Расширенный поиск
24 Октября  2017 года
Логин: Регистрация
Пароль: Забыли пароль?
  • Аманны эки битли тону болур, бирин сеннге кийдирир, бирин кеси киер.
  • Сабий болмагъан джерде, мёлек болмаз.
  • Эл ауузу – элек, анга ийнаннган – халек.
  • Аз сёлеш, кёб ишле.
  • Эл ауузу – элия.
  • Бет бетге къараса, бет да джерге къарар.
  • Ашлыкъны арба юйге келтирир, чана базаргъа элтир.
  • Чакъырылмагъан къонакъ – орунсуз.
  • Сёз къанатсыз учар.
  • Ашхы тенг джолгъа салыр, аман тенг джолдан тайдырыр.
  • Ач, тоймам, дейди, тойгъан, ач болмам, дейди.
  • Чарсда алчыны эл кёреди.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Ачылгъан эт джабылыр, кёрген кёз унутмаз.
  • Эл бла кёргенинг эрелей.
  • Тилчи тилден къаныкъмаз.
  • Ач къарным, тынч къулагъым.
  • Джаханимни кёрмей, джандетге кёл салмазса.
  • Байлыкъ тауусулур, билим тауусулмаз.
  • Джашны джигитлиги сорулур, къызны джигерлиги сорулур.
  • Рысхы – сют юсюнде кёмюк кибикди.
  • Къаллай салам берсенг, аллай джууаб алырса.
  • Насыб бютеу халкъны юлюшюдю.
  • Ата – билек, ана – джюрек!
  • Татлы сёз – балдан татлы.
  • Кийимни бир кюнню аясанг, минг кюннге джарар.
  • Иги адамны бир сёзю эки болмаз.
  • Аманны къуугъан, аманлыкъ табар.
  • Чакъырылмагъан къонакъ тёрге атламаз.
  • Ушамагъан – джукъмаз.
  • Ишленмеген джаш – джюгенсиз ат, ишленмеген къыз – тузсуз хант.
  • Билимден уллу байлыкъ джокъду.
  • Ана къойну – балагъа джандет.
  • Къанны къан бла джуума, аманны аман бла къуума.
  • Джюз элде джюз ёгюзюм болгъандан эсе, джюз джууугъум болсун.
  • Телиге от эт десенг, юйюнге от салыр.
  • Къайтырыкъ эшигинги, къаты уруб чыкъма.
  • Дженгил джетерикме деб, узун джолну къоюб, къысхасын барма.
  • Намыс болмагъан джерде, насыб болмаз.
  • Бек ашыкъгъан меннге джетсин, дегенди аракъы.
  • Байны оноуу, джарлыгъа джарамаз.
  • Къарнынг къанлынга кийирир.
  • Къолу уллу – асыу, аягъы уллу – джарсыу.
  • Нёгер болсанг, тенг бол, тенг болмасанг, кенг бол.
  • Ариу сёз аурууунгу алыр.
  • Ач – эснер, ат – кишнер.
  • Кимни – тили, тиши онглу, кимни – къолу, иши онглу.
  • Адеб этмеген, адеб кёрмез.
  • Тик ёргени, тик энгишгеси да болады.
  • Джауумдан сора, кюн кюйдюрюр, ётюрюкден сора, айыб кюйдюрюр.

Пожалуйста, авторизуйтесь

Для просмотра темы введите ваши логин и пароль.

Логин:
Пароль:

Забыли свой пароль?

Зарегистрироваться
Если вы впервые на сайте, заполните, пожалуйста, регистрационную форму.