Для любителей творчества Сапара Узденова....

EL-HALED 20.05.2007 18:47:47

2 0

Ответы

ШАТ 19.07.2014 01:28:21
Сообщений: 1421
544 – 379

Кечени, кетди кёбю,
Узакъ тюлдю танг.
Тюшлю уа, кёрсюн кёкню,
Учсун джастыкъдан.

Анда барла акъ джинле,
Къара да толу.
Бирсиде азау тишле.
Къаууму отлу.

Анда кёбдю ох деген,
Сарнагъан да кёб.
Сансызды азаб чекген,
Махтагъан да Кёк.

Мундагъы, о бары бош,
Андагъын кёрсенг
Анда джукъ бошалмайды,
Сау, шау да, эсен.

Кечени, кетди кёбю,
Узакъ тюлдю танг.
Меннге да кёкню кёзю
Къарайды башдан.

25.04.06.

Ocean 19.07.2014 02:00:02
Сообщений: 2314
Цитата
ШАТ пишет:
544 – 379

Кечени, кетди кёбю,
Узакъ тюлдю танг.
Тюшлю уа, кёрсюн кёкню,
Учсун джастыкъдан.

Анда барла акъ джинле,
Къара да толу.
Бирсиде азау тишле.
Къаууму отлу.

Анда кёбдю ох деген,
Сарнагъан да кёб.
Сансызды азаб чекген,
Махтагъан да Кёк.

Мундагъы, о бары бош,
Андагъын кёрсенг
Анда джукъ бошалмайды,
Сау, шау да, эсен.

Кечени, кетди кёбю,
Узакъ тюлдю танг.
Меннге да кёкню кёзю
Къарайды башдан.

25.04.06.

http://36.media.tumblr.com/tumblr_mczj3vGoZ71r4jtyyo1_1280.jpg
Ocean 25.09.2014 04:04:09
Сообщений: 2314
Sapar, tuug'an kunungbla!!! :превед: :серенада:

Загрузка плеера

http://36.media.tumblr.com/tumblr_mczj3vGoZ71r4jtyyo1_1280.jpg
ШАТ 24.10.2014 15:14:06
Сообщений: 1421
Ocean,
Сау бол, Аза эгечим !!!

Сеннге да, Аллах этген муратларынгы берсин !!!
Былайгъа киралмай тургъанма.....
Джырынга уа бек сюйюб тынгылайбыз..
Кесекден рахат джазарма...
:гоккачыкъ:
бездушный кролик 24.10.2014 15:21:21
Сообщений: 14960
Цитата
ШАТ пишет:
бездушный кролик ,, машалла эгечиме !!!
О хо, келдим.... Кесинг да эсен болурса, Аллах айтса!!
Тырныаузда болсанг эшикле ачыкъ болгъанына ишек болма
Эсенлик !!
Къалайсыз Сафар?))Нек керюнмейсиз?))

Болгъанма Тырныаузда бир эки кюн мындан алгъа)))))Бусагъат кердюм сообщениягъызны))

Религиозность – это не только нахождение в мечети, но и хорошие взаимоотношения с людьми и благой нрав. Вот на эти качества должна обратить внимание молодежь при выборе второй половинки.
ШАТ 24.10.2014 15:26:29
Сообщений: 1421
бездушный кролик,

Сау бол, игиме...
Анга къара, телефонну берген шой эдим, хапар билдирсенг а....
Саламыбыз бирге !!!

:emojio68:
бездушный кролик 24.10.2014 15:30:38
Сообщений: 14960
Цитата
ШАТ пишет:
Сау бол, игиме...
Анга къара, телефонну берген шой эдим, хапар билдирсенг а....
Саламыбыз бирге !!!
Телефонумму мен терк терк тас этичюме)))))Сизни номерни да аны бла бирге тас этгенме))))

Религиозность – это не только нахождение в мечети, но и хорошие взаимоотношения с людьми и благой нрав. Вот на эти качества должна обратить внимание молодежь при выборе второй половинки.
ШАТ 24.10.2014 15:33:58
Сообщений: 1421
Ocean,бездушный кролик,




509 – 344

Барады, барады Ай,
Къарамай артха.
Адам да, эте хахай,
Къуру да алгъа.

Адам да, эте хахай,
Табалмай тынчлыкъ.
Алайды, кёкде да ай,
Тохтау болмай чырт.

Алайды, кёкде да Ай,
Къонушсузду джол.
Адам да, болуб айлай,
Ёмюр джол мухол.

17.03.06.

:emojio68:


ШАТ 25.10.2014 18:19:56
Сообщений: 1421
Цитата
Ocean пишет:
Sapar, tuug'an kunungbla!!!




Загрузка плеера

Аламат !!!!!!!!!!!!!!!!
ШАТ 27.10.2014 12:52:33
Сообщений: 1421
Бир шош кюнюмде Биджиланы Хусей деб бир къарнашым келген эди..


479 - 314
Биджиланы Хусейге

Аламны аргъы джанын, башын эм тюбюн,
Агъартса Уллу Джарыкъ,
Тууады минг кюн.

Кюнле да, кюйедиле, себелей джылыу.
Джылыула, ой недиле?
Джашаугъа тылпыу.

Алам турмуш не затды, магъана да не.
Андан да, шо, не барды,
Джашасакъ терде.

Аргъы джанда не болум, ётсенг ёлюмден.
Анда да, джашау джолунг,
Ётемид, кёрден.

Ой, не этгин, этмеим, сагъышым бир кёб.
Эсни бёлмей не этгин.
Учсуз эсе Кёк.

12.02.06.
Турна Аууш.



ШАТ 28.10.2014 23:00:17
Сообщений: 1421
Ненг да игиги айланныкъды, джарсыма керексиз

497 – 332

Тау белинде джукъу басхан къансыз булут.
Ёзен тарда, джелчик эте, къарангы.
Ёре джанда, джазгъы ай да, нюрюн буруб.
Джуддузла да, бери буруб, къарамны.

Тау шахарда джукъламагъан дауур орам
Эки джанда чыракъ отла уллула.
Мен тышында, къонакъбайым нарат орман
Шахар узакъ, узакъдыла джулдузла.

Джер этекде, кёк джюзде да, эски дуния
Мен къысылгъан къая таш да аныкъы.
Баш иеме, туздан башлаб, будай унгнга..
Не да иги, джуртха бёлсенг акъылны.

Къорду эсим, Джерни тутхан, алам кючге
Шукурлайма табигъатны хазнасын.
Ёлюб кетсем, тюбермеми, мен, бу кюннге,
Неге элтир, къайда тохтар къадарым.

Ёре джанда, джазгъы ай да, нюрюн буруб.
Джуддузла да, бери буруб, къарамны.
Тау белинде джукъу басхан къансыз булут.
Ёзен тарда, джелчик эте, къарангы.

07.03.06.
Турна аууш.
Ocean 30.10.2014 03:35:00
Сообщений: 2314
ШАТ, :превед: :гоккачыкъ:

http://36.media.tumblr.com/tumblr_mczj3vGoZ71r4jtyyo1_1280.jpg
ШАТ 30.10.2014 20:11:21
Сообщений: 1421
Ocean,

10


Аллаху Акбар,
Ма, сауду Сапар.
Тау этекде джыр сакълайма тауладан.
Хурджун ич - къуру.
Джазыу тыш – худжу.
Башха тюрлюд, не затым да, сауладан.

Толуду гюнах,
Астагъфиру ллах.
Алай, ёзге, къанда къайнайд ётгюрлюк.
Субхана ллах,
Кериди палах,
Сынасам да халкъым сауда ёксюзлюк.

Альхамду лиллях -
Джарыкъды бир акъ.
Мен, болсам да, бир бек къара кёзюуде.
Тылпыуду – джан да,
Талпыуду – къан да,
Бу сагъышым, тас болмасын, кёрюмде.

Хурджун ич – къуру.
Джазыу тыш – худжу.
Башха тюрлюд, не затым да, сауладан.
Аллаху Акбар,
Ма, сауду Сапар,
Тау этекде джыр сакълайды тауладан.

30.08.98. Къарчастан.
Орта къарачай.





ШАТ 30.10.2014 20:13:17
Сообщений: 1421
Ocean,

Игиме !!!

Сеннге да, эгечден туугъан, Эсенлик излейме !!!!

:гоккачыкъ: :emoji106:
ШАТ 01.11.2014 21:34:33
Сообщений: 1421
Ocean,

Больницада


Солуун алалмагъан,
Тутуб башындан.
Къызгъаны тохтамагъан,
Кюйюб отундан,

Алайда бир къарт киши,
Силдей да башны,
Къаргъайды джашау ични,
Тышын ахратны.

Андагъы да сол къол бла,
Тинте хауаны,
Кюйгенча къаргъыш отда,
Сёллениб ангы.

Мюйюшде гитче бала,
Джылайды бир терк.
Къатында кюлбет амма
Кюледи бир бек.

Къуйрукъну кенге силдей,
Джюрюйдю бир къыз.
Къоюнга къолла бюклеб,
Болуб тынгысыз.

Эшикде уа джаз джарыкъ
Ариуду бютюн.
Мийикде, джалан тюзде,
Къызарады кюн.

Эшикде уа, джаз кюнде,
Хар не да бир таб.
Хауагъа акъны бюрке,
Терекле бир акъ.

:гоккачыкъ:
ШАТ 01.11.2014 21:52:44
Сообщений: 1421
Юнюс Эмреге.


Тюрлю эди джашау эси.
Эки кёзю бир саз.
Ол ач эди, джалан эди,
Мыдах эди ауаз.

Айтды кеси бир кёб хапар,
Сорду меннге да кёб:
Бу неди, бу адам къадар,
Къайданды Джер бла Кёк.

Алай эте, тура – туруб,
Букъду ол къарамдан.
Сейир эте, сейир джунчуб,
Къараб къалдым ыздан.

Къайдан эди, ол ким эди.
Болгъан эдим арсар.
Тейри, келген, кесим эдим.
Бу, неди, бу къадар.

Тюрлю адам неге келди.
Джууаб берлик да джокъ.
Окълай келген учуб кетди,
Болду да, туура, окъ.

Сапар Ёзден.
ШАТ 03.11.2014 15:49:50
Сообщений: 1421
17

Турнала да,
Не эсе да, къачха кёре, мычылла.
Табигъат да,
Замансызлай табсыз бурду мыйыкъла.

Эркекледе,
Санда кибик, тиши ышан къылыкъда.
Тишиледе,
Санда кибик, эркек ышан акъылда.

Эртденнгиде
Не эсе да,адам къоркъур бир къоркъуу.
Ингиргиде
Ички тойла, эл, къыйырдан, болуб дуу.

Дуния къатыш,
Джокъламайды, ит - ийесин, ийе – ит.
Кёбдю сагъыш,
Бола тургъан, бу – барысы, кимникид.

Джууукълада
Адам тёзмез отну джарлыкъ бир зарлыкъ.
Джауларынгда
Кёрюнмейди джаулукъ этер бир пасыкъ.

Турнала да,
Нек къалдыла, къайдадыла, мычылла.
Къыйналама,
Келедиле шайтан шашар бир джылла.

12.09.98.
Къарчастан.







ШАТ 06.11.2014 19:57:48
Сообщений: 1421
Ocean,


407 - 242

Sagınıu bla ne hayır, tuura tüldü curt.
Kızdırsa da cay ayı
Eki köz suuuk.

Oy köz süyer ne körgün, kuu - şuudu har zat.
Kaydadı mıdah Ölüm,
Caşau da kaydad.

Caşlıgım uzak tünde,curtum da alay.
Tengden ese cau köbde
Duniyang koyanlay.

Ay boldum kazak börü, börü da curtsuz.
Tuthuçu islam kölü,
Başha cok cugu.

Alay a, börü kılık, koymaz adetin.
Tülkü em baga cıyın
Tabar keregin.

Belgisizdi tamblagı, ketgen da kengnge.
Oy tursunçu can kaygı,
Tursun curt esde.

Turna Auuş.
05.06.05.
ШАТ 13.11.2014 17:20:57
Сообщений: 1421
562 – 397

Эсимдеди, танг атар,
Башланыр кюндюз.
Кесекден да къар джауар,
Бошалыр да кюз.

Эсимдеди, хар болгъан,
Боллукъ да эсде.
Келебиз да биз джокъдан,
Джашайбыз терде.

Эсимдеди ал хапар -
Кюню Адамны.
Этгенди алай къадар,
Джашыма - Аны.

Эсимдеди, бу зат да,
Джаннга заман кёб.
Кесекгеди тар санда,
Ахыр джурту Кёк.

Эсимдеди, чынг башы,
Патчахы Тёрню.
Тебресем алай ары,
Ташламам кёлню.

11.05.06.

ШАТ 13.11.2014 17:56:05
Сообщений: 1421
563 - 398

Ay, ong kolum, ong kolum,
Aperim sanga.
Tutasa kızgan otun,
Nukerse sannga.

Ay, ong kolum, ong kolum,
Tutasa kalam.
Burasa, nazmu boyun,
Başla deb, aytsam.

Ay, sol kolum, sol kolum,
Cizgise işge.
Alay a, caşau colung
Ongum bla birge.

Ay, sol kolum, sol kolum,
Keçeme köbnü.
Sensiz nedi kıl kobuz,
Makamı köknü…………….

12.05.06.
Ocean 14.11.2014 21:04:50
Сообщений: 2314

1 0

ШАТ,

http://36.media.tumblr.com/tumblr_mczj3vGoZ71r4jtyyo1_1280.jpg
Ocean 14.11.2014 21:09:59
Сообщений: 2314

1 0

Ocean 14.11.2014 21:13:19
Сообщений: 2314
ШАТ 16.11.2014 17:04:04
Сообщений: 1421
Ocean, Салам, эгечден туугъан !!!

Аллах разы болсун Сеннге, бек аламат суратланы салгъанса....


Артыкъсыз да, ол биринчи сурат, ёмюрлюкню кючюн ангылатады....

Къайда джашасанг да Къууанч Бетли джаша !!!

:серенада: :гоккачыкъ:
ШАТ 16.11.2014 17:16:40
Сообщений: 1421
Цитата
Ocean пишет:
ШАТ ,



556 - 391

Uyandım,
Miyalada, kün carığı, qızğandı.
Quwandım,
Entda bir kün keçe içden çıqğandı

Uyandım,
Qaçdı tüşüm, bılay arı, tawlağa.
Quwandım,
Entda, sawma, tülme uzaq sawlağa.

Uyandım,
Cangı köz bla bir qarayım arbazğa.
Quwandım,
Entda künnge cuwuq boldum Allahha.

05.05.06.
Ocean 17.11.2014 05:26:28
Сообщений: 2314
Omuruguz uzak bolsun, Sapar!!!


http://m.youtube.com/watch?v=EEzyrpfrPEI

Mason Williams - Classical Gas 1968

http://36.media.tumblr.com/tumblr_mczj3vGoZ71r4jtyyo1_1280.jpg
Сэстренка 17.11.2014 08:21:02
Сообщений: 9927
Ocean, Аза, какая ты умница)), никогда не забываешь про Сапара)). Я посморела ролик по твоей ссылке, не сразу поняла, почему именно это видео ты выбрала), потом вспомнила: Сапар же еще и гитарист)). Мне одноклассник рассказывал, что дочка училась у Сапара игре на гитаре)). Поэт - поэт деб, унутдуруб къойгъандыла, что он певец и гитарист)).

Я самая классная на форуме))))))))))))))
Ocean 18.11.2014 02:20:02
Сообщений: 2314
Сэстренка,

Сапара я открыла для себя еще подростком, и в первую очередь как музыканта, только позже осознала глубину его уникального артистизма, поэтического таланта.

Вот еще, надеюсь понравится:

http://m.youtube.com/watch?v=7lGJTkcpmWI

Tommy Emmanuel

http://m.youtube.com/watch?v=DxeN683pqbA

Hunk Marvin


http://m.youtube.com/watch?v=7yCitBvhB4c

Eric Clapton
Изменено: Ocean - 18.11.2014 02:35:36

http://36.media.tumblr.com/tumblr_mczj3vGoZ71r4jtyyo1_1280.jpg
ШАТ 19.11.2014 18:26:31
Сообщений: 1421
Ocean, Басханны мийик акъ тауларындан эмда менден Исси Салам !!!

Аллах айтса, эсен болурса деб, ышанама... Бу джаны да игиди.. Сау бол музыканг ючюн. Эсен кесини папкасына тюшюргенди... Ол биринчи салгъан джырынгы уа, классында сабийле да телефонларына тюшюрген хапар чыгъады....

Джангы джылгъа Къарчастаннга келеликмисе ? Аллай мадарынг болса бир билдир.
Эсен бол, эгечден туугъан !!!

Тюнюнге, тюшюнге да рахатлыкъ теджейме !!!

:гоккачыкъ: :emoji122: :серенада: :emoji106:
ШАТ 24.11.2014 12:41:28
Сообщений: 1421
39

Aylanadı kalak bulut, kökde, cangız
Celle anı etgendile, oy, zıkgıl.
Körünse da ol bizlege carlı caqsız
Har ne bla da, menden ese, ol taqıl.

Sürgenlikge suwuq celle arı - beri
Başha boşdu, curtu anı qıyırsız
Teli ese, quwançdandı, teyri, teli
Nasıblıdı, anı bilmeyd, hayırsız.

Erkinlikni keng colunda sağış bir az
Cumuş azdı, oy, andandı, ol kalak.
Cer üsde ua, bolmaz edi, alay cuwaş
İçi - tışı bolmaz edi alay aq.

Bılayda ua qatı cerde har ne qatış
Bu igi deb, kölüng alır cuq da coq
Qalayda da bir betlidi alğış-qarğış
Birça tülse, birde açsa, birde toq.

Bulutnu ua, keçe - kün da canı sabır
Ol keridi cer caşawda har zatdan
Zıkgıl bulut, nögerlikge sen bir çaqır
Erkin kökde, şo, bir bezdir kalakdan.

1996c.
Qarçastan.
Читают тему (гостей: 1)

Форум  Мобильный | Стационарный