Мусса, Салам !

Эсен болурса, Аллах айтса !


Мен да игиме - Къач келгенди таулагъа...
Эсим джолдады, сора, Шукур Джашаугъа !

Ата Джурт эсинге тюшер деб, Мусса
886
Эй, бюгюн да, кёл излей, ёрледим таугъа.
Тёзалмай, шахар ичде,
Сёзге – дауургъа.
Мында уа, рахат дуния, бир шошду мийик.
Мында уа башха тюрлюд,
Кёкге, сюймеклик.
Айталмазча, тил джетиб, бир шошду хауа.
Тёпбеге джулдуз къонуб,
Къайда да, таугъа.
Айны уа, ой къойда – къой, нюрлюдю сыфат.
Арымайын, талмайайын,
Джанады чыракъ.
Ой мен да бир бек зауукъ, джарыкъды эсим.
Таулагъа алгъыш айта,
Турама, кесим.
Тюбюмде айгъыр шахар, ол тюлдю къолай.
Башда уа, кёкбет кёкде,
Джулдузла бла ай.
Ачыкъды, хар тау башы, ачыкъды, хар къол.
Башымда - ёмюр шошлукъ,
Табанда да, ол.
22.12.09.

Салам алейкум, Сапар.

Тейри, тансыкъ болгъанма санга, алан, тюзюн айтсам. Бирсюкюн ингирде былайда назмуларынга кириб, къысылыб тургъанем, джукъ айтмай. Аны сезиб къозгъалгъан болурмуса сенда.

Джырчыланы юсюнден а, сокъураныб турама джазгъаныма. Аман иги айтхан эсемда уллу хайыр кёрмейме. Бери кириб, не «хо», не «огъай» деген киши джокъду. Кишиге джукъ керек болмай къалгъанды. Не хайыр, арада сёз джюрюмесе, сагъыш сагъышланмаса? Бир бирледе Кюнда, Джашауда, мырды сууча тохтаб къалгъанга ушайды, ийис эте.

Алай болса да мыдахлыкъгъа айланыб турмайма. Менда къарачайлыма. Бизни хаманда джарыкъ кёллю къарачай-малкъар халкъыбыз, не къыйын заманда да оюндан, джырдан, кюлкуден артха турмагъанды. Къазахстанда да къаллай уллу тойла этиб тургъандыла, неге да къарамай.
Халкъыбызны аллай халиси кёб джерде болушханды.
Не да болсун, Аллахгъа шукур, халкъыбызны тюрсюню, джарыкъ ышара тургъан адамны тюрсюнючады.



Эсен бол, Мусса !

Керекли джерде, керекли сёзню, айта билесе.
Кергеленни да, Билалны да, Тинибекни да унутмагъанма..

885
Эсеннге.
Мен кимме, къысха джууаб:
Былай этген кёк.
Этгенме, бир кёб сууаб,
Гюнах да бир кёб.
Ёхтемге ёхтем баргъан.
Джаннган кесинден.
Неден да юлюш алгъан,
Къарчалыма мен.
Башха халкъдан нем аман.
Бир кёбдю шох – тенг.
Тутама бычакъ – къалам,
Къарчалыма мен.
Башыма бир бош инсан,
Келген теренден.
Ханладан ханлыкъ алгъан,
Къарчалыма мен.
Мийикгден эси къаннган,
Тоюннган эсден.
Ёргеден билим алгъан,
Къарчалыма мен.
Бир джукъ да тилемейме,
Къулдан, не бийден.
Турайым былай, - дейме,
Къарчалыма мен.
Дуниямы сабыр тинтиб,
Къара, джер – джерден.
Кесими кесим билиб,
Къарчалыма мен.
18.12.09. Орта къарачай. Джёгетей.

ШАТ, )сау болугуз..

Салам, Сапар!

Толу биографиянг керекди. "Ата-ана, эгеч-къарнаш - быллай юйдегиде ёсгенме. Спорт бла бу джыллада кюрешгенме - джетишимлерим быладыла. Джыр джазыб, джырлаб бу джыллада башлагъанма. Бу инстиутуну бу джыл бошагъанма. Ошанин, башхала мени юсчмден былай джазгъандыла. Журналлада, китаблада, газетледе быллай публикацияларым болгъандыла. Бу джылдан Эресени джазыучу Союзундама. ЭС китабым 2012 джыл чыкъгъанды. Бусагъатда былайда джашайма. Быллай китаб джаза турама". Былайыракъ.

"Эс" китабынг медалгъа нек тыйыншлы болгъанын кёргюзтюб, бир литературовед джазаргъа керекди. Анга кесинг сагъыш эт, зауаллы Фатима кетгенден сора, мен базыб айталлыкъ адам джокъду. Абдуллахны Тырнауузда хапары барды, сёлешиб кёр. Ансы аламат китабынг чыкъгъанлыкъгъа, аны юсюнден киши джукъ джазмаса, бир джерде бир джукъ басмаланмаса - китаб чыкъмагъанча болуб турлукъду. Иш анда да тюлдю, китабны юсюнден бир рецензия керек болады

Бу затла этилиб, Кърымшамхал атлы саугъаны-медалны алсанг, ызы бла КЧР-ни Башчысыны ёчюне баргъан тынч боллукъду.
Биографиянг бла ол рецензия болса - къалгъан бла мен кесим кюреше барырма. Бу иш созулса, башхаланы къабыл этиб къойсала - тюрлендирген къыйын боллукъду.

Барын да кесинг менден да иги билесе, джангыдан айтханым - заманны оздуруб иймейик дегенликденди.
Сау-эсен кёрюшейик.

P.S.
Ол орус шохларынгдан, назмуларынгы орус тилге кёчюргенледен бири, джазалмазмы сени, китабынгы юсюнден да?

Узденов, салам! Ну . и что там у нас следующим номером идет в нашей программе? Весь во внимании.

Sabr, Салам !

Эсен болурса, Аллах айтса !

Бир затла джазыб ийгенме, алыр- къошар джерлени, таблыгъына кёре этерсе.

xxxxxx, Мир Тебе !

Цитата
xxxxxx пишет: Узденов, салам! Ну . и что там у нас следующим номером идет в нашей программе? Весь во внимании.

Ты готов, откроем отдельную тему для тебя. Давай...

Берекет къарнашыма САЛАМ !
Эсен болурса, Аллах айтса !
Бу джаны да аман тюлдю... Черек районну главасы 100 ден артыкъ китабны джумушун, кирсиз - ариу тындыргъанды.....
Шукур Кёкге, хар не орнуна келе башлады..

Эсен бол, КЪАРНАШ, хар кюнде джазыб турмагъанлыгъыма, эсимдесе. Къаллай игилик этгенинги сен кесинг да ангыламай тураса.

Ай сау бол, ЭС китабынг ючюн!
Аллах айтса, мындан ары да, поэзия джумушда, сени бетинги уялтмам.



480 – 315

Джелде бир толуду таша сёз.
Толуду аман бла ашхы.
Муну, эслесе уа, джити кёз,
Джелге узалады ангы.

Бурады ары да, бери да.
Тутады джыргъа бирлерин.
Сора, джарыйды бети да,
Кёреди да джан, кёрмезин.

Ай, сора, эслемей, кеси да,
Кетеди ёрге бир узакъ.
Анда уа, кюндюз, кечеги да,
Эсинг, агъарырча, бир акъ.

Муну, эслесе уа, джити кёз,
Джырын себелейди акъгъа.
Бирде ма алайды адам сёз,
Джанны тюбетед Аллахгъа.

16.02.06.
Турна Аууш.
Сапар Ёзден.

Мусса, муну да эсле :

498 – 333

Джети кюнде, джети айтым, джети кёкге.
Бир кёрейим, назму тилде, кючюмю.
Сагъышым бла мен кирейим къара кёрге.
Айгъакълайым терсин тюзюн тюнюмю.

Сагъышым бла мен кирейим къара кёрге.
Къушда кёз бла акъсыл таугъа къарайым.
Бирсилеча, налат бермей къаргъа сёзге,
Макъам этиб, мен, эсиме, тагъайым.

Бирсилеча, налат бермей къаргъа сёзге,
От тилни да, исси эсин, тинтейим.
Къарт къарам бла кирейим да сабий кёзге,
Кёзчюкледе къуран ышыкъ излейим.

Къарт къарам бла кирейим да сабий кёзге,
Бир кёрейим, сабийликни, бир кюнюн.
Алгъындача, джатайым да ханс кюуюзге
Санны кибик бир къыздырсын джанны кюн.

Алгъындача, джатайым да ханс кюуюзге,
Айгъакълайым, терсин - тюзюн тюнюмю.
Сый берейим кёк башына эм джер юсге,
Джети къатын, кёрюр ючюн, кёгюмю.

07.03.06.
Турна Аууш.

Сапар-джан, салам! Я весь во внимании, на связи.

Итак, Александр Александрович Блок(1880-1921). Уже на червонец я пережил великого поэта.

О.К.

Что-то сейчас вспомнилось другое:
"Можно и не быть поэтом,
Но нельзя терпеть,пойми,
- как кричит полоска света,
Прищемленная дверьми".
А.А.Вознесенский ( где-то 1979 год)

Игорь, у меня интер моросит...
Сейчас, кого нибудь, ппрошу открыть тему для тебя.

Кергелен, эгечден туугъан, Эсенлик излейме Сеннге эмда Сени джууукъ- тенгинге !
Джангы теманы бир таб ачыучан эдим, открыть новую тему деген графаны табмайма.
Игорьгъа, Слово от Игоря де да, бир тема бир ач, эркинлик бар эсе.
Къаты къучакълайма !!!!!!!!!!!!!!!!!!
Саламыбыз Бирге !

САЛАМ ! МИР ВАШИМ ДОМАМ И ВАШИМ ДЕТЯМ!

Начать сегодня захотелось вот о чем. Книжка куда-то запропастилась, поэтому цитирую по памяти6

Александр Межиров
"Поэзия темна.."
И.Бунин
* * *
Эта истина слишком стара.
С ней давно примириться пора
- человек никогда не прощает
Причиненного кем-то добра.
Потому, что добро унижает.
В мире зло велико. И добро велико.
Зло, как это ни странно,
прощают довольно легко.
............................................
Я тебе подарил только звук.
Только собственный звук незаемный.
Только сущность поэзии темной.
И за это любезный мой друг
На меня ты обрушился вдруг
В этой стойке крутой и погромной..
Так случилось, дружок, не беда.
Я прощаю тебя навсегда...
Ты меня не простишь никогда.
где-то 70-е годы
Продолжение следует после перекура.

Сапар, салам!

Джазгъанынгы окъугъанма да, ачыкъ джууаб этерге излейме.

Чокуна афенди Къарачайны бек онглу адамларынданды. Анга бир сёз айталлыкъ адам джокъду.
Бушай да кёргени, билгичлиги болгъан амма болгъанды, Вангача.

Джаттайны да, Бушайны да алгъаракълада огъуна дем.организация "Джамагъат"(Кечерукъланы Азрет, Лайпанланы Н-Магомет) кюрешиб, кърал джаны бла толу реабилитация этдиргендиле.

Чокуна афендиге, Бушайгъа, Джаттайггъа джууукълукълары болгъан, алагъа ушагъан адамла кёб джашасынла.

499 – 334
Келгенликге, джашау ичге, тюз нюзюрде.
Иги ишле, аз кёрлюксе, сен мунда.
Изле насыб тюш башында, тюн тюбюнде,
Насыб бошду, чибин къонмаз къолунга.
Келгенликге, джашау ичге, тюз нюзюрде.
Ийнан, Тейри, ашыгъырса, кетерге.
Тиши къауум джашайдыла къахме тюнде,
Эркек джыйын, некях этиб, бир – бирге.
08.03.06.
Басханстан.

500 – 335
Сиз, ойнагъыз – кюлюгюз,
Кетген кюн къайтмаз.
Манга уа - намаз кюйюз,
Сакълайды намаз.
Сиз, джырлагъыз - ичигиз
Унутмай адет.
Ой, хаман, тюбешигиз
Къаралмайын бет.
Бир – бирге, учунмагъыз,
Къозгъаб бир дауну.
Сиз, шауну унутмагъыз,
Алгъышлай сауну.
Ташны силдеу, тау тутуш,
Сынау къарыуну.
Ичкен – безиген джумуш,
Эскиденди - бу.
Къайсынг да алгъа баргъан.
Эй, мен а, бир къарт.
Шыбырдай мынчакъ тартхан,
Сакълагъан ахрат.
Сизники - къазан джылыу.
Меники башха.
Ташлай эс, намаз къылыу,
Учуу Аллахгъа.
10.03.06.

Бек къызгъан да, бек сууукъ да хайырсызды.
Джаншакъдан да, тилсизден да джокъ файда.
Чынг башы да, чынг тюбю да джарыкъсызды.
Джылау – джырлау, джашау зауукъ - арада.


















01

Сейир таулагъа, сейир таулугъа
Ачыкъ, кирсизди сагъышым
Аны кёргенлей джандет тартыугъа
Кёмюлюб башлайд акъылым.

Къудрети кёбден къудретни табхын.
Махтауу кёбден таб махтау.
Эй бошалмайын бу халал къабхынг
Минги тауунглай тур къадау.

Сейир таулада, сен - сейир ахлум
Кёзюнг кёрмесин муртатлыкъ.
Минг ёлюм кёрген темирджан таулум,
Сен сынамагъын тутмакълыкъ.

29.07.98.

02

Джел ичинде чачынг байракъ, ма бараса.
Ийилелле, терек башла, аллынга.
Арийлукъдан, эртден кюнлей от джанаса.
Баргъанынг а – от ичинден джалыннга.

Эринги да, сен къыстадынг, шахар таба.
Бала- чакъа, эй ол сагъыш джокъ сенде.
Сен джашайса хар эркекге къучакъ джая.
Айланаса, къууанч эте, джер – джерде.

Кесекден а, сынарыкъса ыйлыкъ тюнню,
Джете башлаб, къабырынгы къатына.
Алайда уа, сен сынарса, Аллах кючню,
Сингиб бара къара Отну къарнына.

29.07.98.

03

Эслемейсе, сен джокъса да, бир мыдахма.
Арыгъанма, сакълай – сакълай мен сени.
О къул тюнюм, ёзден джанны, ай джылатма.
Аркъан учха, бир ийдиртме, сен эсни.

Сеннге айтыр бир кёб сёзюм худжу къала.
Ызларгъа да, табалмайма ызынгы.
Джырчы кюнюм кетиб барад бир бек къара.
Сары этдинг, джашиллигин, джырымы.

Ариуладан маджал кёрдюм. Не- онгмадым.
Налат бердим, этдинг мени джелимсиз.
Къууанчынга сен мени да бир къошмадынг.
Ёлгенде да, къошармыса, - белгисиз.

Аджырауну джалан бетин, сен, терк ачма.
Бек сюйгеннге, болма, былай – хатерсиз.
Джокъла дейме, сезимимден кери къачма.
Джазыу чотха, бир бош болдунг, хатерсиз.

30.07.98.

04

Ёлюмгеди сан.
Ёмюргеди джан.
Терен къара, бу айтылгъан кертиди.
Тамашады джан,
Таба билед сан.
Джан, барлыкъны, ёзегини, кесиди.

Тамашады джан,
Таба билед сан.
Бу затлагъа джыл чакълары белгиди.
Ёлюм да болсун.
Джашау да онгсун.
Акъылманнга, хар болгъан зат игиди.

Ёлюм да болсун.
Джашау да онгсун.
Ойлаш дейме, сен быланы кесисе.
Къайры да урун,
Бериди джолунг,
Джол тогъайды, кетгенинге келирсе.

01.08.98. Орта Къарачай.

Поздравляю, Поэта с заслуженной пенсией. (Могли бы дать и больше...народному поэту).Их что..100 человек? Видишь, Мусаич, Аллах не забывает своих верных детей.То ли еще будет! Подождем!

ШАТ, 03 !!! бек джаратдым

elya,
Салам !


Эсен болурса, Аллах айтса деб, ышанама. Бир эки китаблыкъны ( кёбюрек ) джазыб бошагъанма. Сеннге да ашырыргъа деб турама.
Тырныаузда кюн ариуду, керти огъурлу къачхы кюн. Бусагъатдан, былай ары таулагъа чыгъаргъа деб турама. Тау башындагъы чегетлени чапракълары саргъала башлагъандыла....
Эсенлик !!!!!!!!!!!!!!!!



07

Джайгъыдан хапар айта,
Ашырдынг тангны.
Алай а, сагъынмадынг
Бир джугъун къарны.

Къышхы да джашау эсе,
Бош этдинг алай.
Аны да джаны барды,
Ариуду джайлай.

Кесингден хапар айта,
Ашырдынг тангны.
Мени бир къошалмадынг,
Чыртдан да, ары.

Ой, мен да, адам эсем,
Бош этдинг алай.
Эй, мен да, хар кимчама,
Бир – джарлы, бир – бай.

Кесинги мийик тутуб.
Къалгъанла – тёбен.
Къарынданса, бил, аны.
Тюлсе сен кёкден.

Экибиз да бирчабыз.
Башхалыкъ – сыфат.
Сеннге да, меннгечады,
Джандет – ахырат.

Джайгъыдан хапар айта,
Къышны да сагъын.
Сен, отну, сюе эсенг,
Сюйе бил джалын.

Кесингден хапар айта,
Унутма мени.
Ышыкъны сюйе эсенг,
Сюйе бил джелни.

19.08.98. Орта Къарачай.

Алтычы назмуну, къарачайча терс ангыланныкъ эди да, аны бла салмагъанма.