21. "Бель Фатима"
шуточная песня
Кел, мен сени таугъа алыб кетейим, кел
Сени анама келин этейим, кел
Къошгъа чыгъыб, малла тутуб, биз джашайыкъ,
Уруннганыбызны сау-эсен ашайыкъ.
Атлагъа миниб ёрге-энгишге джортайыкъ
Къойланы кютюб, джазда барын къыркъайыкъ,
Кел, ийнек саууб, джаучукъ уруб, бир сынайыкъ,
Артыкъчыгъын базаргъа элтиб сатайыкъ.
Мен къой кесиб, юлюш этиб, бир чачарма
Аллах айтса, таулу болурса, Фатима.
Кел, мен сени Парижге бир элтейим, кел
Сена суугъа сени кёмюлтейим, кел,
Сау шахаргъа Эйфиль къаладан къарайыкъ,
Монмартырда да суратха салдырайыкъ,
"Мулен Руж" деген тирменнге да барайыкъ,
Кан-кан тебсеген бетсизлеге къарайыкъ.
Кел, уууч бла бир бишген каштанла ашайыкъ,
Елисей тюзде къууанайыкъ, шашайыкъ,
Мен дух сайлаб, тюрлю-тюрлюсюн алырма,
Аллах айтса, мадам болурса, Фатима.
Кел, Эльбрусоид тоюн бир теджейим, кел,
Самолет бла учуб джетдирейим, кел,
Джыйын аллында абезекге барайыкъ,
Тюз тепсеуню да истемейге бурайыкъ.
Студентлеге да талай алгъыш айтайыкъ,
Къурманлыкъдан бисмилля эте чайнайыкъ,
Кел, иги окъуб, акъыл токъмакъла болайыкъ.
Болмаса уа сатыб дипломла алайыкъ,
Мен метрода сыйлы-сыйлысын сайларма,
Аллах айтса, юрист болурса, Фатима.
Студентлеге да талай алгъыш айтайыкъ,
Къурманлыкъдан бисмилля эте ашайыкъ.
Кел, иги окъуб, акъыл токъмакъла болайыкъ,
Халкъыбызны минг джумушуна джарайыкъ,
Сен бирибизни кеб созмайын, терк сайла
Аллах айтса, разы болурса, Фатима.
о, Фатима.
22. "Унуталмайма"
макъамы Хасаитов Русланны
сёзлери Мусукаланы Сакинатны
Башхалагъа къарайса сен, башхалагъа,
Сени кёрген ай сукъланады алагъа.
Мени къойгъанса сансызлай -
Мен айланама джангызлай.
Унуталмайма , унуталмайма,
Сени ала кёзлеринги.
Айталмайма, мен айталмайма,
Сеннге ариу сезлерими.
Сеннге айтыр сезлеримден чагъады танг,
Алай сени къарамынгдан юшюйдю джан,
Мени къойгъанса сансызлай -
Мен айланама джангызлай.
Унуталмайма , унуталмайма,
Сени ала кёзлеринги.
Айталмайма, мен айталмайма,
Сеннге ариу сезлерими.
Айланама сансызлай,
Къойгъанса джангызлай.
Айланама сансызлай,
Къойгъанса джангызлай.
Сюймеклигим джюрегимден алгъа атлаб,
Сеннге бютюн ариу, сейир атла атаб.
Мени къойгъанса сансызлай -
Мен айланама джангызлай.
Унуталмайма, унуталмайма,
Сени ала кезлеринги.
Айталмайма, мен айталмайма,
Сеннге ариу сезлерими.
Унуталмайма, унуталмайма,
Сени ала кезлеринги.
Айталмайма, мен айталмайма,
Сеннге ариу сезлерими.
Айланама сансызлай,
Къойгъанса джангызлай.
Айланама сансызлай,
Къойгъанса джангызлай.
Айланама сансызлай,
Къойгъанса джангызлай.
Айланама сансызлай,
Къойгъанса джангызлай.
Айланама сансызлай,
Къойгъанса джангызлай.
Айланама сансызлай.
23. "Къобузчу къызгъа"
макъамы халкъны
сёзлери Чотчаланы Магометни
Ой, сюйген элими татлы къызыса,
Джюрекни джубанчыса.
Джерими джасагъан субай къызыса,
Халкъымы къууанчыса -
Сокъчу, сокъчу, джулдузум,
Джуртуму тартыуларын!
Сокъчу, сокъчу, джулдузум,
Джуртуму тартыуларын!
Тойда, оюнда сени таныйма:
Къобузунг танытады,
Сагъъышым, къайгъым да кетиб джарыйма:
Сыфатынг джарытады.
Сокъчу, сокъчу, джулдузум,
Джуртуму тартыуларын!
Сокъчу, сокъчу, джулдузум,
Джуртуму тартыуларын!
Ой, сюйген элими татлы къызыса,
Джюрекни джубанчыса,
Джерими джасагъан субай къызыса,
Халкъымы къууанчыса -
Сокъчу, сокъчу, джулдузум,
Джуртуму тартыуларын!
Сокъчу, сокъчу, джулдузум,
Джуртуму тартыуларын!
Джашауну къаласын тири ишлейсе,
Хар ишни дагъаныса,
Кесинге джараулу насыб излейсе:
Насыбдан багъалыса -
Сокъчу, сокъчу, джулдузум,
Джуртуму тартыуларын!
Сокъчу, сокъчу, джулдузум,
Джуртуму тартыуларын!
Тойда, оюнда сени таныйма:
Къобузунг танытады,
Сагъъышым, къайгъым да кетиб джарыйма:
Сыфатынг джарытады.
Сокъчу, сокъчу, джулдузум,
Джуртуму тартыуларын!
Сокъчу, сокъчу, джулдузум,
Джуртуму тартыуларын!
24. "Бар, бар, бар"
макъамы Бадахланы Фазиляны
сёзлери Кечерукъланы Байдыматны
Сен, башха джашны сюйюб,
Мени уа джангызлай къоюб,
Бараса, джанымы къыйнай.
Табылыр меннге бир башха,
Ёмюрге унут атымы,
Энди сен келме къатыма.
Бар, бар, бар, тыярыкъ да тюлме.
Бар, бар, бар, излерик да тюлме.
Бар, бар, бар, джыларыкъ да тюлме
Мен сени ызынгдан.
Бар, бар, бар, тыярыкъ да тюлме.
Бар, бар, бар, излерик да тюлме.
Бар, бар, бар, джыларыкъ да тюлме
Мен сени ызынгдан.
Къарамай мени таба,
Учунуб кетиб бараса,
Джолунг болуб гюл тала таба.
Табылыр меннге бир башха,
Ёмюрге унут атымы,
Энди сен келме къатыма.
Бар, бар, бар, тыярыкъ да тюлме.
Бар, бар, бар, излерик да тюлме.
Бар, бар, бар, джыларыкъ да тюлме
Мен сени ызынгдан.
Бар, бар, бар, тыярыкъ да тюлме.
Бар, бар, бар, излерик да тюлме.
Бар, бар, бар, джыларыкъ да тюлме
Мен сени ызынгдан.
Бар, бар, бар, тыярыкъ да тюлме.
Бар, бар, бар, излерик да тюлме.
Бар, бар, бар, джыларыкъ да тюлме
Мен сени ызынгдан.
Бар, бар, бар, тыярыкъ да тюлме.
Бар, бар, бар, излерик да тюлме.
Бар, бар, бар, джыларыкъ да тюлме
Мен сени ызынгдан.
25. "Тауланы джулдузу"
макъамы Байчораланы Азретни
Сёзлери Акъбайланы Азретни
Джарыкъ тангымы булбулу,
Ариу нюрюсе сен.
Кавказ тауланы джулдузу,
Къайсы джерденсе сен?
Кавказ тауланы джулдузу,
Къайсы джерденсе сен?
Джанкъылыч бетли, хурметли,
Тауланы къызыса.
Нюрлюсе ариу иннетли,
Джулдузну ызыса.
Нюрлюсе ариу иннетли,
Джулдузну ызыса.
Айдан, кюнден да ариуса,
Къууанчлы джаша сен.
Айыб этме, атынгы айт,
Къайсы джерденсе сен?
Айыб этме, атынгы айт,
Къайсы джерденсе сен?
Айыб этме, атынгы айт,
Къайсы джерденсе сен?
Айыб этме, атынгы айт,
Къайсы джерденсе сен?
Джарыкъ тангымы булбулу,
Ариу нюрюсе сен.
Кавказ тауланы джулдузу,
Къайсы джерденсе сен?
Кавказ тауланы джулдузу,
Къайсы джерденсе сен?
26. "Ийнанма сен"
макъамы Тамбийланы Къасботну
сёзлери Лайпанланы Билялны
Джулдуз джанад, кёз къамата кечеде,
Танг атханлай, тас боллугъун билсе да.
Чыкъ да тюшед мынчакъ кибик, ингирде,
Кюн чыкъгъанлай, думп боллугъун сезсе да.
Ийнанма сен, джолунг джарды, деселе.
Ийнанма сен, дуния тарды, деселе.
Ийнанма сен, джюрек тотду, деселе.
Ийнанма сен, насыб джокъду, деселе.
Чыпчыкъ бала уясындан къарайды,
Термиледи дженгил ёсюб, учаргъа.
Боз булут да кюн аманны марайды,
Джангур болуб, джерни юсюн джууаргъа.
Ийнанма сен, джолунг джарды, деселе.
Ийнанма сен, дуния тарды, деселе.
Ийнанма сен, джюрек тотду, деселе.
Ийнанма сен, насыб джокъду, деселе.
Джан излейди оюнланы ашхысын,
Тууар кюнню бачхыч этиб кесине.
Бир джагъадан бир джагъагъа ашыгъыб,
Атлайды ол, умут тюшсе эсине.
Ийнанма сен, мурат толмайд, деселе.
Ийнанма сен, джукъда къалмайд, деселе.
Ийнанма сен, джурт кирленгенди, деселе.
Адеб-намыс тюрленгенди, деселе.
Таулу атын тас этмезин унутма.
Аты джокъну тауусулур къарыуу.
Джюрегинге джанган отну суутма,
Батхан кюнню кёбге бармаз джылыуу.
Ийнанма сен, мурат толмайд, деселе.
Ийнанма сен, джукъда къалмайд, деселе.
Ийнанма сен, джурт кирленгенди, деселе.
Адеб-намыс тюрленгенди, деселе.
Ийнанма сен, мурат толмайд, деселе.
Ийнанма сен, джукъда къалмайд, деселе.
Ийнанма сен, джурт кирленгенди, деселе.
Адеб-намыс тюрленгенди, деселе.
27. "Шам Теберди"
макъамы ДЖаммаланы Казбекни
сёзлери Батчаланы Баширни
Бу дунияда болады
Адамны джангыз джурту.
Сенсе уллу дунияны
Кёзю, къашы, уурту.
Сен Теберди,
Шам Теберди,
Кёк Тейриси бергенча
Насыбха сени.
Сен Теберди,
Шам Теберди,
Мен сени сюйгенча,
Сен да сюй мени.
Кёкде джарыкъ джулдузла
Тёгерекге эс ата.
Джолла болмай мутхузла,
Джолоучугъа дерс айта.
Сен Теберди,
Шам Теберди,
Кёк Тейриси бергенча
Насыбха сени.
Сен Теберди,
Шам Теберди,
Мен сени сюйгенча,
Сен да сюй мени.
Субай ёсген наратла
Тёгерекге нюр бере
Ныгъышлада чал къартла
Рахатлыкъгъа къол кере.
Сен Теберди,
Шам Теберди,
Кёк Тейриси бергенча
Насыбха сени.
Сен Теберди,
Шам Теберди,
Мен сени сюйгенча,
Сен да сюй мени.
Сен Теберди,
Шам Теберди,
Кёк Тейриси бергенча
Насыбха сени.
Сен Теберди,
Шам Теберди,
Мен сени сюйгенча,
Сен да сюй мени.
Мен сени сюйгенча,
Сен да сюй мени.
28. "Гапалау"
халкъ джыр
Гапалаула эки элле, бир болду,
Джарлы балам дуниядан тас болду.
Ой, анасындан джигит туугъан Гапалау!
Ыстауатда толу къазан къайнайды,
Сени юсюнгде тогъуз къазыкъ ойнайды,
Ой, анасындан джигит туугъан Гапалау!
Къанынг барад къырдыкъланы мор этиб,
Ижалары ёлтюрдюле зор этиб,
Ой, анасындан джигит туугъан Гапалау!
Гапалауну ёлтюрдюле, сойдула,
Джаш къатынын ау тюбюнде къойдула,
Ой, анасына джигит туугъан Гапалау!
Къанлы джаула малларынгы сюрелле,
Ижалары сени ызынгдан кирелле,
Ой, анасындан джигит туугъан Гапалау!
29. "Къарачай"
макъамы, сёзлери да
Ёзденланы Альбертни
Алан халкъны аслан кёллю баласы,
Тау намысны оюлмазлыкъ къаласы,
Хар не тюрлю хазнадан да джеринг бай, эй,
Акъыл сёзлю, дугъум кёзлю Къарачай!
Тау башлада эримеучю къарынгы,
Субай санлы джашил наратларынгы
Тоялмайма кёзлерим бла ийнакълай, эй,
Акъ башлыкълы,джашилчепкен Къарачай!
Алма терек чакъгъан кюнде эшикде,
Джукълаб тургъан балачыкъны бешикде,
Тылпыуундан тогъугъанча, мен алай, ай,
Солуучанма тау хауангы,Къарачай!
Кёзбау сёзге сен бёлдюртме эсинги,
Сакъла, сакъла, Шам Къарачай, кесинги!
Сюргюнде да болмагъанды кёлюнг сай, эй,
Ата Джуртум, ана сютюм, Къарачай!
Керек болса,амалчы бол, сен алай,
Терк бюгюл да, дженгил тюзел, мычхылай.
Кес зорлукъну,сен ашыкъмай, бек чыдай, эй,
Хаман джылы болсун юйюнг,Къарачай!
Намыс болсун джюрек хантынг, Къарачай!
Бирлик болсун ёмюр антынг, Къарачай!
Бай тилинги, хур дининги сакъла, джай! Эй!
Адам санынг минг къат ёссюн,Къарачай!
Адам санынг минг къат ёссюн, Къарачай!
30. "Шукур энтда тюбедик"
макъамы Асланланы Кулинаны
сёзлери Зумакуланы Танзиляны
Сени тансыкъ кёзлеринг
Сейир насыбда джылай,
Эринлеринг айтдыла,
Шош, акъырын, шыбырдай,
Эринлеринг айтдыла,
Шош, акъырын, шыбырдай,
"Шукур, энтда тюбедик,
Джомакъда айтхан кибик,
Минг джылланы термилиб,
Бир-бирни табхан кибик".
"Шукур, энтда тюбедик,
Джомакъда айтхан кибик,
Минг джылланы термилиб,
Бир-бирни табхан кибик".
Минг-минг суудан биз ётдюк,
Минг палахдан къутулуб,
Дуния толкъунларында
Къалмагъанлай джутулуб.
Дуния толкъунларында
Къалмагъанлай джутулуб.
"Шукур, энтда тюбедик,
Джомакъда айтхан кибик,
Минг джылланы термилиб,
Бир-бирни табхан кибик".
"Шукур, энтда тюбедик,
Джомакъда айтхан кибик,
Минг джылланы термилиб,
Бир-бирни табхан кибик".
Кёзюм къарангы этиб
Дуния бола къарангы,
Джан дарман излегенча,
Изледим къарамынгы.
Джан дарман излегенча,
Изледим къарамынгы.
Ол кюн, ким билсин, меннге
Кимни джаны ауруду?
Сени кёрюр насыбны
Джашау энтда джаудурду.
Сени кёрюр насыбны
Джашау энтда джаудурду.
О, джаным, джаным, джаным,
Сюйсенг да джюрек бла,
Эшиталмадынгмы мени
Ол чарс кюн тилек бла?
Эшиталмадынгмы мени
Ол чарс кюн тилек бла?
Шукур, энтда тюбедик.