Расширенный поиск
22 Апреля  2018 года
Логин: Регистрация
Пароль: Забыли пароль?
  • Халкъны юйю – туугъан джери.
  • Ёпкелегенни ашы татлы болады.
  • Кесине оноу эте билмеген, халкъына да эте билмез.
  • Кийимни бир кюнню аясанг, минг кюннге джарар.
  • Чакъырылмагъан джерге барма, чакъырылгъан джерден къалма.
  • Агъач – джерни чырайы, кийим – эрни чырайы.
  • Ханнга да келеди хариблик.
  • Джарлы эскисин джамаса, къууаныр.
  • Чомарт къолда мал къалмаз.
  • Таукел тауну аудурур.
  • Кёзден кетген, кёлден да кетеди.
  • Хансыз джомакъ болмаз.
  • Хунаны тюбюн къазсанг, юсюнге ауар.
  • Сабий болмагъан джерде, мёлек болмаз.
  • Айран тёгюлсе, джугъусу къалыр.
  • Ана къойну – балагъа джандет.
  • Сабыр джетер муратха, сабырсыз къалыр уятха.
  • Акъдан къара болмаз.
  • Ата Джуртча джер болмаз, туугъан элча эл болмаз.
  • Тулпарлыкъ, билекден тюл – джюрекден.
  • Ишленмеген джаш – джюгенсиз ат, ишленмеген къыз – тузсуз хант.
  • Хатерли къул болур.
  • Иги джашны ышаны – аз сёлешиб, кёб тынгылар.
  • Чакъырылмай келген къонакъ сыйланмай кетер.
  • Чомарт къонакъ юй иесин сыйлар.
  • Ашлыкъ – бюртюкден, джюн – тюкден.
  • Ёлмесенг да, къарт дамы болмазса?
  • Къыз тиширыу кеси юйюнде да къонакъды.
  • Аман адамны тепсинге олтуртсанг, къызынгы тилер.
  • Сёз садакъдан кючлюдю.
  • Aдам боллукъ, сыфатындан белгили.
  • Ашхы – джыяр, аман – джояр.
  • Адеб этмеген, адеб кёрмез.
  • Бети бедерден, намыс сакълама.
  • Эри аманны, къатыны – аман.
  • Байма, деб да, къууанма, джарлыма, деб да, джылама.
  • Джангызны оту джарыкъ джанмаз!
  • Бёрю да ач къалмасын, эчки да ашалмасын.
  • Тёзгеннге, джабылгъан эшик ачылыр.
  • Тил бла келеди джыр да.
  • Аллахха ийнаннган кишини, Аллах онгдурур ишин.
  • Билим насыб берир, билим джолну керир.
  • Телиге от эт десенг, юйюнге от салыр.
  • Хантына кёре тузу, юйюне кёре къызы.
  • Джылар джаш, атасыны сакъалы бла ойнар.
  • Керилген да, ургъан кибикди.
  • Эр абынмай, эл танымаз.
  • Къалгъан ишге къар джауар.
  • Итли къонакъ джарашмаз.
  • Кюн кёрмеген, кюн кёрсе, кюндюз чыракъ джандырыр.
СТАРАЯ ЮНОСТЬ ТЮРКСКОЙ ПОЭЗИИ. Писатели о творчестве Билала Лайпанова., Поэтни юсюнден сёз
 
Билалны юсюнден, анда - мында джаза турмай, кесине атаб, бу бетни ачдым
Страницы: Пред. 1 2 3 4 5
Ответы
 
-Ах, неудачливый поэт,
Макай же в сердце –
Тогда запишет
Твоё Перо.
Келеди джууаб:
-Ай джарлы шайыр,
Джюрегинге тийир –
Ол заманда джазар Къалам.

Sabr, Билал, Нюр-Магомедге атаб джазгъаныгъызны билмей эдим бу назмуну. Мен а поэтни кеси кеси бла терен ушагъына ушатама. Вообще къалай болады башхагъа атагъан назмуну: биринчи джазыб бошаб, андан сорамы атайса, огъесе, кимге атарыгъынгы билиб, андан сорамы джазаса? Сез ючюн, кимни болса да туугъан кюнюне атаб джазсанг, кимге джазгъанынгы билиб джазаса. А ма былла, нейтральный, назму уа къалай аталады: джазылыб бошалгъандан сора , огъесе джазыб башлагъынчын атам, андан сорамы келеди сагъыш, не деб, къалай деб джазарыгъынг?
Я самая классная на форуме))))))))))))))
 
Цитата
Сэстренка пишет:
-Ах, неудачливый поэт,
Макай же в сердце –
Тогда запишет
Твоё Перо.
Келеди джууаб:
-Ай джарлы шайыр,
Джюрегинге тийир –
Ол заманда джазар Къалам.
Sabr , Билал, Нюр-Магомедге атаб джазгъаныгъызны билмей эдим бу назмуну. Мен а поэтни кеси кеси бла терен ушагъына ушатама. Вообще къалай болады башхагъа атагъан назмуну: биринчи джазыб бошаб, андан сорамы атайса, огъесе, кимге атарыгъынгы билиб, андан сорамы джазаса? Сез ючюн, кимни болса да туугъан кюнюне атаб джазсанг, кимге джазгъанынгы билиб джазаса. А ма былла, нейтральный, назму уа къалай аталады: джазылыб бошалгъандан сора , огъесе джазыб башлагъынчын атам, андан сорамы келеди сагъыш, не деб, къалай деб джазарыгъынг?


Сэстренка, салам. Сен юрист болмасанг, литератор боллукъ болур эдинг. Алай а, юрист болгъанынг, литература чыгъармала джазаргъа болушургъа да боллукъдула. Джаза да болурса, сени адабият майданнга тартыб тургъан бир фахмунг барды. .

Мени эм уллу критигим Нюр-Магометди - филология, философия джаны бла терен билими болгъан джазыучу. Бу сен айтхан назмуну джазыб бошагъандан сора, Нюр-Магометни " джюрекден келмеген назму поэзия болаллыкъ тюлдю" деб туруучусу эсиме тюшюб, анга аны ючюн атадым назмуну. Тюзюн айтсам, иш этиб адамгъа атаб джазгъанларым кёб тюлдюле, "на заданную тему" джазылыргъа да унамайдыла. Хар кимде бирер тюрлю бола болур, мен джазыб бошагъандан сора, "бу назму бу адамгъа келиширик болур эди" деб атагъанлдарым болгъандыла.

Санга уа, Сэстренка, къайтарыб айтырым: сени литература фахмунг барды. Сюйсенг хапар, назму джаз, сюйсенг критик бол (бизде критик джокъду). Аллах кюч берсин.
 
12-04-2018. Bilal LAYPAN:

Бюгюннгю Малкъар адабиятда мен бек багъалатхан адамладандыла тамада тёлюден Абдуллах Бегий улу бла джаш тёлюден Апполаны-Рахайланы Диана. Аланы араларында да ненча фахму – адам сейирсинирча, къууанырча: Къуру Ахматланы Любаны айтыб къойсакъ да. Малкъар литература джашарына сёз джокъду. Къаламдашларымы алгъышлау сёзлери да уллу поэтлени сёзлеридиле – тас болмай сакълансынла дей, былайгъа да салама.

_________________________________________


АППОЛАНЫ-РАХАЙЛАНЫ Диана:

Билал!!! Акъ сёзлю, чынтты таулу жюрекли, Журт кёллю, тил сагъышлы, тамблабыз ауазлы Билал! Жанынгы къолунга алып аз гюрюлдеген ырхыданмы ётдюнг сен, аз палахнымы жыкъдынг, аз тауданмы аудунг? Сен ХОРЛАДЫНГ, сен бой бермединг, сен сынмадынг!
Къайтарып айтама: Къайсын юйреннгенди къатылыкъгъа къаяладан, мен а къатылыкъгъа юйренеме Билалдан!
Бериуде Билалны таныгъанлы юч жыл бола эсе, энди уа , Аллаха махтау, жети-сегиз да болады!
Билал, сени алтмыш бешинге, жетмишинге, сексенинге, токъсанынга, жюзюнге да ма былай бериуле эте, сени саулугъунга къууана, туудукъларынг бла алгъышлай жашарча этсин Бериучю!
Сени жашынг – Алан атлы къанатынг – сени жашауунгу магъанасыды да, сен анга бу бериуде къалай ышана эсенг да, сен анга къалай ыразы эсенг да, ол ол илишанланы тас этмей, "Лайпанланы Билалны жашыды бу" деп, ёхтемленип айтырча кюнле келсинле!
Билал, саулугъунг Ата журтха, ана тилге, назмучулукъгъа, шумер-алан миллетинге сюймеклигингча Бек, терен, кючлю болсун!!!
Айтмасам да билесе мен сени Шам Малкъарда, акъ таулада сакълайма!
Кесинг чертесе, Норвегияда "Аннет лив - Экинчи жашау" деп, экинчи жашауум, жангы жашауум башланнганды деп. Сени Журтха келгенингде ючюнчю жашауунг, ырахат жашауунг да башланыр!
Кёп жаша! Аллыбызда баргъанлай тур!
Къалам устазым, жюрек нёгерим, жан къарындашым, Билал!


_______________________________________

Абдуллах Бегиев

МИЛЛЕТ КЮНЮБЮЗ

Билал Къарнашым, Сени туугъан кюнюнг, кёресе Джырчыны айтханын, – Адам улугъа Тейри Эшиги ачылгъанына тюшеди. Эсе да, Адам улугъа Тейри Эшиги ачылгъаны Шайырны туугъан кюнюне тюшерча этгенди Аллах!
Анда уллу магъана барды.


Адам баласыны кёкге, эсе да – кёкден тышына, – гъаршха атлагъаны шайырлыкъ бла байламлы тюйюлмюдю?!
Шайырланы жырларында учуп айланмагъанмыдыла космосда – гъаршда бизни буруннгу ата-бабаларыбыз – Нартла? «Космос станция» тюйюлмю эди кёкде Къызыл Фукну мияла къаласы?!
«Космонавт» тюйюлмю эди, топ окъгъа жерленип, ол «космос станциягъа» – Къызыл Фукга – учуп чыкъгъан Нарт Ёрюзмек?
Олму тюйюл эди «космонартлыкъ»!?


Гагаринни гъаршха – космосха учарча этген да аланы туудукълары эди – Эней улу Тимур. Ол шартланы аны сабий жюрегинде биширген закий атасы эди – Магомет Эней улу. Халкъ Башчысы. Анга да закийлик атасы Алий Эфендиден, мажюсюлюкден чыгъарып, халкъны жюрегине муслийманлыкъны сингдирген кишиден келген эди. Ма алай – ёрлей барсанг, Нартлагъа чыгъып кетериксе!

Адам маймулдан жаратылмагъанын, жаратылама десе да, Жерни жыл саны анга азлыкъ этгенин илму амал бла тергеп, билип, Адам баласын Аллах жаратханды деген оюмгъа келген Тимур Эней улугъа бергенди Аллах да Адам баласын кёкге чыгъартыр амалны да. Къарачай-Малкъар Халкъны Уланына.
Ансыз Юрий Гагарин гъаршха чыгъаллыкъ тюйюл эди! Бюгюнлюкде сау-эсен жашап тургъан космонавтчы алимле аны айтадыла. Сергей Королёв академикни сау этип сорсанг да, айтыры олду…

Бу дунияда хар зат да тутушду. Биз азчыкъ сезалабыз аны. Биз билмеген, билалмазлыкъ да къыллары толуп атадыла жашауну.
Сени туугъан кюнюнг да бу затла бла тутуш болуп келгенинде бир къудурет жашырынлыгъы окъуна болур!
Не ючюн десенг, Сени Жашауунг, Ишинг да, Акъылынг, Эсинг, Сёзюнг да Халкъ бла байламлыды. Кёк бла, Шайырлыкъ бла, гъарш бла байламлыды.


Сен этген жумушну биз тёлюде киши да эталмагъанды. Эталлыкъ да болмаз эди, не ючюн десенг, аллай онгну Аллах да сайлагъанына береди!
Насып деген олду – Сёзюнг бла, Ишинг бла, Жашауунг бла Халкъынга къуллукъ этмеклик.

Билал, бир атны кючю бла минг ат суу ичер дегенлей болду. Алгъышлыкъ бол, Сени алгъышларгъа чыкъгъан эдим да, кёресе, Сени юсюнгден сагъышым не жерлеге жетдирди!
Бир башха тенгими юсюнден ойланнганымда, эсиме келирми эдиле аллай сагъышла? Не хазна…

Алайды да, Бюгюн – КЪАРАЧАЙМАЛКЪАРНЫ МИЛЛЕТ КЮНЮДЮ – ШАЙЫРЛАРЫ, КОСМОНАРТЛАРЫ ТУУГЪАН КЮН!

Байрамынг узакъ болсун, Къарнашым Билал!
Саулукълу, насыплы жашауну Аллах берсин!
Халкъ уланларына этилген алгъыш – халкъгъа этилген алгъыш!
Алгъышыгъыз къабыл болсун!


Санга уллу ыразылыкъ бла, саулукъ-эсенлик алгъышларым бла,
Абдуллах
Изменено: Sabr - 13.04.2018 20:59:42
 
Тюнене бу теманы табмай, джангы тема ачханма. Аны тышында, 11 сагъатда светлени джукълатырыкъбыз да деген эдиле да, интернет тохтаб къалгъынчын успеть этеим деб, айтырымы да эркин айталмай къалгъанма)). Алайды да, бир муратым барды: Билалны туугъан кюнюне кеб джерде кеб алгъыш этилгенди, творчествосуну, кесини юсюнден да кеб зат джазылгъанды, ол затла анда-мында тас болуб къалмазча, Эльбрусоидни форумуна копировать этиб джыяргъады муратым. Биринчи ол джангы темагъа джыяйым да, Билал огъай демесе, барысын да бирден бери кечюрюрме).
Я самая классная на форуме))))))))))))))
 
Цитата
Сэстренка пишет:
Тюнене бу теманы табмай, джангы тема ачханма. Аны тышында, 11 сагъатда светлени джукълатырыкъбыз да деген эдиле да, интернет тохтаб къалгъынчын успеть этеим деб, айтырымы да эркин айталмай къалгъанма)). Алайды да, бир муратым барды: Билалны туугъан кюнюне кеб джерде кеб алгъыш этилгенди, творчествосуну, кесини юсюнден да кеб зат джазылгъанды, ол затла анда-мында тас болуб къалмазча, Эльбрусоидни форумуна копировать этиб джыяргъады муратым. Биринчи ол джангы темагъа джыяйым да, Билал огъай демесе, барысын да бирден бери кечюрюрме).


Сэстренка, Санга да, форумгъа да игилик! Игисин-табын кесинг билесе - къалай таб кёрсенг алай эт. Джукъгъа да кёчюрмей, ачхан теманга салсанг да салыргъа излегенинги - бек табды. Иш анда тюлдю. Иш бизни адамла бир-бирин джокълагъанлары, багъалатханлары - олду насыб. Кёб джашагъыз къарачай-малкъар адамлары къачан да, къайда да - къууанч бла, насыб бла.

.
Изменено: Sabr - 14.04.2018 14:14:35
 
Фатима Мамаевав Билал Лайпанов
12 апреля в 15:50 ·

Багъалы, сыйлы закийибиз, саулай къарачай-малкъар халкъны, тюрк дуниясыны белгили шайыры, КЪЫЗЫЛ-КЪАЛАЧЫ ПОЭТ БИЛАЛ!
Уллу Аллахха минглеб минг шукурла болсун сени бу дуниягъа джаратхан бла къалмай, санга кемсиз терен джарыкъ фахму бергенине. Санга да Аллахны бюсюреую болсун, ол фахмунгу зыраф этмей, кеченг-кюнюнг ишлеб, эринмей дуниягъа быллай шийирле джаратханынга. Таза джюрекден, бютеу юйдегибизни, саулай элчилеринг Къызыл-Къалачыланы аты бла туугъан кюнюнг бла алгъышлай, санга Уллу Аллахдан кийик саулукъ, адамларынг, джууукъ-тенгинг бла зауукълукъда узакъ ёмюрлю джашар насыбны тилейме. Сени керти джюрегинги таза иннетин ачыкълагъан талай назмунгу былайгъа салыргъа излейме халкъ да кёрюб къууанырла деб. Бюгюн джашлыгъынгы бир джарымын джашадынг эсе, энди мындан ары да Сыйлы Аллахны буйругъу бла энтда аллай бирни джашарынгы тилейбиз. Разы бол бюгюннге дери сени кёлюнге джетмеген зат этген эсек. Мындан ары тюзетирге кюреширбиз кесибизни джашауда. (торжественно клянусь)

ЭЛЛЕРИМ

Акъ Къалам, Къызыл Къалам,
Акъ джаным, къызыл къаным.
Бу эки элден чыкъгъанды
Ата эм ана джаным.

Хурзугум, Учкуланым –
Адурхайым, Трамым –
Къадау Ташым, Терегим,
Сизсиз мени джюрегим.

Тёнгегим эмда джаным –
Хурзугум, Учкуланым;
Акъ Къалам, Къызыл Къалам.
Сизсиз мени нюр къалам.
Сизсиз меннге нюр къалам.

АКЪ БАШЛЫГЪЫМ, КЪАРА ДЖАМЧЫМ КЪАРАЧАЙ

Акъ башлыгъым, къара джамчым да Къарачай
Акъ сагъышым, къара къайгъым да Къарачай,
Тутулгъан Тилим, Кюнюм, Айым да Къарачай,
Ачылгъан Тилим, Кюнюм, Айым да Къарачай.

Ата Джурту, Ана тили кёл эте,
Акъ башлыгъы байракълана, къанатлана, джел эте,
Ненча улан кетди урушха, къуралыб,
Ненчасы да къара джамчыгъа чырмалыб,
къайытды.

Эй, акъ башлыкъ, къара джамчы Къарачай.
Акъ башлыгъым, къара джамчым Къарачай.
Акъ умутум, къара булутум да Къарачай.
Джарыкъ кюнюм, къара кюнюм да Къарачай.
Джарылгъан джюрегим, ёлюмсюз джаным да Къарачай.
Ауалым да, ахырым да Къарачай.
Акъ башлыгъым, къара джамчым Къарачай.

ДЖАРЫКЪ КЁЛЛЮ ИГИ АДАМГЪА ТЮБЕСЕНГ

Джарыкъ кёллю иги адамгъа тюбесенг –
Джер тюбюнден джер башына чыкъгъанча
боласа_
Къайгъы, джарсыу да тайыб юсюнгден,
Ауур сагъышладан къутулгъанча
боласа.

Джарыкъ кёллю иги адамгъа тюбесенг –
Къууанаса болгъанынга сау-эсен.
Джанкъылышча кёрюнеди джашау да.
Иги адамгъа джетсин алгъыш, махтау да.

Халал джюрекли джарыкъ кёллю адамла –
Аладыла тутуругъу дунияны.
Адам улуну къутхарыргъа излей эсек,
Тёрге, оноугъа ётдюрейик аланы

https://www.facebook.com/photo.php?fbid=617783108566661&set=p.617783108566661&type=3





Изменено: Sabr - 16.04.2018 15:42:42
 
Цитата
Sabr пишет:
Таза джюрекден, бютеу юйдегибизни, саулай элчилеринг Къызыл-Къалачыланы аты бла туугъан кюнюнг бла алгъышлай, санга Уллу Аллахдан кийик саулукъ, адамларынг, джууукъ-тенгинг бла зауукълукъда узакъ ёмюрлю джашар насыбны тилейме. Сени керти джюрегинги таза иннетин ачыкълагъан талай назмунгу былайгъа салыргъа излейме халкъ да кёрюб къууанырла деб.
Амин Аллах!
Мен да бир назму къошайым, сора))

КЪЫЗЫЛ КЪАЛА

Кюнбетни ташлары ушайла нечик
Шыпан къойлагьа, джайылыб тургьан.
Къаялары да — къонгур ёгюзлеге,
"Пуф" деб джатыб, кюушене тургьан.
Былайда къарт-джаш да таныйды мени,
Хансха-ташха да къууанады джюрек.
Кесими Сосуркъача кёреме мында,
Балакъ тюбюм бла ёталмаса да джюджек.
Терсими, тюзюмю да кёргюзтген кюзгю,
Тау элим турады мени къучакълай.
Къара ханслай джагъылады аппаны сёзю,
Амманы сёзю да — ит тил чапыракълай.
Эсимдеди: къаягьа ёрлей, джыгъылыб,
Мен аягъымы сындыргьанымда,
Аппа сылаб, къара ханс джагьыб
Байлагьан эди, сора къатымда
Эски джырланы джырлай эди ол:
Джукъласанг, илгенмезге амал джокъ,
Илгенсенг а — сыланнгандан хайыр джокъ,
Дей, сыннганымы тюз къайнатхан эди ол.
Джюреги ачыгьаннга, кёлю сыннганнга
Мени назмум да джараса алай,
Андан уллу насыб керек тюл эди манга,
Не этсенг да эт, джоралаб алай.
...Хар зат да турады мени эсимде,
Гошаях къала къаяда тургьанча.
Къарайма къууанч берген элиме,
Бола, дуниягъа джангыдан туугьанча.
Маллагъа суу иче турургьа тегене
Джарашдыргьан чакълы бир затха —
Не бла джарадынг туугьан элинге?—
Деб, меннге тюбеб соргьан къартха,
Не джууаб къайтаралайым мен?
Бери келишмейле ууакъ сылтаула...
Мында тууралла ишинг, иннетинг,
Къаяла тургьанча кёзге туура.
Хоу, мени айтырча этгеним джокъ,
Мени ишимден заман хапар айтыр.
Кёлде сюймеклигим туугьан элиме
Эртде кеч болса да туура къайтыр.
Булут болгьан суу джауум болуб
Къайтхан кибик туугьан джерине. ...
Къызгьан бетими турама тутуб,
Кесмезни салкъын ургьан джелине.

Лайпанланы Билал
Я самая классная на форуме))))))))))))))
Страницы: Пред. 1 2 3 4 5
Читают тему (гостей: 1)

Форум  Мобильный | Стационарный