Расширенный поиск
16 Декабря  2017 года
Логин: Регистрация
Пароль: Забыли пароль?
  • Ёксюзню тилеги къабыл болур.
  • Эркишиге тары кебек танг кёрюнюр.
  • Аман адам элни бир-бирине джау этер.
  • Накъырда – кертини келечиси.
  • Киштикге къанат битсе, чыпчыкъ къалмаз эди.
  • Кёкдеги болмаса, джердегин кёрмейди.
  • Эшекге миннген – биринчи айыб, андан джыгъылгъан – экинчи айыб.
  • Эртде тургъан джылкъычыны эркек аты тай табар.
  • Битмегеннге сакъал – танг.
  • Кёб ант этген, кёб ётюрюк айтыр.
  • Адам сёзюнден белгили.
  • Ёлген ийнек сютлю болур.
  • Адеб этмеген, адеб кёрмез.
  • Азыгъы аз, алгъа къабар, аты аман, алгъа чабар.
  • Къонакъ хазыр болгъанлыкъгъа, къонакъбай хазыр тюлдю.
  • Эки къатын алгъан – эки ташны ортасына башын салгъан.
  • Башы ишлегенни, ауузу да ишлер.
  • Кютгени беш эчки, сызгъыргъаны уа, джерни джарады.
  • Билим – акъылны чырагъы.
  • Байма, деб да, къууанма, джарлыма, деб да, джылама.
  • Орундукъ тюбюнде атылсам да, орта джиликме, де да айлан.
  • Ауузу аманнга «иги», деме.
  • Къаллай салам берсенг, аллай джууаб алырса.
  • Ариу сёз – джаннга азыкъ, аман сёз – башха къазыкъ.
  • Ушамагъан – джукъмаз.
  • Малны кют, джерни тюрт.
  • Сабий болмагъан джерде, мёлек болмаз.
  • Акъыл неден да кючлюдю.
  • Джюз элде джюз ёгюзюм болгъандан эсе, джюз джууугъум болсун.
  • Нарт сёз – тилни бети.
  • Олтуруб кёрюнмей эди да, ёрге туруб кёрюне эди.
  • Мал ёлсе, сюек къалыр, адам ёлсе, иши къалыр.
  • Джыйырма къойну юч джыйырма эбзе кюте эди.
  • Хар ишни да аллы къыйынды.
  • Ариу – кёзге, акъыл – джюрекге.
  • Тай асырагъан, атха минер.
  • Къанны къан бла джуума, аманны аман бла къуума.
  • Къазанчы аман болса, къазаны къайнамаз.
  • Тешигини къатында, чычхан да батыр болур.
  • Окъугъанны бети джарыкъ.
  • Чакъырылмай келген къонакъ сыйланмай кетер.
  • Тили узунну, намысы – къысха.
  • Ата Джуртун танымагъан, атасын да танымаз.
  • Чарсда алчыны эл кёреди.
  • Бюгюн дуния кибик, тамбла ахыратды.
  • Ариу сёз джыланны орнундан чыгъарыр.
  • Уллу суу бла уллу ауруудан башынгы сакъла.
  • Арба аугъандан сора, джол кёргюзтюучю кёб болур.
  • Джюрек кёзден алгъа кёрюр.
  • Кюлме джашха – келир башха.
Страницы: 1
* KARACHAY-MALKAR NAZMU ANTOLOGİYASI *, * КЪАРАЧАЙ-МАЛКЪАР НАЗМУ АНТОЛОГИЯСЫ *
 

Salamaleyküm Camagat,

KARACHAY-MALKAR tilde cazılgan nazmulanı bılayda bir cerge cıysak kalay bolur?
Biz munu talaydan Facebook'ta KARAÇAY-MALKAR NAZMUÇULA atı bla bir saytda cürütebiz.
Sizlede bizge boluşsagız kuuanırbız. Caratıp saylagan nazmularıgıznı bılayga tartınmayın salırga bolluksuz. :)

----------------------------------------------------
Саламалейкюм Джамагат,

КАРАДЖХАЙ-МАЛКАР тилде джазылган назмуланы былайда бир джерге джыйсак калай болур?
Биз муну талайдан Фаджебоок'та КАРАЧАЙ-МАЛКАР НАЗМУЧУЛА аты бла бир сайтда джюрютюрге кюрешебиз.
Сизледе бизге болушсагыз кууанырбыз. Джаратып сайлаган назмуларыгызны былайга тартынмайын салырга боллуксуз.. :)
Изменено: Culduz - 27.11.2013 09:54:53
Ana tilim meni cürek tilim ...
 
MEN SENİ BEK SÜYEME CAŞAV

Men seni bek süyeme, caşav,
Kışlarıng, cazlarıng bla da,
Erttenliklering, keçelering,
Cavunung, karlarıng bla da.

Süyeme seni, tavla başı
Köknü kanatlı süygen kibik,
Biyikden canngan culduzlanı
Keçikgen atlı süygen kibik,

Kurğak taşdan tolu ırhı ız
Sak tav cavunnu süygen kibik,
Üyge keç bolup kelgen kışhı
Colovçu otnu süygen kibik.

Adam murkkusundan, işinden
Tolu caşav, ne igi senden!

Erttenlikde uyadan çığıp,
kuşnu kökde uçup barğanın,
Bedikde ağaç kıyırında
Kayın terekni ağarğanın,

Otda bişgen güllü nartühnü
İyisin, harbıznı tatıvun,
Haparçını kışhı ingirde
Ot cağada hapar aytıvun,

İlaçin kayada sabançı,
Başlap birinçi barazanı,
Suv topurakğa kuvannganın,
Ağaşçını ağaç conganın

Barın da süyeme men, caşav,
Ne köp caşayım, senden kanmam.
Alay cerim üçün öl deseng,
Ölüm allında tobuklanmam!

Kaysın Kuliyev

--------------------------


МЕН СЕНИ БЕК СЮЕМЕ ДЖАШАУУ


Мен сени бек сюеме, джашауу
Кышларынг, джазларынг бла да
Ерттенликлеринг, кечелеринг
Джавунунг, карларынг бла да.

Сюеме сени, тавла башы
Кёкню канатлы сюйген кибик,
Бийикден джаннган дзхулдузланы
Кечикген атлы сюйген кибик,

Кургьак ташдан толу ырхы ыз
Сак тав джавунну сюйген кибик,
Юйге кеч болуп келген кышхы
Дзолоуучу отну сюйген кибик.

Адам мурккусундан, ишинден
Толу джашауу, не иги сенден!

Ерттенликде уядан чыгьып,
Кушну кёкде учуп баргьанын,
Бедикде агьач кыйырында
Кайын терекни агьаргьанын,

Отда бишген гюллю нартюхню
Ийисин, харбызны татывун,
Хапарчыны кышхы ингирде
От джагьада хапар айтыуун,

Илачин каяда сабанчы,
Башлап биринчи баразаны,
Суу топуракгьа кууаннганын,
Агьашчыны агьач джонганын

Барын да сюеме мен, джашауу,
Не кёп джашайым, сенден канмам.
Алай джерим ючюн ёл десенг,
Ёлюм аллында тобукланмам!

Кулиев Кайсын
Изменено: Culduz - 27.11.2013 06:39:39
Ana tilim meni cürek tilim ...
 
SARI TEREK

Kök çegetni arasında
Bir terek
Köknu ornuna sarı kiyim
Kiyedi.
Anı körsem, künden künnge,
Bekden bek
Canım carsıy, içim kara
Küyedi.
Ne ese da tüşüredi
Ol meni
Carlı anamı bir zamanın
Esime;
Açık ete, mından arı,
Caşauda
Kök kiyimni kiymezligin
Üsüne.




Semenleni AZRET
Изменено: Culduz - 27.11.2013 06:43:26
Ana tilim meni cürek tilim ...
 
TARZAN'nga

Kara itibiz Tarzan kalgandı Kok-Sayda.
Allay şohum cokdu meni Karaçayda.
Kesimi çalman kazıkga sıncır bla tagıb,
Küreşeme anı enikleb, çabıb.

Kim biledi - ol da meni eşite bolur,
Ol da beri aylanıb, hahay ete bolur.
Bizni bla birge kelse edi Tarzan -
Mında anga içirligem narzan.

Orta Aziyada ızıbızdan karab kalgandı
Kara itibiz, sak itibiz Tarzan.
«Ol anda ölgenleni saklaydı»,-
Deb, kölümü basıuçandı Akka.

Biraznı tıngılab, dagıda koşuuçandı:
«Tuugan curtunda kalgandı Tarzan.
Tuugan curtdan bagalı ne bolur?»-
Mingi Tauga karaydı Akka.

İt çabhan ilgendiredi meni,
Eşta, bizni sagına bolur Tarzan:
«Curtunda kalgan pariyden
Curtuna kayıthan adamga salam».

Men anı köreme tüşümde,
Anıça «hap-hup» eteme har künde.
Ketermez üçün a anı çırtda esimden,
Tarzan deb, ataganma kesime.

Bilal Laypan


-----------------


ТАРЗАННГА

Къара итибиз Тарзан къалгъанды Кок-Сайда.
Аллай шохум джокъду мени Къарачайда.
Кесими чалман къазыкъгъа сынджыр бла тагъыб,
Кюрешеме аны эниклеб, чабыб.

Ким биледи – ол да мени эшите болур,
Ол да бери айланыб, хахай эте болур.
Бизни бла бирге келсе эди Тарзан –
Мында анга ичирлигем нарзан.

Орта Азияда ызыбыздан къараб къалгъанды
Къара итибиз, сакъ итибиз Тарзан.
«Ол анда ёлгенлени сакълайды»,-
Деб, кёлюмю басыучанды Акка.

Биразны тынгылаб, дагъыда къошуучанды:
«Туугъан джуртунда къалгъанды Тарзан.
Туугъан джуртдан багъалы не болур?»-
Минги Таугъа къарайды Акка.

Ит чабхан илгендиреди мени,
Эшта, бизни сагъына болур Тарзан:
«Джуртунда къалгъан парийден
Джуртуна къайытхан адамгъа салам».

Мен аны кёреме тюшюмде,
Аныча «хап-хуп» этеме хар кюнде.
Кетермез ючюн а аны чыртда эсимден,
Тарзан деб, атагъанма кесиме.

БИЛАЛ ЛАЙПАН
Tarzan.jpg (35.07 КБ)
Изменено: Culduz - 27.11.2013 10:37:19
Ana tilim meni cürek tilim ...
 
Mingi Tav


Sen kökge cete miyikse
Kavkaz tavlanı içinde.
Miyala kibik cıltıray,
kanga buzların üsünde.

Üsünde bardı ak tonun,
Sen cay da, kış da kiyese.
Kün buzulurğa tebrese,
Boran eterge süyese.

Kün ariv, çuvak turganlay,
Tohtamaydı boranın,
Cay da, kış da erimeydi
Üsündegi buzların.

Tögereginde toğay otlayla
Altın müyüzlü kiyikle.
Seni többenge çıgıvçandıla
Bögekle bla cigitle.

Kiyik buvların öküredile
Konguravlanı kakkança,
Cuğuturların turuşadıla
Atlıla çarsha çabhança.

Kablanların, aslanların
Buğoylarına kirelle.
Pokunların, gujdarların
Adam cıyını bilelle.

Ayülerin muruldaydıla
şındık çegetni içinde.
Börülerin kalkıydıla
Koylanı köre tüşünde.

Kök caşnasa sızdıralla
Eteklerin cel ete...
Menden küçlü cokdu deb,
Kesin kesine köl ete.

Kablanların karab turalla
Beklege kirib, mınayıb,
Borsukların, tülkülerin
Cuvuk barırda uyalıb.

Kankazların kankıldaydıla,
Çın tavukların cırlayla.
Kargaların kark-kurk ete,
Mıllık tabmayın cılayla.

Kögorçünlerin cüvüldeydile
Künün cıltırab kakkanlay,
Maralların otlaydıla
Gelev kırdıkga bathanlay.

Çıpçıkların, çavkaların
Buday ındırnı çöbleyle.
Ararat bla Kazbek tav
Sanga tügel cetmeyle.

Ullu kuşla sanga konsala
Üyle kibik karaşıb,
Cur tekele cıgılsala
Sürüvlerinden acaşıb.

Küz artında turnaların
Avub ketelle tengizge,
Kışha hazır boluguz deb,
Eskertivçense sen bizge.

Senden sora kaysı tavdu
Arivluk bla bay bolgan,
Başı kış bolub, beli caz bolub,
Eteklerinde cay bolgan?

Mingi Tav bla Kazbek tav,
Aragız ariv cibek av...
Sen kiyiz börknü agarta,
Etegin caşil katapa.

Sen culduzlaga canaşa,
Kalganla senden alaşa,
Bir-birigizge karaşa,
Kalay seyirsiz, tamaşa!

Buznu, karnı cıyıvçu,
Başına bulut konuvçu,
Tögeregine basınıb
Tavlula karab toymavçu.

Kış aylanı boranısa,
Cay aylanı salkını.
Cumuşaklık etmesen
incitirikse halkını.

Kesin begitmey çıkganga
Başha bolmay bir cavsa,
Sav duniyanı başında
Em belgili bir tavsa.


Semenlanı Smayil
89806743.jpg (68.03 КБ)
Изменено: Culduz - 27.11.2013 07:29:22
Ana tilim meni cürek tilim ...
 
Загрузка плеера
Ana tilim meni cürek tilim ...
 
"Aldanmağız ahırzaman duniyağa..."

Jandet degen oldu, halın aytayım,
Kulak salıp tıngılağız har dayım.
Hadislede körgenime kaytayım, –
Aldanmağız ahırzaman duniyağa.

Açıp jerde bizni üçün jannetin,
Jarathandı aşın, suvun, şerbetin,
Zemzem suvun, alham-türlü kögetin, –
Aldanmağız ahırzaman duniyağa.

İşlegennge jannet eşik açılır,
Nür tögülür, şafavatla çaçılır,
Mahtav, rahmu, keçginlik da tabılır, –
Aldanmağız ahırzaman duniyağa.

Zulmuçula jahanimge kirirle,
Süyekleri janngan otda küerle,
Keç bilirle, tobukların tüerle, –
Aldanmağız ahırzaman duniyağa.

Sıylı kulla safarların süerle,
Jetmiş türlü dariy kiyim kiyerle,
Bir birine salat-salam iyerle, –
Aldanmağız ahırzaman duniyağa.

Har adamnı tüzlügü terk bilinir,
Ahıratda ülüş bolup kelinir,
Anga köre saylav, kulluk berilir,–
Aldanmağız ahırzaman duniyağa.

Tüplerine altın tahta salınır,
Tübü bla tatlı suvla barılır,
Har bir içgi anda halal bolunur, –
Aldanmağız ahırzaman duniyağa.

Kollarında nür tıyılmaz jarıkdan,
Kıynalmazla ne jılıdan, suvukdan,
İnjilmezle bir da anda tarlıkdan, –
Aldanmağız ahırzaman duniyağa.

Kögetleri türsününde bir bolup,
Çaynağanda, har birisi ming bolup,
Ol zavukğa jetişirik kim bolur? –
Aldanmağız ahırzaman duniyağa.

Neden süyse, kelip andan aşarla,
Tüplerine atles töşek atarla,
Bu zavukğa kirip, anda jaşarla, –
Aldanmağız ahırzaman duniyağa.

Ol zavukğa nasıplıla jeterle,
Sıylı Allahha ziyaratla eterle,
Assı kulla andan uzak keterle, –
Aldanmağız ahırzaman duniyağa.

Küreşeyik iyman bla ölürge,
Sıylı Allahnı anda nürün körürge,
Janıbıznı hak joluna berirge,–
Aldanmağız ahırzaman duniyağa.

Kyazim haji şaşhanlağa küyedi,
Amal bla juk tapmazın biledi,
Günahları keçilsin dep tileydi,
Aldanmağız ahırzaman duniyağa.

Sıylılığı jartı bolmaz ne takır,
Kyazimni da jannetinge sen çakır,
Kayrı barsa, rahmat tileyd ol fakır,
Aldanmağız ahırzaman duniyağa.

Kelinngendi bu duniyada hıysapha:
YA-rappana, salma uru azapha,
Atma bizni harap bla ilkapha, –
Aldanmağız ahırzaman duniyağa.

Har adamnı sıyrat bla kuvarla,
Günahların, suvapların surarla,
Ahır-aval, anda südnü kurarla, –
Aldanmağız ahırzaman duniyağa.

Kitapların alıp kelip berirle,
Günahların, suvapların körürle,
Günahlını ker ağaçha kerirle, –
Aldanmağız ahırzaman duniyağa.

Kimni kelir ong janından kitabı,
Har işini anda bolur hıykabı,
Kimni kuvanç, kimni jilyav hıysabı,
Aldanmağız ahırzaman duniyağa.

Kimni artdan, soldan alıp kelirle,
«Okuçu!» – dep, betin açıp berirle,
Bu duniyağa oylaşmağan telile,–
Aldanmağız ahırzaman duniyağa.

Ol dep, bu dep, sıltav etip başlarla,
Sokuranıp, hap kim esin taşlarla,
Başıbızğa jetişirik işlelle, –
Aldanmağız ahırzaman duniyağa.

Hazır sıltav kabıl bolmaz birevge,
Sebep kelmez jal barıvdan, tilevden,
Başha kalmaz jahanimge sürüvden,–
Aldanmağız ahırzaman duniyağa.

Ne üçün Allah köknü, jerni jarıtdı?
Akıl berip, anı bizge tanıtdı? –
Barın tolu adam üçün jaratdı,–
Aldanmağız ahırzaman duniyağa.

Bizni üçün kuran, kitap endirdi,
Günah, suvap, ahşı, aman bildirdi,
Jerni, suvnu anı kibik süydürdü, –
Aldanmağız ahırzaman duniyağa.

Aldadık biz fayğambarnı köp kere.
Çarhıbıznı Allah etdik köz köre,
Endi bizge ol çarhıbız ne bere? –
Aldanmağız ahırzaman duniyağa.

Keligiz, biz assılıkdan kaçayık,
Jürekleni igilikge açayık,
Közübüzden kan jilyamuk çaçayık, –
Aldanmağız ahırzaman duniyağa.

Aybat işge arıtayık sanlanı,
İyman bla ketereyik janlanı,
Köp jıymayık kolğa fitna mallanı, –
Aldanmağız ahırzaman duniyağa.

Kyazim haji jalğan zikir etmeydi,
İgilik – az, günah bizden ketmeydi,
Fakır, sözü çapırakdan ötmeydi, –
Aldanmağız ahırzaman duniyağa.

Köple ketgen bu duniyadan keterbiz,
Sak javunlay, ürkgen atlay öterbiz,
Duniya malın, haznaların ne eterbiz? –
Aldanmağız ahırzaman duniyağa.

Meçilanı Kazım
mechiev2.jpg (43.64 КБ)
Изменено: Culduz - 27.11.2013 07:54:16
Ana tilim meni cürek tilim ...
 
ATA CURTUM

Sezimleni söz bla
Açıklarga cetse pahmum.
Men cır kala salır edim
Tavlarında, Ata curtum..

Bulbul kibik töger edim
Men kölümü cırlarıma.
Süymekliğimi eskertmesin
Koyar edim tavlarında..

Senge ullu süymekliğim
Kanat berib cırlarıma.
Eltir edi ol kalanı
Ömürleni uzağına..

Cır kalamı işleb sora
Milletime etsem savga
Eter edim Ata curtum
Meni egeç öhtem tavga..

Süymekliğimi söz bla
Açıklarga cetse pahmum.
Men cır kala koyganem
Milletime, Ata curtum.


BAYRAMUKLANI Fatima
Ana tilim meni cürek tilim ...
 
MİNGİ TAVUM, ÖHTEM KARAÇAYIM

Aşığıb keleme curtumu körürge
Har taşını uppa etib kuçaklayım.
Bolalmayma sizni eki üleşirge
Mini tavum, öhtem Karaçayım..

Senge tansıklığım ulludu
Salam bere tanlarım iynaklayım.
Seni süyüb, batıb ketalmaydı kün
Mingi Tavum, öhtem Karaçayım..

Tas etib cangıdan tabhanım üçün
Asırı kuvangandan tözalmay cılayım.
Tüzlüknü izlegen tabadı tüzlüğün
Mingi Tavum, öhtem Karaçayım.i

Kuşla kayalada çığaradıla gurt
Çokurak çuçhurla bla birge cılayım.
Ata-babaladan, Alanladan kalgan curt
Mingi tavum, öhtem Karaçayım..

Nasıb otla kibik caşnab çağalla gülle
Alaga men tansık köz bla karayım.
Başha türlüdü keçele künle
Mingi tavum öhtem Karaçayım..

Sensiz ötgen künle bolgança ömürle
Alay körünedi, kozgamay koyayım.
Cüregim küyüb canadıla kömürle
Mingi tavum, öhtem Karaçayım..

Curtundan kıstalmagan meni angılamaz
Erkeletib, har çöbünü bir sılayım.
Tuvgan uyam, atamdı anamdı
Mingi tavum, öhtem karaçayım.


HUBİYLANI Nazir
kara?ay.jpg (44.41 КБ)
Ana tilim meni cürek tilim ...
 
ANA TİLİM

Ana tilim
Canım -tinim
Sense deyme
Carık künüm..

Seni bla tizib anam
Menge bellav aytıvçaned
Ozub bargan colovçu da
Munu eşitib kaytuvçaned..

Seni bla okub-cazıb
Açılganma köb zatlaga
Salam alıb, salam salıb
Şağrey boldum köb halklağa..

Ana tilim öserikse
Caş tölünü kulaanda
miyik kökge ceterikse
Milletini kuvançısa.


BOTAŞLANI Abidat
( 1902-1982 )
13_large.jpg (42.13 КБ)
Ana tilim meni cürek tilim ...
 
 
AHMATLANI LÜBA
1971

***

Üç col ayırılgan cerde,
Saklaymısa meni algınça?
Buzlaymısa suuuk celde,
Jüregingi carsıu algança?

Süymeklikni suratları -
Suuuk otnu suuuk nürüça...
O tolmagan muratlarım,
Mudahsız siz ahır künüça

bu ömürnü. Hauh duniya...
O nedi duniya baylık?
(Küz salamı - jauun kuya...)
Sanga eltmez kadar kayık.

Süyelme sen suuuk celde,
Cırlarıma da, koy, iynanma.
Üç col ayırılgan cerde
Kaldı nasıp, kaldı iyman da.

Mudahdı caralı cürek,
Bu cilâuuk köknü kengiça.
Üç col-üç kurugan çerek...
Sen kıynalamısa meniça?

-----
АХМАТЛАНЫ ЛЮБА
1971

***

Юч жол айырылгъан жерде,
Сакълаймыса мени алгъынча?
Бузлаймыса сууукъ желде,
Жюрегинги жарсыу алгъынчы?

Сюймекликни суратлары -
Сууукъ отну сууукъ нюрюча...
О толмагъан муратларым,
Мудахсыз сиз ахыр кюнюча

бу ёмюрню. Хаух дуния...
О неди дуния байлыкъ?
(Кюз саламы - жауун къуя...)
Санга элтмез къадар къайыкъ.

Сюелме сен сууукъ желде,
Жырларыма да, къой, ийнанма.
Юч жол айырылгъан жерде
Къалды насып, къалды ийман да.

Мудахды жаралы жюрек,
Бу жиляуукъ кекню кенгича.
Юч жол-юч къуругъан черек...
Сен къыйналамыса менича?
19681.jpg (25.54 КБ)
Ana tilim meni cürek tilim ...
 
CAŞAV TİLEYME SİZLEGE

1.NARATLA

Narat terekle da kesibizge uşayla -
Taza havanı, kurgak cerni, künbetni saylayla.
Caşav kıyın ese da, bügülmeyin, tırnaklab,
Tav eteklerinde, tik kabırgalada caşayla.

Narat terekleribiz da kesibizge uşayla.
Ogese, bizmi uşay bolurbuz alağa?!
Uşamağan da uşarğa izley bolur.
Kerti erkişilege uşaydıla naratla,
Bir betde turadıla kış, cay da.

Tavda, tikde kıyındı deb caşağan,
Kuyulub tüşmeydile özenge.
Tav curtubuznu kerti caşları-vatandaşları,
Köb kıyınlık, palah körgensiz siz da.

Sizsiz köse kişige uşar edi curtubuz,
Sizsiz anga hava bergen, can bergen.
Har bir terek - Cangız Terekdi Curtda,
Har bir taş da - Kadav Taşnı karnaşı.

Süyeleme Taş bla Terekni kuçaklab,
Ekisinden da köb zat bardı bizlede.
Tavla, kayala, çegetle, suvla, adamla,
Tileyme esenlik, ömürlük da sizlege.

Laypanlanı Bilal
Изменено: Culduz - 30.12.2013 12:01:03
Ana tilim meni cürek tilim ...
 
Culduz, иги иш этесиз, сау болугъуз.
Джангы Джылыгъыз да огъур бла келсин, Аллах кесигизге, адамларыгъызгъа да саулукъ-эсенлик, насыб-къууанч берсин.
 
Саубол Билал,
Менде сизге кёп саулуклу, кёп насыплы бир жыл тилейме. ЕЛБРУСОИД барынада Кафказдагы егечлериме, карнашларыма узак салам иеме. Джангы жылларын алгысхлайма
-----
( Saubol Bilal,
Mende sizge köp sauluklu, köp nasıplı bir cıl tileyme. ELBRUSOİD barınada Kafkazdagı egeçlerime, karnaşlarıma uzak salam iyeme. Cangı cılların algıshlayma )
Изменено: Culduz - 01.01.2014 14:58:41
Ana tilim meni cürek tilim ...
 
Загрузка плеера


CANGI CILGA ALGIŞ

Kartlarıbız az bolgandan,
Kabırla da köb bolgandan,
Cangı cıl, tileyme, sen sakla!
Ak ayrandan erikgenden,
Taularıbız erigenden,
Cangı cıl, tileyme, sen sakla.

Adam kıyın aşagandan,
Terlemeyn caşagandan,
Cangı cıl, tileyme, sen sakla!
Karaçayım aç bolgandan,
Kobanıbız cok bolgandan,
Cangı cıl, tileyme, sen sakla!

Caşlık künnü boş iygenden,
Süeringi süymegenden,
Cangı cıl, tileyme, sen sakla!
Taulu atnı cok etgenden,
Kün carıknı sezmegenden,
Cangı cıl, tileyme, sen sakla!

Men senden bir bek tileyme,
Ol bolurun bek izleyme,
Ak karıng bla Nasıbnı bir çaç!
Tebmesinle taularıbız.
Ölmesinle kartlarıbız,
Turganıça tursun taş-agaç!

Sapar Yozden


*****************************


ДЖАНГЫ ДЖЫЛГА АЛГЫШ

Картларыбыз аз болгандан,
Кабырла да кёб болгандан,
Джангы джыл, тилейме, сен сакла!
Ак айрандан ерикгенден,
Тауларыбыз еригенден,
Джангы джыл, тилейме, сен сакла.

Адам кыйын ашагандан,
Терлемейн джашагандан,
Джангы джыл, тилейме, сен сакла!
Карачайым ач болгандан,
Кобаныбыз джок болгандан,
Джангы джыл, тилейме, сен сакла!

Джашлык кюнню бош ийгенден,
Сюеринги сюймегенден,
Джангы джыл, тилейме, сен сакла!
Таулу атны джок етгенден,
Кюн джарыкны сезмегенден,
Джангы джыл, тилейме, сен сакла!

Мен сенден бир бек тилейме,
Ол болурун бек излейме,
Ак карынг бла Насыбны бир чач!
Тебмесинле тауларыбыз.
Ёлмесинле картларыбыз,
Турганыча турсун таш-агач!

Сапар Ёзден
Ana tilim meni cürek tilim ...
 
Ana tilim meni cürek tilim ...
 
ас салям алейкум)) ингиригиз ахшы болсун )

Ахматланы Люба

Т И Л Е К

О адам,
Адамны баласы,
Хунеринг
дуниягъа
жарасын,
Кёзлеринг
къууана
къарасын
Хар кимге,
хар кюннге!

О адам,
Хауаны баласы,
Намысынг
нафысны
хорласын,
Жюрегинг
игилик
жорасын
Хар кимге,
хар кюннге!

О адам,
атангы баласы ,
Ойма сен
умутла къаласын,
Къанынгда
сюймеклик
орналсын
Хар кимге,
хар кюннге!

О адам,
анангы баласы,
Аллахынг
жанынгы сакъласын,
Игилик
этерге сайласын
Хар кимге,
хар кюннге!
 
*****

Ауруу къучакъ этсе,
Ёлюм джууукъ джетсе,
Аллахха кюлмейди адам.

Хурджуну болуб капексиз,
Юйдеги болуб ётмексиз,
Бош алай турмайды Къуран.

Ким да тюшюб палахха -
Киши да кюлмейд Аллахха.

Байчораланы Шамильхан
 
Сый джойсам

Къартлыкъ келиб,
Ол дуниядан
Урса аз-аз джел,
Ёлюм келме –
Къартлыкъда да
Джашау багъалыд.
Къарыу кетиб,
Къол да бут да
Болсала бечел,
Ёлюм, келме –
Сан кетсе да,
Джюрек къанатлыд...

Сый джойсам а!
«Ай ёлгеенг,
Андан эсе», – десе эл,
Ёлюм , джаным!
Ол сагъатда
Менге дженгил кел.

Батчаланы Мусса
 
Ана бла баланы ушагъы.

- Ання ач болгъанма...
- Эркишиге ач болгъанма деген айыбды.
- Анам, мен уллу болгьанма да?
- Хоу, балам.
- Бек уллу болсам Къарачайгьа кетербиз да?
- Хоу, балам.
- Анам, Минги Тау къаллайды?
- Тюени сыртына ушайды, балам.
- Биз аны къачан кёрлюкбюз?
- Кёрлюкбюз дегенлей турсакъ, балам.
- Анам, бу къашыкъчыкъланы не этерикбиз?
- Кавказгьа барсакъ бал ашарыкъбыз, балам.
- Бал анда, къашыкъла мында...
Алай нек болгьанды, анам?
- ....................................................................
.............
- Анам, гитчечикле ёлмейдиле да,
Мен ёллюк тюлме да?
- Хоу, балам...
- Анам, атам а нек къайытмайды?
- ....................................................................
..............
- Биз а къайтырыкъбызмы?
- (Ёлмесек, Аллах, сен джазыкъсын)
Къайытырыкъбыз, балам, къайытырыкъбыз.
- Къачан?
- Сен уллу болсанг...
- Ання, ач болгьанма.

Лайпанланы Билял.
 
***

Кюн кермеген кюн керсе,
Кюнюнг къарангы болур,
Ит юрмей, тюлкю юрсе,
Жашау хыйладан толур.

Баш болмаса, аякъгъа
Тюз жол сайлар онг къайда ?
«Хуржунлу жюзаякъдан»
Чыгъармы халкъгъа файда ?

«Кесим» деген болмаса,
«Халкъым» деген чыкъмайды.
Андан болур: тюз жашау
Келирге ашыкъмайды.

Ахматланы Люба
Изменено: shaudan - 31.10.2014 20:33:35
 
***

Кюн кермеген кюн керсе,
Кюнюнг къарангы болур,
Ит юрмей, тюлкю юрсе,
Жашау хыйладан толур.

Баш болмаса, аякъгъа
Тюз жол сайлар онг къайда ?
«Хуржунлу жюзаякъдан»
Чыгъармы халкъгъа файда ?

«Кесим» деген болмаса,
«Халкъым» деген чыкъмайды.
Андан болур: тюз жашау
Келирге ашыкъмайды.

Ахматланы Люба
 
ЗАМАН

Зурнукла - учуп барган заман…
Бизни алып барасыз кайры?..
...барасыз кайры?..
…кайры?
Кёкню жырган жыя зурнукланы
тауушлары тюше-тюше
барганча тумандан,
тюше-тюше барабыз
замандан…

Учуп барган заман…
Елтип бараса кайры?
…бараса кайры?
…кайры?
Зурнук ашыкдырган жазгамы?
Жылыугамы?..
Палахдан кенгнгеми?..
Узакгамы?..
Жиляугамы?..
Тузакгамы?..
Кайгым, сорууларым да - бош бары:
Билдирмейди тамам…
Зурнукланы да юзюлген тауушлары…
туман…
Тамган
заман…

Абдуллах Бегиев- 1979







ZAMAN

Turnalar - uçup giden zaman ...
Bizi alıp gidiyorsunuz, nereye?
... gidiyorsunuz, nereye?
... nereye?
*
Göğü yaran çığlığı Turnaların
sesleri düşe - düşe
gider gibi sislerden
düşe - düşe gidiyoruz
zamandan...
Uçup giden zaman ...
götürüyorsun, nereye?
... gidiyorsun, nereye?
...nereye?
*
Turnanın telaşı yaza mı?
Sıcağa mı? ...
Belalardan uzağa mı?
Uzağa mı? ...
Sıcağa mı?...
Tuzağa m ı? ...
Kaygım, sorularım - hepsi boş:
Açıklamıyor tamamı ...
Turnaların da göç sesleri ...
sisli ...
Damlıyor
zaman ...
*
*

Trnsl: Leman J. Koc
Ana tilim meni cürek tilim ...
 
Бек аламат, Джулдуз. Кесинге, адамларынга, къаламынга да - узакъ ёмюр.
Страницы: 1
Читают тему (гостей: 1)

Форум  Мобильный | Стационарный