ИНЖИ БЮРТЮКЛЕ

ИНЖИ БЮРТЮКЛЕ

elbars 24.03.2019 17:28:16
Сообщений: 2237
ИНЖИ БЮРТЮКЛЕ
ФАРС ХАЛКЪ БЛА АНЫ НАЗМУЧУЛАРЫ АЙТХАН АКЪЫЛ (УЧУКЪ) СЁЗЛЕ

Хурметли окъуучу, бу акъыл-учукъ сёзлени окъуп башлардан алгъа, санга бир-эки сёз айтыргъа сюеме. Бу китап – китапла китабыды, кёп айтхылыкъ чыгъармаланы инжи бюртюклеринден тизилген тамаша боюнчакъ. Аны жазгъанла – битеу адам улусуна белгили, фарс тилли шайырла, акъылманладыла – таматалары Рудаки IX-чу, кичилери Бахар а – XX-чы ёмюрде жашагъан. Айтхылкъ шайырла бла бирге, мында белгисиз акъылманланы къачан эсе да бирде айтхан акъыл сёзлери да бардыла. Ёмюрден ёмюрге, аууздан ауузгъа ёте, халкъ аланы бюгюннге дери, сыйлы кёрюп, сакълагъанды. Кесигиз билгенликден, акъыл-учукъ сёзлени бири да – нарт сёзлени да алагъа къошуп – не салым[1], не таза ахыр хакъ тюйюлдю. Кече кюнню ёнгюча[2], хар нени да эки бети-жаны. Бир бир акъыл сёзлени оюмлары, кёз къарамлары уа бизни бюгюннгю ангылауубузгъа чюйре окъуна келеди. Алай анга сейир этерге керек болмаз – андан бери, не азындан, XII ёмюр озгъанды. Алайды да, багъалы окъуучу, китапны ачханса, аны ахырына дери окъуп чыкъсанг, санга саугъа, манга уа насып болур деп умут этеме.

Ёлмезланы Мурадин


[1] Салым – тёре, закон.
[2] Ёнг – затны башха жаны, оборотная сторона.
Изменено: elbars - 24.03.2019 17:29:15

Ответы

elbars 18.04.2019 17:18:25
Сообщений: 2237
*
Сен сормагъын иги
Билгенинги, сынап.
Эссиз тенгим, ушап
Къалырса телиге.
(Саади)

*
Акъыл бла насып – эки тууай[1].
Акъыл жокъда – насып да жокъ, угъай.
(Саади)

*
Жарау этдиргеним талып,
Жаяу болсун – атда,
Мени илишаннга алып
Тохтай эди артда.
(Саади)

*
Атасындан байлыкъ умут этеди,
Улан, иги аты бла бирге.
Байлыкъ – айлыкъды, бил, эрип кетеди,
Акъыл къалады кетмей ёмюрге.
(Саади)

*
Окъуй кетип, уллу билим алдынг.
Багъасына дунья мюлкю да – аз.
Табылгъаныча тас болур алтын,
Билим а урланмаз, не тас болмаз.
(Саади)




[1] Тууай - близнец
elbars 19.04.2019 17:50:37
Сообщений: 2237
*
Сыйлы жерге эшек да жол
Баргъанды, хау, тёзюп жюкге.
Алай ары жетгенликге
Эшек кепде къалгъанды ол.
(Саади)

*
Жукъ айтырыгъы
Къалдымы телини?
Сёз жумдуругъу
Алдымы телини?
(Саади)


*
Сен не ахшы акъыл келсе да эсинге,
Ашыкъма да, сабырлыкъны сайла,
Аны ызы бла келлик акъыл-ойла
Мажал а болмазламы де да кесинге.
(Амир Хосров)

*
Бурлукъду сокъурлукъ,
Кирге тюртеди ол.
Окъуу – жарып турлукъ
Чыракъ, барырча жол.
(Аухададдин Аухади)
elbars 20.04.2019 18:55:40
Сообщений: 2237
*
Акъыл жолу узунду бек:
Башдан энип къолларынга,
Андан а аякъларынга
Жетер ючюн заман керек.
(Джами)

*
Къарангыны жарыкъ этген
Устаз дерс бермесе, окъумаса сохта,
Андан да кёп болур эди жерде нохта,
Кишен, иер да жюрютген.
(Джами)

*
Аз къыйналмагъанса ансы,
Сен уллу билим алгъанса.
Къыйынынг тюйюлдю тас:
Сен хазна къоллу болгъанса.
(Бинои)

*
Къарачы бир суху суугъа:
Ол ыз таудан тюзге салады.
Бирде акъыл ханнга угъай,
Сабанчыгъа келип къалады.
(Алишах Самарканди)

*
Къартла барысы да, бил,
Акъылман, закий тюйюл.
elbars 21.04.2019 23:21:44
Сообщений: 2237
*
Сен кимден да къарыулу,
Болургъа сюесе.
Эшта, акъылынг уллу,
Болмазын билесе.

*
Закий, уллу болур ючюн
Улан кёл салыргъа керекди.
Жандауулу болур ючюн
Жюрек къыйналыргъа керекди.

*
Телилик деген къыйын аурууду, хау.
Аллайны эталмайды хаким да сау.

*
Бурлукъ, къарангылыкъ да – тюш.
Билим а – жарыкъдан юлюш.

elbars 22.04.2019 21:20:36
Сообщений: 2237
Vl . СЁЗ

*
Айтылгъан сёзде –
Бал да, туз да.
Къарагъан кёзде –
От да, буз да.
(Абу Шукур)

*
Лал[1] кибик сёзюнг да болмасын мууал.
Лал – женгил, алай а багъалыды лал.
(Абу Шукур)

*
Къой, ууу болгъан сёз айтма:
Кёз чыгъар, тёз, айтма.
(Абу Шукур)

*
Сёзню сыйлагъыз, жерибиз – кёрде.
Сёзден сора жукъ къалмайды жерде.
(Фирдоуси)

*
Къылыкъсыз сёзюн тыя билген
Къоркъмайды орам сёзден, тилден.
(Фирдоуси)




[1] Лал (фарс.) - накъут
elbars 23.04.2019 20:17:04
Сообщений: 2237
*
Тюйюлсе да гыбыр –
Жаншама бош.
Сен тынгыла сабыр,
Жауап бер шош.
(Фирдоуси)

*
Лал эсе да аузунгдан чыкъгъан сёз, бил:
Эс, акъыл сайда, лалынг багъа тюйюл.
(Фирдоуси)

*
Хората сёзде, жюксюз сёзде бютюн да
От, жылыу да жокъ, ёресине тютюндю.
(Фирдоуси)

*
Бирде кёпню кёрген чалбаш келям
Эте эди жаш-къуш сохталагъа:
«Сакъ болугъуз сёлешгенде, баям,
Къабыргъаны да барды къулагъы.
(Фирдоуси)

*
Къамадан, къылычдан да кючлюдю къалам.
Аладан жюз кере акъыллы да – баям.
(Фирдоуси)
elbars 24.04.2019 20:07:14
Сообщений: 2237
*
Жыр тууар ючюн жюрек,
Эшта, аурургъа керек.
(Унсури)

*
Къулакъ эшитгеннге ийнанма да,
Кёз кёргеннге ийнан.
Кёлсюз къарындашха таянма да,
Керти тенге таян.
(Гургуни)
*
Сенга тюрт-мюрт этмезлерин сюе эсенг,
Былхымсызла сёлешмегин кесинг.
(«Кабус-наме»)
*
Сёз тилингден учду эсе,
Къайда къонар? Билген – кеси.
(Асади Туси)
*
Жаз атма сабаннга
Къачда ормазынгы.
Тюрт этме адамгъа:
Излер онгмазынгы.
(Насир Хосров)
elbars 25.04.2019 18:47:09
Сообщений: 2237
*
Юйренмеген атха иер
Салып, минесе сен.
Сёзге алай бир минчи, эр,
Кишиме дей эсенг.
(Насир Хосров)

*
Акъылман биледи этерин,
Кёл салып, алтын жыя.
Сёзлени алтын юзмезлерин,
Жюреги бла элей, тыя.
(Насир Хосров)

*
Жалан да сёлешсе адам,
Ачыкъ болады багъасы.
Башхамыды ауанадан,
Турса тынгылауну басып?
(Насир Хосров)

*
Хау, сёз бизге – къууанч, насып да.
Хау, сёз таза, хилтерча[1] кир.
Кёрюрсе хайыры асып да,
Кёрюрсе хатасы ,басып да. –
Игилиги амалыгъыча бир.
(Насир Хосров)




[1] Хылтер – багуш, сор, мусор.
Изменено: elbars - 25.04.2019 18:49:26
elbars 26.04.2019 23:37:48
Сообщений: 2237
*
Жукъ сормай эселе,
Тилсиз болгъан иги.
Чакъырмай эселе,
Акъсакъ болгъан иги.
(Масуд Сад Салман)

*
Тюз адам болурса, кюзгюден юйрен да –
Кёрмегенинги къатлама сен да.
(Низами)

*
Чалдишге къайтып кирмез
Чыпчыкъчыкъ, къачхан эсе.
Сыр тасханг къайтып келмез
Тилингден учхан эсе.
(Саади)

*
Кюйюк, кёзбау адам ариу
Тиллиди, бил, таны.
Балгъа къошуп берелле уу,
Унутма сен аны.
(Саади)

*
Сакъалы, башы да акъ,
Дайым къууатлы
Акъылман бла ушакъ,
Шербетден татлы.
(Саади)
elbars 27.04.2019 23:03:41
Сообщений: 2237
*
Эрди дейбиз мардасы баргъа.
Бир тохтамай жаз да, къыш да,
Мыстысыз-тузсуз жармаларгъа
Бек устады тутуйкъуш да.
(Саади)

*
Терсди, иш бара эсе,
Насихат къургъан,
Дайым тюз этип кесин,
Бездирип тургъан.
(Саади)

*
Илипиннге жетгенди бир сокъур,
Анга къарап, мыйыкъ бураса сен а.
Намысынгы, – ол бар эсе, – халынг бокъур,
Жаннган отха ата тураса сен а.
(Саади)

*
Сыйлыса, баш! Тилинг – къорунг, алай
Ол бир бирде былай этеди:
Озады жолукъгъанларын талай,
Таягъ а, – ол санга жетеди.
(Саади)
elbars 29.04.2019 00:11:19
Сообщений: 2237
*
Саламча къабынып, артда ажым этген
Кишиле кёре келгенме, хау, алай,
Сабырлыкъ этип, артда ажым этген –
Аллайгъа тюбемегенме мен, угъай.
(Амир Хосров)

*
Шатык болса да айтханы,
Жамауатны сагъайтханы, –
Сёзюн махтай, сен не да де, –
Омакълыгъы – тюзлюгюнде.
(Джами)

*
Сёз бере, сыйын антха.
Ол – тёре, жол жокъ артха.
(Джами)

*
Башха палах сёзден жетеди,
Жюрегинге – кёзден жетеди.
(Джами)

*
Узун сёзлю дауурбасха тынгыласын,
Айтырымы кёлкъалдысыз ангыласын.
(Джами)
elbars 29.04.2019 17:24:18
Сообщений: 2237
*
Жюрегинг таза эсе,
Не да, беккяхынча, кир.
Келямынг аны кеси,
Бош, эслемей сездирир.
(Джами)

*
Жюз кере да жютю –
Къайтарама дагъы –
Бичакъны аузундан
Ауузну бичагъы.
(Хилоли)

*
Жалан да сёз аны ачыкъ,
Баям, туура этеди:
Ичинг кюнлюдю, не да –
Сууукъ кирши, балчыкъ.
(Хилоли)

*
Да аузун тели тыйып турсун,
Серлигин билдирмей дуньягъа.
Къоз – къуру эсе да, эс бурсун
Ким да: жарылгъынчы ол – багъа.
(Бедиль)
elbars 30.04.2019 20:16:03
Сообщений: 2237
*
Къылыч женинге
Жара салады,
Сёз жюрегинге
Жара салады.
(Мактаби)

*
Хакъ сёз, керти сёз
Ауур кёрюнеди.
Амалынг неди? –
Эрсе да, тёз!
(Каани)


*
Ачы сёз жаулукъ туудурур,
Жаулугъ а, – ол къан жуудурур.


*
Жюз сёзге жангыз фикир сыйындыргъан,
Кемсе акъылдан.
Бир сёзге шо жюз фикир сыйындыргъан, –
Сенсе акъылман.


*
Сёз берип артда уа сёзюнге ёлген,
Сен сатхычса, бек сыйсызса сен.
elbars 01.05.2019 23:47:23
Сообщений: 2237
*
Бал татлы эринледен
Тёгюлген ачы сёзле –
Шинжиле, ташла, бизле
Тиймей, хош жаша эсен.

*
Тилибиз – жютю къылыч,
Жокъ аны къыны.
Сакъ жюрютмеген эрни
Тёгюлюр къаны.

*
Кюрешип, къама бла къылыч
Этмегенни сёз къурайды тынч.

*
Тилинг къызгъанч, сёзюнг да аз
Киши эсенг – башынг таймаз.

*
Къарт бла ушакъ этсенг,
Акъыллы болурса,
Ит бла ушакъ этсенг,
Ит къылыкъ алырса.
Изменено: elbars - 01.05.2019 23:48:40
elbars 02.05.2019 20:20:36
Сообщений: 2237

1 0

V . ШУЁХЛУКЪ БЛА КЪАЖАУЛУКЪ

*
Жарсып, багъа эсенг да жиляннга,
Не сени халаллыгъынг анга.
Харам тенгинг а жиляндан аманды,
Ол, тап тюшсе, палах этер санга.
(Рудаки)

*
Балны да сен уугъа сана,
Жауунг бере эсе аны.
(Абу Шукур)

*
Дослугъунгдан хайыр кёреме деп,
Санга шуёх болгъан жашдан сакъ бол.
Жангыз къоюп кетер жетген кюнде,
Тенгинг угъай, къанлы жауунгду ол.
(Абу Шукур)

*
Жангы тенгинг сатханды деп,
Сен бош сейир этесе ансы
Аны бла, жаугъа тюбеп,
Сен кёп кереми къутулгъанса?
(Абу Шукур)
Сэстренка 02.05.2019 21:53:16
Сообщений: 9927
Цитата
elbars пишет:
*
Жарсып, багъа эсенг да жиляннга,
Не сени халаллыгъынг анга.
Харам тенгинг а жиляндан аманды,
Ол, тап тюшсе, палах этер санга.
(Рудаки)
:sorry:

Я самая классная на форуме))))))))))))))
elbars 03.05.2019 21:12:54
Сообщений: 2237
*
Тенгинги къарангылыгъыды жау.
Жокъ шуёхлукъгъа андан уллу сынау.
(Дакики)

*
Эки тенг даулашхан заманда
Мидир[1] да артыкъды анда.
(Фирдоуси)

*
Аманны иши къайда да – бир.
Атынга аны бла къондурма кир.
(Фирдоуси)

*
Жауунгу шуёх этген къыйынды, хау.
Шуёхунг а тынч болады жау.
(«Кабус-наме»)

*
Иши бла угъай,
Сёзю бла тенгни
Ашыр да къой, алай
Жюрюй берсин кенгни.
(Асади Туси)




[1] Мидир – посредник, примиритель
Изменено: elbars - 03.05.2019 21:15:02
elbars 04.05.2019 23:10:32
Сообщений: 2237

*
Тенгинг айтхан ачы
Сёзню, тартынмай, ал.
Аны тышы ачы,
Ичи уа, досум – бал.
(Насир Хосров)

*
Тенги урушханда,
Эсли тенг тынгылар.
От, уу да жокъ анда,
Анда ачы бал бар.
(Насир Хосров)

*
«Гитчеди, къарыусузду, кёр,
Жауум!» – деп къууаннган,
Жилтин – гитче, алай а жер
Аз кюймеди андан.
(Насир Хосров)

*
Иги бла болурса сен иги,
Аман бла – аман болурса.
Жигит бла болурса сен жигит,
Асыл бла – адам болурса.
(Насир Хосров)
elbars 05.05.2019 17:47:20
Сообщений: 2237

1 0

*
Жангы шуёхунга эслеп къара –
Ол болмасын не зар, не учхара.
(Насир Хосров)

*
Дослукъда хар не, хар зат уллу,
Дайым магъана, къыймат уллу.
Бетибиз – намысыбыз анда,
Ол кёзбау болмаз бир заманда.
(Насир Хосров)

*
Болма тенгинге артыкъ къаты,
Барды юзюлюп къалыр заты.
(Насир Хосров)

*
Бош ышанма сен адамланы
Бу эки къауумуна да: не –
Тенглеринги жауларына,
Не жауларынгы тенглерине.
(«Калила бла Димна»)

*
Жау жууукъ эсе,
Бол къаргъача сакъ.
Къалауур жукъу
Гудугъа – чыракъ.
(«Камила бла Димна»)
elbars 06.05.2019 19:39:58
Сообщений: 2237
*
Жоргъанг халжарда къадыргъа тюбегенди.
Къадыр къылыкълы, жюрюшлюдады энди.
(Саади)

*
Къууанчынгда къарындашла
Къайдадыла жиляуунгда?
Къалкъанларынг суннган жашла
Чагъыр тарталла жауунгда.
(Санаи)

*
Палах басса жашауунгда,
Антлы тенгинг сени къорур,
Къууанчынгда, бушуунгда,
Ол, таймай, биргенге болур.
(Санаи)

*
Тонунгу кюйдюрме сен, анда
Бюрче кёргенме деп.
Тенгинги да тюртме, халында
Бир бош зиян эслеп.
(Санаи)

*
Жалан да кесчигин сюйген
Шуёх болмаз, алданма сен.
(Санаи)
elbars 07.05.2019 19:19:15
Сообщений: 2237
*
Кесин халкъдан кери,
Узакъ эте кетип,
Болгъанды ол бёрю,
Гыбырлыгъы жетип.
(Санаи)

*
Кёзю – бёрю,
Сёзю уа – ит.
Андан, тейри,
Болмаз жигит.
(Аттар)

*
Шуёхларынг бла чагъыр аякъ ала,
Ойна, жарыкъ да кюл.
Алданма мулжахха, серге, сантха – ала
Санга шуёх тюйюл.
(Аттар)

*
Тели алтакъ[1] бла дос болма ёмюрде.
Душманынгдан да къоркъуулуду ол бирде.
(Руми)

*
Жюрекни бийлер ючюн – аны да бил –
Къаланыча алыргъа керек тюйюл.
(Саади)




[1] Алтакъ – ненадёжный.
elbars 08.05.2019 19:59:34
Сообщений: 2237
*
Хар неге да чек, марда барда,
Бузукълукъ кийирме хакъына.
Досум, тенгликге да бар марда,
Жаулукъгъа да – анга окъуна.
(Саади)

*
Кёлюн сындырмаса эдим,
Досум къалмаз эди кетип.
Жауум да жер къаны этип,
Къоймаз эди мени дедим.
(Саади)

*
Намыс этгенликге жауунг санга,
Досумду деп ышанма сен анга.
(Саади)

*
Биреу, босагъангдан атлап,
Салам берди эсе санга,
Къанлы жауунг эсе да, тап,
Намыс берип тюбе анга.
(Саади)

*
Акъыллы шуёхун кётюрюр
Ызындан.
Акъылсыз а маскеча юрюр
Ызындан.
(Саади)
Изменено: elbars - 08.05.2019 20:01:32
elbars 09.05.2019 21:05:45
Сообщений: 2237

*
Сен кеч: тенгингди ол,
Къыйналма энди бош.
Жарыкъ узат да къол:
«Хош кел!» – де хош.
(Амир Хосров)

*
Хар жашны да, къол бере эсе,
Шуёхунг сунаса сен къуру да.
Хар чокъуракъны да инжиси
Болмайды, хау, кёбюсю къуруду.
(Амир Хосров)

*
Омакъды байрымгюл.
Тенгинг эсе да, сен
Ачый турлукъса, бил,
Шинжилеринден.
(Аухададдин Аухади)

*
Тенгни угъай, кенгни да, чёп
Тенгли къыйнамагъанма мен,
Кёп ачыгъанма да, бир кёп
Антлы, татлы тенглеримден.
(Хафиз)
Изменено: elbars - 09.05.2019 21:06:21
elbars 11.05.2019 21:49:03
Сообщений: 2237
*
Тас болду насыбынг –
Къаралыкъ кёлюнгде.
Тас болду шуёхунг –
Къурулукъ элингде.
(Хафиз)

*
Душманынг анда-мында да – минг.
Хо да, – биргенге антлы тенгинг.
(Хафиз)

*
Сен алданма кёзбаугъа, –
Палахха къалмазса.
Ызындан чыгъар къаугъа, –
Бош къутулалмазса.
(Джами)

*
Бушу келип къалса,
Заяча,[1] терк жетип,
Кёп турмайын кетип
Къалыр, досунг болса.
(Джами)

*
Шуёх бушууунгда керек.
Къууанч сагъатынгда
Шуёх, таныш да кёпдю бек,
Ойнайла къатынгда.
(Джами)




[1] Зая – къар юзюлген, лавина
elbars 12.05.2019 22:43:01
Сообщений: 2237


*
Унутман[1] адам эсе тенгинг,
Дослукъгъа уллу кёллю эсе,
Кюнча жарыса да тюбесе –
Узагъынгды ол, кенгинг.
(Васифи)


*
Шуёхсуз бизге – къыйын.
Тёгюле адам къаны,
Барды жау, душман жыйын,
Биз унутмайыкъ аны.
(Шохин)

*
Башларын къыйпай, къыстау
Жауларын къырады эр.
Ансы, – огъурсузду жау –
Ёз башы жерге тюшер.
(Хилоли)

*
Досунгу жанынгча кёр,
Кёзюнгеча бол да сакъ.
Душманынг сагъыш этер
Билерден алгъа бичакъ.
(Сайидо)




[1] Унутман – забывчивый.
Изменено: elbars - 12.05.2019 22:44:37
elbars 14.05.2019 19:59:18
Сообщений: 2237
*
Шуёхуна уру къазгъан
Эслеп атлай, барады жол:
Кесича бир эшек анга
Уру къазгъан сунады ол.
(Иредж Мирза)

*
Эки тенгни арасына
От салма сен, жаулукъ.
Жарашырла да шуёхла,
Башынг болур даулукъ.


*
Хазнамыды бармакъ кеси?
Сынады тынч, жангыз эсе.
Жумдурукъгъа къысылсала
Бир кёрчю, кёрчю, сынсала.


*
Къаргъагъа, бир айт, неге керекди гюл,
Аламат ийисчиги да неди, не?
Кёзюне къайда хырт-мырт да илине,
Ол булбул бла андан шуёх тюйюл.

*
Тенгине шекли болгъан,
Чыкъ биргесине жолгъа.

*
Жол бара, намыс билген жигит
Аманнга къысха тюбеп къалды.
Бир акъыл алгъынчы ол аман, иги
Харамдан жетмиш заран алды.


*
Тенглерингде
Къайсы шуёх, къайсы кёлтен,
Жетген кюнде
Бир ажымсыз билирсе сен.


*
Бирди сени жауунг –
Кёпдю сени жауунг.
Жюздю сени тенгинг –
Азды сени тенгинг.


*
Жауланы тюрлюлери
Юч боладыла.
Кесинги душманларынг,
Тенгинги душманлары,
Жауланы да тенглери –
Ма быладыла.
elbars 15.05.2019 18:55:34
Сообщений: 2237
*
Жауунг гумулжукдан гитче, алай аны,
Пилден угъай, таудан да уллугъа сана.

*
Тенгингден кери турдунг –
Жауунгу къууандырдынг.

*
Харип, тенглеринг, шуёхларынг
Жокъ – жиля.
Аллай ауруудан дарман-дары
Жокъ – жиля.

*
Шуёхлукъ тууса да сылтаусуз,
Къажаулугъ а туумайды даусуз.

*
Тенглеринг бла
Дауургъа-даугъа
Къалма, айрылыкъ
Жауунга – саугъа.
elbars 17.05.2019 19:05:10
Сообщений: 2237
Vl . АХШЫЛКЪ БЛА АМАНЛЫКЪ

*
Къаргъа – устазыбыз: чучхуйду, къычырады,
Бизни къуру да багушха тартып турады.
(Рудаки)

*
Кишиге да жетмесин хатанг. –
Ахшыгъа иги бла атады танг.
(Абу Шукур)

*
Кишиге хыны, ачы сёлешме, –
Гюнахлы ишле бла кюрешме.
(Фирдоуси)

*
Эталмазынгы этерме деме,
Хар сёзюнг керти болсун.
Бош гюнахчыкъны эслеме,
Бош да кечме уллусун.
(Фирдоуси)

*
Да нелигин итлик этген,
Тёлей туруп билирсе сен.
(Фирдоуси)

*
Итлигингден адам жарсып,
Тапмазса ёмюрде насып.
(Фирдоуси)

*
Биз элте жашау жюкню,
Ол ауур кёрюнмей,
Себейик игиликни
Урлугъун, эринмей.
(Фирдоуси)

*
Жюрегинде къырслыкъ оту жана, ол сер
Башхаланы, кесин да урходук этер.
(Унсури)

*
Жангыз уртлам этген
Эсенг да, шауданнга
Чёпчюк да атма сен,
Ыспас да эт анга.
(Асади Туси)

*
Игилик этерме деп
Болжаллап тургъан умут, –
Таммай, жаумай, кюкюреп
Узайгъан къургъакъ булут.
(Насир Хосров)
elbars 18.05.2019 19:14:46
Сообщений: 2237
*
Жаш къартны къутхарды,
Кишенлеп палахны.
Бетине ышарды
Жарыгъы Аллахны.
(Насир Хосров)

*
Эт сууап жашауунгда, –
Азмыды жазыкъ:
Кесинги ашлауунгдан
Бер анга азыкъ.
(Насир Хосров)

*
Игиле болгъан жерни изле,
Юй андан сора ишле.
(Насир Хосров)

*
Кюлме жарлыгъа,
Жан аурут анга,
Ансы къадарынг
Харх этер санга.
(Насир Хосров)

*
Да энтда бир къууанч болду жерде:
Биреу бир жарлыгъа насып берди.
(Насир Хосров)
elbars 19.05.2019 20:26:57
Сообщений: 2237
*
Хурметли болурча,
Сюйдюрюп элни,
Насыпдан толурча
Эт биреуленни.
(Насир Хосров)

*
Огъурлу иш – ол насыпды дуньяда.
Къыйынлыды хаталы, харам адам.
(Насир Хосров)

*
Игилик этди эсенг,
Тынгыла, ол кем болмаз.
Бош, ойнап да эсгерсенг,
Къыйынынг зырафды, тас.
(Насир Хосров)

*
Дайым да къылыч къыйып
Турма да халкъдан таша,
Кесинги кирден тыйып,
Сен ийман бла жаша.
(Гургани)

*
Игиликден башха зат бары бошду, кюл.
Андан сора бир жукъ да ёмюрлюк тюйюл.
(Масуд Сад Салман)
Читают тему (гостей: 1)

Форум  Мобильный | Стационарный