Расширенный поиск
15 Ноября  2018 года
Логин: Регистрация
Пароль: Забыли пароль?
  • Алма терегинден кери кетмез.
  • Ачылгъан эт джабылыр, кёрген кёз унутмаз.
  • Ургъан суудан башынгы сакъла.
  • Джюз элде джюз ёгюзюм болгъандан эсе, джюз джууугъум болсун.
  • Джаш къарыу бла кючлю, къарт акъыл бла кючлю.
  • Ауругъанны сау билмез, ач къарынны токъ билмез.
  • Ышармагъан – кюлмез, кюлмеген – къууанчны билмез.
  • Адамны джюреги нени кёрюрге сюйсе, кёзю да аны кёрюрге ёч болады.
  • Итли къонакъ джарашмаз.
  • Уллу къашыкъ эрин джыртар.
  • Иги адамны бир сёзю эки болмаз.
  • Бек ашыкъгъан меннге джетсин, дегенди аракъы.
  • Гугук кесини атын айтыб къычыргъанча, мен, мен деб нек тураса?
  • Сакъламагъан затынга джолукъсанг, не бек къууанаса, не бек ачыйса.
  • Эркишиге тары кебек танг кёрюнюр.
  • Къатын къылыкъсыз, эр тынчлыкъсыз.
  • Болджал ишни бёрю ашар.
  • Ариуну – ауруу кёб.
  • Адебсиз адам – джюгенсиз ат.
  • Ата Джуртуму башы болмасам да, босагъасында ташы болайым.
  • Эм ашхы къайын ана мамукъ бла башынгы тешер.
  • Ашаса, ашамаса да, бёрюню ауузу – къан.
  • Эрине къаргъыш этген къатын, эрнин къабар.
  • Байлыкъ адамны сокъур этер.
  • Баш болса, бёрк табылыр.
  • Акъыл къартда, джашда тюйюлдю – башдады.
  • Ач уят къоймаз.
  • Ишленмеклик адамлыкъды.
  • Айраннга суу къош, телиге джол бош.
  • Ашарыкъда сайлагъаннга – чий гырджын.
  • Къанны къан бла джуума, аманны аман бла къуума.
  • Тил – миллетни джаны.
  • Нарт сёз къарт болмаз.
  • Ариу сёз джыланны орнундан чыгъарыр.
  • Шайтан алдады, тюзлюк къаргъады.
  • Экеулен сёлеше тура эселе, орталарына барыб кирме.
  • Ана къойну – балагъа джандет.
  • Ашатыргъа иш – ашхы, ишлетирге аш – ашхы.
  • Аш хазыр болса, иш харам болур.
  • Ач отунчуну ачыуу – бурнунда.
  • Таула не мийик болсала да, аууш табылыр.
  • Эте билген, этген этеди, эте билмеген, юретген этеди!
  • Ата Джуртун танымагъан, атасын да танымаз.
  • Сёз – кюмюш, джыр – алтын.
  • Тойгъан джерден туугъан джер игиди.
  • Къатын байлыкъны сюер, эр саулукъну сюер.
  • Аш кетер да бет къалыр.
  • Кёз – сюйген джерде, къол – ауругъан джерде.
  • Аманнга да, игиге да оноусуз къатышма.
  • Билмейме деген – бир сёз
Страницы: 1
"ХВАСТАТЬ, МИЛАЯ, НЕ СТАНУ", Эти популярные в свое время песни я когда-то перевела на родной язык, может быть с большим юмором, чем в оригиналах. Надеюсь, найдется джигит, который захочет исполнить их. на карачаево-балкарском языке.
 
Наным, аны билиб къой
(Хвастать, милая, не стану)

Сен ариугъа келечи айтмай,
Сансыз озуб кетелмем.
Кесими къаты махтамай,
Муратыма джетелмем.

Бир адамгъа джолукъмазса,
Меннге иги айтмагъан.
Сен бир къызгъа тюбемезсе,
Сукълана, кёз атмагъан.

Мен бурнуму кёкге тагъа
Айланыргъа керегем.
Алай сени кёргенимде...
Джаным чыкъмай ёлгенем.

Бер дей эсенг, мен джанымы
Терк чыгъарыб берейим.
Джюреклени, сюе эсенг,
Ауушдуруб кёрейик.

Сенде джюрек сууукъ болур,
Меники уа кюйдюред.
Сенде сюйюм, аяу салмай,
Тамам къаты сюйдюред.

Кюн да, ай да, джулдузла да
Сени сюй деб туралла.
Джюрегими, кёзюмю да
Сени таба бургъанла.

Айт сёзюнгю тынгылама,
Менден иги кимди, айт!
Келечиге ёлюм джокъду –
Кел мени бла бизге къайт.

Сенсиз джашау джашау тюлдю,
Къачырлыкъма, келмесенг.
"Башханы сюй", - деб ойнама,
Сюйрерикме, тюнгюлсем.

Джюрек отну суу джукълатмайд,
Наным, аны билиб, къой.
Анга дарман джангыз олду –
Бизни юйде барлыкъ той...

Загрузка плеера


(Былайгъа орус джырны кеси салынса, иги боллукъ эди, макъамын билмеген да юренирча)

«СОЛТАН БОЛСАМ ЭД…»
(«Кавказская пленница» фильмде джырны эниклеу)

Юч къатын алырем, болсамед Солтан!
Кёлюме джарагъан – юч сейирлик джан…
Къызыныб, ашыгъыб этмейим палах –
Ненча бла таб болур, о сыйлы Аллах?!
Бир излейме ючню алыргъа,
Бир къоркъама башсыз къалыргъа.

Зульфия халатха итиу урады,
Фатима, ышара, тепси къурады.
Гюлгюлюм тигеди. Меннге уа – хана:
Къанымы ичерле юч къайын ана.
Бир излейме ючню алыргъа,
Бир къоркъама башсыз къалыргъа.

Юч мёлек юч тюрлю тепсеб булджутса!
Хар бийчем хар кюнде ачха тутдурса!..
О, неле айтама?! Тыбырым къурур –
Юч къатын башымы юч джары бурур.
Бир излейме ючню алыргъа,
Бир къоркъама башсыз къалыргъа.

Ючден аз – азды, деб, алайды кёлюм.
Ючден аз алыргъа къыймайды кёзюм.
«Юч къатын юч башлы эмеген болур!» –
Деб кетди тюшюмде бир ариу обур.
Бир излейме ючню алыргъа,
Бир къоркъама башсыз къалыргъа.

Сайлагъан тюлдю тынч юч бла джангыздан –
Атламынг терс болду – тюнгюл джанынгдан.
Оллахи, ант этдир, турсам да кюсей,
Мен болсамед Солтан, къалырем кютей!
Бир излейме ючню алыргъа,
Бир къоркъама башсыз къалыргъа.


 
Цитата
Айгюль пишет:
Наным, аны билиб къой
"Куплеты Курочкина"!!!))))))))) :emoji106:
Ма шаа Аллах! Бек джаратдым))))))))))

http://muzmix.com/catalog/films/2560/11913 - вот здесь минус и возможность записать)). Это для "широких масс")). А если кто из профессиональных певцов в студии запишет, то тоже с удовольствием послушаем)).
Я самая классная на форуме))))))))))))))
 
Тамам да келишдиргенсе эгечим, бек джарат дым. Энди эсге салыб джырлаб айланныкъ ма! Сау бол АЙГЮЛЬ!

Кюлме ансы, менда бир зат салаим - орус джырны бизнича. Типа загадки.

Терезе тюбюндеда, чаккъанды ахсыл БИШНЯ))) ,
Чыккъанды толгъан АЙЧЫКъ ой ариуа кекке.
Подругла талай болуб, орамгъа джилгъанла,
Мен да ой кесим джангыз ЭЛЬБАда ойнайма...... Орус тилде макъамын билгенге - без проблем))))))))))))))))))))
COGNOSCE TE IPSUM!
 
Я самая классная на форуме))))))))))))))
 
Энтда бир джыр... сюймекликни юсюнден


ГОРИ, ГОРИ, МОЯ ЗВЕЗДА

Джарыт, джарыт, ариу джулдуз,
Сюймекликни нюр джулдузу.
Сенден башха насыб излемей
Ётдюрлюкме джашаууму.

Сюймекликни шам джулдузу,
Ётген кюнню джарыкъ ызы.
Ёмюрлюкге болгъанса, наным,
Джюрегими сукъланч джыры.

Сени нюрюнг тёкген джарыкъ
Джылытады тыбырымы.
Ёлсем да мен, ариу джулдузум,
Джарытырса къабырымы.


Ана тилге "тюшюрген" Байрамукъланы Фатима
 
"ВЕЧЕРНИЙ ЗВОН" деген аламат джырны эниклей, аны макъамы бла джырларча джазылгъан назму

***
Ингир аяз, ингир аяз,
Сагъышлагъа тартхан аууаз.

Туугъан джуртха элтед эсим –
Тансыкъ джюрек къозгъайд кесин.

Туугъан джуртда мийик тауум,
Балий татыу этген джауум.

Туугъан джуртда ата юйюм,
Ана кёзле, сабий кюнюм.

Туугъан джуртха къайтырем мен,
Келесе деб, тюбесенг сен…

Ингир аяз, ингир аяз,
Сагъышлагъа тартхан аууаз...
Страницы: 1
Читают тему (гостей: 1)

Форум  Мобильный | Стационарный