгенча, хар затын.
Мен сау эсем, турур энтда мени дамым.
Энтда керир, къууанч сезим къанатын.

Ёлгеннге да, тёзе шойду, адам улу.
Шо, некме да, былай мыдах, бир бошха.
Эй, мени уа, союб баргъан, буду, къуру.
Берилгенни джыйалмадым мен къолгъа.

Тёзейимчи, джарсымайым, тёзейимчи.
Сабыр деген, сары алтын бир затды.
Джарсыуланы, эм ачысын, кёрейимчи.
Берген - алгъан, мен билеме, Аллахды.

Къарай берсин, къара кече, къара кюле.
Ойнай берсин, джыламугъум джюрекде.
Айланады, джаным мени, джулдуз кюте.
Эртде-кеч да, кесим барлыкъ бир кёкде.

26.02.1996.
Къарчастан.

39

Чомаланы Суатха
Мухаджир къарнашыма

Айланады, калак булут, кёкде, джангыз.
Джелле, аны, этгендиле, ой, зыкгыл.
Кёрюнсе да ол алайда джарлы, джакъсыз.
Хар не бла да, менден эсе, ол, такъыл.

Сюргенликге, сууукъ джелле, ары – бери.
Башха бошду, джурту аны, къыйырсыз.
Джарты эсе, къууанчданды, тейри, тели.
Насыблыды, аны билмейд, хайырсыз.

Эркинликни кенг джолунда сагъыш бир аз.
Джумуш азды, ой, анданды, ол калак.
Джер юсде уа, болмаз эди, алай джууаш.
Ичи – тышы, болмаз эди, алай акъ.

Былайда уа, къаты джерде, хар не къатыш.
Бу иги деб, кёлюнг алыр джукъ да джокъ.
Къалайда да бир бетлиди алгъыш-къаргъыш.
Бирча тюлсе, бирде ачса, бирде токъ.

Булутну уа, кече – кюн да, джаны сабыр.
Ол, кериди, джер джашауда, хар затдан.
Зыкгыл булут, нёгерликге, мени, чакъыр.
Эркин кёкде, сен, бир бездир, калакдан.

1996дж.
Къарчастан.

40

Бош ойнайса,
Халкъ айтыу бла, ойнай келиб, къан агъады.
От къозгъайса,
Кёзюуледе, джилтинден да, халкъ джанады.

Кирсиз эсем, нек джыймайса сен джанынга.
Тюз джюрек бла, келген эсе, джаш аллынга.

Бош къайнайса.
Къайнагъаннга, сейирмиди, къайнагъанынг.
Бош алдайса,
Насихатгъа, ушамайды, хар айтханынг.

Джашырсанг да, ачыкъ турад наршанлыгъынг.
Кёз къарамгъа, сыйынмайды, намартлыгъынг.

Бёрюленме,
Бёрю халдан, мен кёрмейме, бир да, ышан.
Ёкюлленме,
Тюбден башлаб, башха дери, сен, наршан.

Тауукъ джанны, джуусанг эди, хар тешигин.
Билир эдинг, менде джанны, кертилигин.

11.07.1996.
Къарчастан.
Джёгетей.