09

Кёзлеге, къайгъырма бош, бошалла бишиб.
Энди, къой, кюрешме ой,
Джыртыб не тигиб.

Эршилик келген эсе, хайыр джокъ джукъдан.
Анга джау туралмайды,
Адам къой, къуран.

Къартлыкъ да, керек затды, къыстама кери.
Ол кимни да этмейди,
Джашлыкълай, тели.

Къайтмаздан кетгенди ол, унут джашлыкъны.
Кесинги бояма да,
Джаса къартлыкъны.

Джарыкъ кюн да, турмайды, къуру да чууакъ.
Къара агъара эсе,
Къаралады акъ.

Къорады зауукъ джашау, бошалды тюшюнг.
Бошалды кёзбау кёзюу,
Башланды тюнюнг.

Джашлыгъынг аджир кибик, болсанг да байтал.
Сына энди, хай да, сен,
Неди джюген – нал.

Кёзлеге, къайгъырма бош, буугъанд эршилик.
Къадарны кюлдюрме сен,
Этиб телилик.

20.08.98.
Къарчастан.

ШАТ, салам!

Назмуларынгы бери салгъан сагъатда, тизгинлери тюз тюшерча этерге кюреш, ансы тёрт тизгин юч тизгин болуб барады. Меннге башхалыкъ джокъду, къалгъанла алай болургъа керекди деб турурла.

Кёзлеге, къайгъырма бош, бошалла бишиб.
Энди, къой, кюрешме ой,
Джыртыб не тигиб.
_____________________________________

Кёзлеге, къайгъырма бош,
бошалла бишиб.
Энди, къой, кюрешме ой,
Джыртыб не тигиб.

Sabr, Cаламынг узакъ болсун !

Эсен болурса, Аллах айтса !

Мени да джокъду хатам, тюрт - мюрт эте, джашай барама.
Бюгюн, аллыбыз тауланы, джангы къар агъартды. Къараб - къарагъынчы, чегетле, оймат - оймат болуб, сары бетни алдыла.

Тизгинлени юсюнден а, не айтайым. Назмуну сыфатына да эс бёлеме. Бу КЪыла, ГЪыла, ДЖыла, НГыла бир - бир тизгинлени керексиз созуб иедиле. Тизгин къысха болса, узун болур ючюн, эки ачыкъ харифни арасына тунакы белги салама: Къоян- къойан. Н бла НГ бирге тюшселе,
Ны ны кетерген да \теме. Заманнга - заманга.. Ючтизгинле да аны ючюн этген эдим....

Китаблыкъны баргъаны уа былайыракъды..


10

Аллаху Акбар,
Ма, сауду Сапар.
Тау этекде джыр сакълайма тауладан.
Хурджун ич - къуру.
Джазыу тыш – худжу.
Башха тюрлюд, не затым да, сауладан.

Толуду гюнах,
Астагъфиру ллах.
Алай, ёзге, къанда къайнайд ётгюрлюк.
Субхана ллах,
Кериди палах,
Сынасам да халкъым сауда ёксюзлюк.

Альхамду лиллях -
Джарыкъды бир акъ.
Мен, болсам да, бир бек къара кёзюуде.
Тылпыуду – джан да,
Талпыуду – къан да,
Бу сагъышым, тас болмасын, кёрюмде.

Хурджун ич – къуру.
Джазыу тыш – худжу.
Башха тюрлюд, не затым да, сауладан.
Аллаху Акбар,
Ма, сауду Сапар,
Тау этекде джыр сакълайды тауладан.

30.08.98. Къарчастан.
Орта къарачай.

Халкъны да эрикдирдим, кесим да эрикдим. Алай а, джаза бармасам болмайды...


11

Джерден туууб,
Сен, билесе, Уллу Кёкню акъылын.
Адам улу,
Сен айтаса къуран сёзню макъамын.

Келечисе,
Бу джерлеге керти сёзню джуртундан.
Кетериксе
Энтда ары, къана келиб турмушдан.

Къууан – ышар,
Берилгеннге, не затха да къучакъ кер.
Бюгюн тынар,
Эс бошалыр гиреш бола къан бла тер.

07.08.98.

Аза бла Эльвира уа къайда къалыб кетдиле...

12

Тюшлерими къалынында,
Тургъаныча, джыл узуну, къуру джай.
Тюшлерими джырларында
Къалай болсун айтылмайын Къарачай.

Аламатды джашау анда.
Ингир акъсыл, кече толуд тахсадан.
Билемисе, кимбиз анда.
Бир ариуду, ёмюр бала – Къарчастан.

Тау эллени хар бири да
Аз - буз бугъуб наратла бла назлагъа.
Хар акъыллы, хар тели да
Эй, бирчалла бийге кибик джарлыгъа.

Минги тау да бир бек мийик,
Тюбю халда тепбе баш да бир джашил.
Къарасанг а, анга миниб,
Ариулукъдан, тохтарчады ангы – тил.

Тюнлерими къалынында
Айланса да сагъыш баса, алджай джан.
Тюшлеримде, хар джангыда,
Аллах, сакъла, алай турсун Къарчастан.

08.08.98.

13

Джашасын адам улу
Джашасын деб тюн.
Хар кюнде айтыб турад
Уллу кёкден кюн.

Джашасын адам улу,
Джашасын деб тюш.
Кече ай этиб турад
Нюрюнден юлюш.

Эскергенме бу затны,
Ойлашдым бир кеч.
Мадарынг, ой бар эсе,
Сен Аллах, бир кеч.

Эй, энди, айтама мен,
Джашасынчы ай.
Кюнлейин джашаб турсун,
Былай, Къарачай.

09.09.98.

14

Мен сюйгенле, керекмисиз, меннге, энди.
Сизден алыр, сизге берир джокъ джугъум.
Сиз берлик да, мен берлик да тёленнгенди.
Башха затды, энди, мени къоркъууум.

Юйюр бла, чырт чыкъмагъыз сиз аллыма.
Джазыкъмакълыкъ бир бек уллуд сизлеге.
Джангы сагъыш сиз къошмагъыз сагъышыма.
Мени кёрюб, гыбыр къараб, бир – бирге.

Сиз кимлесиз, сылыкъ ёсген бирер муртат.
Олсагъатда, билмей эгиз сиз муну.
Кёб соруугъа, излемейме, энди, джууаб.
Сибир десем, сибирликсиз джолуму.

Кёрдюгюзмю, заман деген залим затды.
Ёхтемликни, бир таб салад, сыртындан.
Сизде джашау, тургъаныча, къазауатды.
Сиз айтханлай, болалмады, алтындан.

Салгъан кюнде бирер къанау сизге джюген,
Ай, билдигиз, гитарамы къадарын.
Айнытмады, джарлы сизни базар – тюкен.
От кюч тюлсюз, хар биреринг бир джалын.

Джерден эсе, Кёк бла игид, этсенг оноу.
Аллай тюлсюз, болгъансыз да сиз суубаш.
Кюбюрледен толуса да хар кенг отоу,
Ай, не келсин, кёк тюйюбдю сизге къаш.

Хар биринги, кече берсин, Ол – Кечиучю.
Сиз мангача, мен да, сизге, устаз тюл.
Сиз айтыу бла, эй, болсамда, мен ичиучю,
Халкъ аузда халкъ джырчыма, тюлме кюл.

08.08.98.

15

Терекни, джууа турад, къачны джангуру.
Палахгъа санамачы
Былай, сен муну.

Къач, ишин, билиб этед, джууад кирлени.
Терекге къыйналма да,
Джазыкъсын мени.

Битимде джорукъ башха, тёзер сууукъгъа.
Терекден сууукъма мен,
Бир ий джууукъгъа.

Чапракъла, агъадыла, джауумда сабыр.
Алагъа къыйналма бош,
Болмаз бир хайыр.

Телинге джарсыма да, къыйнал сен манга.
Сагъышлы чыгъа эсем,
Сени ючюн, танга.

Терекге, джарсыр нёгер, толуду джерде.
Сен адам, ой мен адам,
Сен джарсы менге.

Къачхыгъа, къарай келиб, къара халыма.
Сансызлыкъ бла салма сен
Заран джаныма.

Терекни, кирин джууад, къачны джангуру.
Къой, анга къыйналма да,
Ангыла муну.

Джанымда, сенге ушаш, джашил бир мурат.
Эй, аны, сагъыш джауун
Сарыгъа бургъанд.

Къачхыдан айыр кёзню, меннге болчу сакъ.
Джанымда, ой къаллайды,
Агъыу чапыракъ.

09.09.98.

17

Турнала да,
Не эсе да, къачха кёре, мычылла.
Табигъат да,
Замансызлай табсыз бурду мыйыкъла.

Эркекледе,
Санда кибик, тиши ышан къылыкъда.
Тишиледе,
Санда кибик, эркек ышан акъылда.

Эртденнгиде
Не эсе да,адам къоркъур бир къоркъуу.
Ингиргиде
Ички тойла, эл къыйырдан, болуб дуу.

Дуния къатыш,
Джокъламайды, ит - ийесин, ийе – ит.
Кёбдю сагъыш,
Бола тургъан, бу – барысы, кимникид.

Джууукълада
Адам тёзмез отну джарлыкъ бир зарлыкъ.
Джауларынгда
Кёрюнмейди джаулукъ этер бир пасыкъ.

Турнала да,
Нек къалдыла, къайдадыла, мычылла.
Къыйналама,
Келедиле шайтан шашар бир джылла.

12.09.98.

Не да, иги боллукъду, джарсыма...

18

Джашауну ичинде, излегенме, сени, чырт арымай.
Бешикден да, ийнан, мен талпыйем сени кёрюрге.
Айтыргъа сезим кёб, бюгюн къалырмы айтылмай,
Аллахгъа минг шукур, мен къарайма сени кёзюнге.

Сейирсинме манга, кёзюуде бир сейир къарасам да.
Сен бери бир къара, мен келгенме сеннге, узакъдан.
Кенг ашырма мени, кёзюуде керексиз къабынсам да.
Къыстасанг да кери, чабарыркъма ызгъа джангыдан.

Сюймеклик ангымы бошламазча, алай кюшлегенди.
Бир ариуду эсим, сынаса да джаным бир къоркъунч.
Сезимим дунигъа, алгъындача, керти тюзленнгенди.
Мен, кимингме сени, сен аны Аллахынг бла соруш.

11.09.98.

Сапар, джаннгы назмуларыгъыздан да бир салыгъыз!

Сюймеклик ангымы бошламазча, алай кюшлегенди.
Бир ариуду эсим, сынаса да джаным бир къоркъунч.
Сезимим дунигъа, алгъындача, керти тюзленнгенди.
Мен, кимингме сени, сен аны Аллахынг бла соруш.

Джаратдым... Аллах сюйген адамларыгъыздан айырмасын!

Аланла, бюгюн не кюн болгъанын билемисиз?
Сентябрны 25-де дуньягъа Къарачайны уллу поэти, биринчи барды Сапар Ёзден келгенди.

Сапар, туугъан кюнюнг бла!

Саулукъ-эсенлик кесинге, ахлуларынга, назмуларынга да.

Нартланы санаулары бла къарасакъ - туура ишлер, джазар, джашар заманынгды.

Халкъыбызны, Тилибизни ёлюмсюзлюгюне Сени Сёзюнг къалай джарагъанын барыбыз да ангылайбыз.

"Тауларыбыз тебмесинле,
Къартларыбыз ёлмесинле,
Тургъаныча турсун таш-агъач!".

Халкъыбызгъа этген алгъышларынг, кесинге, адамларынга да джетиб, барыбызын да къууандыра, къууанч бла кёб джаша.

Сапар, туугъан кюнюгюз бла алгъышлайма!!!

«...Джашагъанда неле кердюм, не кергюздюм,
Алай ёзге, эс атмадым бошуна,
МИЙИКЛЕДЕН АТА ДЖУРТХА МАКЪАМ ЮЗДЮМ,
ЁКСЮЗ ТАШНЫ КЪЫСА БИЛДИМ КЪОЙНУМА.
Айтылгъанны, айтырымы эм къысхасы –
Сууаб ишде артха турма, харамлай.
АТА ДЖУРТДУ ХАР ИНСАННЫ ДЖАН ХАЗНАСЫ -
ОЛ СЮЙГЕННИ БОЛМАЙ КЪАЛМАЗ ДЖАНЫ БАЙ... »

Сизнича джаны бай, фахмулу адамларыбыз миллетибизде кёб болсунла! Аллах саулукъ берсин! Джашауугъуз джарыкъ болсун!

Салам!
Сапар, туугъан кюнюнг бла алгъышлайма!
Саулукъ!
Эсенлик!
Тин байлыкъ!
Дин байлыкъ!
Рысхы байлыкъ!
Юйюнге- юйдегинге насыб ,мамырлыкъ!
Сыйлы Аллахыбыз толу юлюш этсин!
Таза джюрекден.

Сапар! Этилген, этиллик алгъышланы кезюнг бла керюб, къулагъын бла эшитиб,къолунг бла тутуб, къуйан!Саулукъ,саулукъ энта талай саулукъ,Ленин аккабыз айтханлай!

Соргъанлагъа кимди деб, Сапар,
Къысхасы бла айтайым хапар:
Сапар ол джюрек бла кёкюрекди,
Назмусу-джыры Джер бла Кёкдю.

Бу сёзлеге къошарыкъма мен
Болгъанын Сапар эркин адам, ёзден.
Джокъду аны бийи, къулу да
Ёзденди ол тукъуму, руху бла.

Хакъгъа къуллукъ этеди шайыр къуру да.
Джангыз Акъ Сёздю аны бийи, къулу да.
Ёзден халкъдан чыгъыб, къул болгъанла да бар.
Ол сыйсыз къауумдан тюлдю Сапар.

Къуллукъ ючюн не байлыкъ ючюн
Къул болмагъанды, сатылмагъанды ол.
Кёзбау джашау ючюн, дуния мал ючюн
Ийманындан, ёзденлигинден чыкъмагъанды ол.

Ма аллай адамды, шайырды Сапар.
Кёб айтыргъа боллукъду аны юсюнден хапар.
Эл оюлгъан, дуния къатышхан сагъатда да
Ёзден бетин, ёзден сёзюн сакълаялгъанды Сапар.

Къар басыб, уюб тургъан табигъатны
Джазгъы джыры бла уятхан эди ол.
Джанкъоз джыры къар тюбюнден чыгъыб,
Джангы джырлагъа ачхан эди джол.

Джигитликге, Ариулукъгъа, Сюймекликге
Чакъыралла джырлары аны.
Адамлыкъгъа, Эркинликге, Ёзденликге
Байракъды Акъ сёзю Сапарны.

Мингди джыры, бирди джыры Сапарны,
Бирди аны сёзю, ауазы хар къайда:
Минги Тауну тенглигинден тартады
Ёзден халкъгъа, ёзден джуртха Орайда.

Соргъанлагъа кимди деб, Сапар,
Къысхасы бла мен айтдым хапар.
Билирге излегенле уа толу ёзданын Сапарны
Назмуларында, джырларында табарыкъла аны.
Тёнгегинде тюл, сёзюндеди шайырны джаны.

Билал Лайпан.

САПАР, салам!

Берекет да алгъышлагъа къошулады, алгъышлыкъ бол дейди. Кеси форумгъа киралмагъанын билдиргенди мени е-майлыма джазыб.

Туугъан кюнюнг бла , Сапар. Берекет бла толсун юйюнг.

ШАТ !

Тууган кюнюнг бла алгышлайма.. Юйюнг юйдегинг тёгерегингле биргелей саулуклу есен хайырлы узун ёмюрле тилейме..

Кергелен эгечим айтханлай;

Багъалыларым, Сизге да - Эсенлик ! Сау болугъуз кирсиз сёзле ючюн! Барынгы да къаты къучакълайма !!!!!!!!!!!!!!!!!!!

Сапар Ёзден.

Турна Аууш.

elya
, Салам !

Эсен болурса, Аллах айтса !

Иги къызча, сёзюм барды, къулакъ бир ий.

Рос. Писателге Билалны подборкасы керекди. Аны бир 40-50 назмусундан 20-30 ну айырсанг керек эди. Листая Страницы деген теманы бек джаратама, андан да талайны айырсакъ, заран болмаз. Самараны издательствосуна.( Конечно, если автор позволит)
Кергелен бла Берекетни къыйнарым келмейди, кеси ишлери да тёпбеден болур, къарасала уа ким огъай дерикди.

Иги иннет бла

Сапар Ёзден.
Турна Аууш.

Цитата
elya пишет: Сапар, джаннгы назмуларыгъыздан да бир салыгъыз!

О хо, форумгъа джараулуланы салырма....

ЭСЕНЛИК !!!

Ахыр джазылгъанладан.....


912

Бу джол, манга, Аллахданды.
Кесимча, болса да, къыйын.
Бу джол анга джаздыргъанды
Джер бла Кёкню джырларын.

Бу джол, манга, Аллахданды.
Болсунчу тайгъакъ, айланчлы.
Алай а, манга, табдыргъанды
Эм башдан, чыммакъ, ангы.

Бу джол, манга, Аллахданды,
Ай, абынсам да, мен кёб.
Алай а, кёкге къычыртханды,
Ал бла ахырды деб Кёк.

Бу джол, манга, Аллахданды.
Барма, эсим Аллахда.
Къызыу от, бузлау да алдады.
Сал да, къабыр да алда.

Бу джол, манга, Аллахданды.
Не да, болсунчу, болсун.
Нем да, къуру да, Сангнгады.
Аллах, Сангады Джолум.

10.03.10.
Турна Аууш.

Sabr, Салам, Билал !
Эсенлик !


Сеннге билдиргенме деб, тургъанма ( Худжу Азия эсни эссиз этгенди да къойгъанды - джумушну тындырмагъан адам сылтаугъа айтылгъан сёз)

Рос. Писательде бир страница бизникиди. Кесинг да сайла, талайын Кергеленнге, Берекетге, Эльвирагъа бир табдыр. ( кёзюуледе башха кёз автор сан этмеген, таша ариу сёзню да кёрюб къояды ) Прекдисловие керек болса, джаздырыр адамларым бардыла. Кесибизникиле джазабыз деселе да огъай тюлме...
Кесинг айтыучулай, узакъ созма бу джумушубузну. Башха, орус тилде джазгъанлагъа да эс бёле тур. Французча джазгъан бар эсе уа, Анга да къарайыкъ. Эсингдемиди, Сантьяго де Малино, бизни семинардан, ол Париждеди. Сашадан меннге тансыкъ болгъанын билдиргенди..

Рахатлыкъ !
Мени сёзюме бир оюмлаш.

Сапар Ёзден. Басханстан. Турна Аууш.

Цитата
ШАТ пишет: Рос. Писательде бир страница бизникиди. Кесинг да сайла, талайын Кергеленнге, Берекетге, Эльвирагъа бир табдыр. ( кёзюуледе башха кёз автор сан этмеген, таша ариу сёзню да кёрюб къояды ) Прекдисловие керек болса, джаздырыр адамларым бардыла. Кесибизникиле джазабыз деселе да огъай тюлме...

Алейкум салам, Сапар!

Ангылатыб бир джаз, сюйсенг былайда, сюйсенг личкама:
1.Рос.Писатель неди (журнал, издательство)? Бир страница къаллай бирди?
2.Орусчагъа кёчюрюлген назмуламы керекдиле, огъесе, подстрочникле (Къаллай бир тизгин? Назмула узун, къысха да боладыла - ала бла кереклиси чакълыны тергеген къыйынды). Подстрочникледен кёчюрлюк кимди?
3.Назмуларымы кесимден иги киши да сайлаяллыкъ болмаз (при всем уважении ко всем). Джангыз, къаллай назмула керекдиле (гражданские, лирические дегенча).
4.Тюзюн айтсам, аллай мадар бар эсе, менден эсе, джаш авторларыбыз басмалансала хайырлы боллукъ эди...

Игиси болсун!

Sabr, Союз Писателейни газети. Форматын кесинг билесе.

Ашыкъмай эсенг, подстрочланы талай джерге иейик да, къайсын джаратсакъ аны салырбыз.. Хазыр затла бар эселе, аны да сюйгенингча этейик.

Джаш тёлюге да, мадаргъа кёре нек къарамайбыз, къарайыкъ. Ким огъай дейди, кеслери талпыу этселе...


Саламыбыз Бирге !