Расширенный поиск
13 Декабря  2018 года
Логин: Регистрация
Пароль: Забыли пароль?
  • Аманны эки битли тону болур, бирин сеннге кийдирир, бирин кеси киер.
  • Сакъламагъан затынга джолукъсанг, не бек къууанаса, не бек ачыйса.
  • Бал ашаргъа сюе эсенг, чибин ургъаннга тёз.
  • Джаным-тиним – окъуу, билим.
  • Байлыкъ болгъан джерде, тынчлыкъ джокъду.
  • Эл элде бирер малынг болгъандан эсе, бирер тенгинг болсун.
  • Ашарыкъда сайлагъаннга – чий гырджын.
  • Ана – юйню кюн джарыгъы.
  • Аман хансны – урлугъу кёб.
  • Акъыл бла адеб эгизледиле.
  • Биреуге кёлтюрген таягъынг, кесинги башынга урур.
  • Кёбден умут этиб, аздан къуру къалма.
  • Тёрени джагъы джокъ.
  • Атадан ёксюз – бир ёксюз, анадан ёксюз – эки ёксюз.
  • Аманнга игилик этсенг, юйюнге сау бармазса.
  • Къызбайны юйюне дери сюрсенг, батыр болур.
  • Нарт сёз къарт болмаз.
  • Къатын байлыкъны сюер, эр саулукъну сюер.
  • Бал чибинни ургъаны – ачы, балы – татлы.
  • Къазанны башы ачыкъ болса, итге уят керекди.
  • Аджашханны ызындагъы кёреди, джангылгъанны джанындагъы биледи.
  • Ариу сёз аурууунгу алыр.
  • Чоюнну башы ачыкъ болса, итге уят керекди.
  • Тойгъан антын унутур.
  • Биреуню тёрюнден, кесинги эшик артынг игиди.
  • Эрни эр этерик да, къара джер этерик да, тиширыуду.
  • Акъыл сабырлыкъ берир.
  • Айыбны суу бла джууалмазса.
  • Адам туугъан джеринде, ит тойгъан джеринде.
  • Окъуу – билимни ачхычы, окъуу – дунияны бачхычы.
  • Акъылсызны джууукъгъа алма, акъыллыны кенгнге салма.
  • Къарнынг бла ёч алма.
  • Эл тойса, тоймагъан, эл къойса, къоймагъан.
  • Иги джашны ышаны – аз сёлешиб, кёб тынгылар.
  • Ашхы атаны – джашы ашхы, ашхы ананы – къызы ашхы.
  • Кёбню кёрген – кёб билир.
  • Шекер бла туз – бир болмаз, ушамагъан – юй болмаз.
  • Биреу къой излей, биреу той излей.
  • Сёлеш деб шай берген, тохта деб, сом берген.
  • Джукъу тёшек сайламайды.
  • Ата Джуртча джер болмаз, туугъан элча эл болмаз.
  • Къралынгы – душмандан, башынгы от бла суудан сакъла.
  • Айтхан – тынч, этген – къыйын.
  • Мухарны эси – ашарыкъда.
  • Чарсда алчыны эл кёреди.
  • Суугъа – чабакъ, къаягъа – ыргъакъ.
  • Аллахха ийнаннган кишини, Аллах онгдурур ишин.
  • Чабакъгъа акъыл, табагъа тюшсе келеди.
  • Ана кёлю – балада, бала кёлю – талада.
  • Ачылгъан эт джабылыр, кёрген кёз унутмаз.
Страницы: 1
АЛАНЛА, бир эс бёлюгюз бу темагъа., 'Къайсын-миллетни бетиди'-дегенди Эфендиланы Салых.
 
Алгъышдан башлайым:
Миллетибизге Къайсынчала туусунла!

Алайды да, мени сизге айтырым...
'Къайсыннга жюз атлам'деп иш башланнганды.
Эл тюбю деген элде, Къайсынны юйюне бурулгъан орамны жаны бла хуна къалана турады, ол хунаны юсюнде жюз плита боллукъду-сыйдам, тёртгюл, сыйлы ташдан. Хар аллай ташны юсюнде уа назмучубузну бир назмусу жазылып барлыкъды, аны бла уа алайда окъуна жюз назму хаманда да турлукъду.
Келлик жыл, Аллах айтса, Къайсыннга жюз жыл толлукъду, ол кюннге бу иш битерге, тындырылыргъа керекди!

Сизден-бизден изленнген:
1. Бу ишле баргъан заманда онгу болгъан барып, таш ташыргъа, башха жумушха жараргъа.
2. Биягъы онгу болгъан ахча жаны бла болушургъа, аз бералгъан аз,кёп бералгъан а кёп.

Ёмюрде быллай ишге къатышмагъанма, хапарлы да тюйюлме, алай кел,къатыш, болуш дегенлеринде, бек къууандым, Мен былайда болмаса,Къайсыннга энди не бла жараялырма?
Къайсын-миллетни адамыды, миллети ючюн, Москба шахарда къалыргъа унамай, туугъан жерине къайтып келгенди, Миллетин сау дуниягъа белгили этгенди.
Айтып турсам,саналып турлукъду. Къайсынны менден ахшы билесиз не этгенин,къаллай инсан болгъанын.

Бу ишге уллу кёллюлюк этмегиз, къол булгъап къоймагъыз, тындырайыкъ, бир тынгылы жукъ къошайыкъ от жагъасыны къыйырына.

'Къайсыннга жюз атлам'проект сизге аманат, сиз Аллаха аманат!

Кёрмегенча, окъумагъанча этип къоймагъан 8 928 706 60 28 - Къара чачлы, сёлешсин!

КЪУРМАНЫГЪЫЗ ДА КЪАБЫЛ БОЛСУН. ЭКИНЧИ БУ ЗАМАННГА КЪУУАНЧ БЛА, САУ-ЭСЕН ЖЕТЕЙИК.
Изменено: Къара чачлы - 16.10.2013 21:38:57
"Къадарны этегинде...","Сени ючюн"...(с)
 

Къара чачлы, бек иги хапар, бек иги иш. Болушайыкъ, къолдан келгенича. Ачха къайры кёчюрюлюрге керекди?

Алай а, бир айтырым - алайдагъы эл, район тамадала бу ишни къыйналмай баджарыб къоярыкъ эдиле, огъесе ала къошулмаймыдыла?
Джазыучуланы Союзу уа не дейди?
Бу ишни къолгъа алыб, башчылыкъ этген, бардыргъан кимди?
 
Sabr, Аллах ыразы болсун.
Бу ишни бардыргъан Тетуланы Хадисди.
Эл таматала бу ишге артыкъ къатышмайдыла.
Дазыучулагъа да ётерге деп турама, билмей эселе.
Ахча къайры ётерге керегин, тамбла жазарма.
"Къадарны этегинде...","Сени ючюн"...(с)
 
Наименование клиента: Фонд помощи сохранению памятников истории и культуры "Сто шагов к Кайсыну"
ИНН 0725990683 КПП 072501001
Банковский счет N 40703810710000000249
Кор.счет 30101810700000000741
БИК 048327741
Банк "Нальчик" ООО

Бюгюн эм биринчи Бурхан Абуюсюфович Берберов кесини чомартлыгъы бла бек къууандыргъанды!
[IMG]БЕК САУ БОЛСУН. Къайсыннга берген сыйын миллетинден кёрсюн!
"Къадарны этегинде...","Сени ючюн"...(с)
 
Таланнган!
Жетмиш адам окъуду бу теманы....
Тауушсуз кетдиле да...
Жюз сомугъуз жокъмуду, ол жети минг боллукъ эди, сизге ол неди, анга уа талай иш тамам боллукх эди.

Окъуудагъылагъа, бир кюн азыракъ ашасагъыз да боллукъду деп, алай жыйгъанма....
Студентледен!

Тобады.
"Къадарны этегинде...","Сени ючюн"...(с)
Страницы: 1
Читают тему (гостей: 1)

Форум  Мобильный | Стационарный