Расширенный поиск
15 Октября  2018 года
Логин: Регистрация
Пароль: Забыли пароль?
  • Сакъламагъан затынга джолукъсанг, не бек къууанаса, не бек ачыйса.
  • Ёлген ийнек сютлю болур.
  • Иги сёз – джаннга азыкъ, аман сёз башха – къазыкъ.
  • Къуру гыбыт бек дыгъырдар.
  • Джашда акъыл джокъ, къартда къарыу джокъ.
  • Келинин тута билмеген, къул этер, къызын тута билмеген, тул этер.
  • Битмегеннге сакъал – танг.
  • Аш иеси бла татлыды.
  • Эр абынмай, эл танымаз.
  • Баш болса, бёрк табылыр.
  • Къанны къан бла джуума, аманны аман бла къуума.
  • Босагъагъа джууукъ орун болса, ашыгъыб тёрге озма.
  • Аллахха ийнаннган кишини, Аллах онгдурур ишин.
  • Тилчи бир сагъатха айлыкъ хата этер.
  • Окъ къызбайны джокълайды.
  • Намысы джокъну – дуниясы джокъ.
  • Аджашхан тёгерек айланыр.
  • Чёбню кёлтюрсенг, тюбюнден сёз чыгъар.
  • Нёгерсизни джолу узун.
  • Нарт сёз – тилни бети.
  • Къулакъдан эсе, кёзге ышан.
  • Эки элинги тыйсанг, джети элде махталырса.
  • Хазыр ашха – терен къашыкъ.
  • Сёз сёзню айтдырыр.
  • Ашда – бёрю, ишде – ёлю.
  • Юй ишлеген балта эшикде къалыр.
  • Эм уллу байлыкъ – джан саулукъ.
  • Бал чибинни ургъаны – ачы, балы – татлы.
  • Ариу – кёзге, акъыл – джюрекге.
  • Нарт сёз къарт болмаз.
  • Бек ашыкъгъан меннге джетсин, дегенди аракъы.
  • Джырчы ёлсе, джыры къалыр.
  • Къызгъанчдан ычхыныр, мухардан ычхынмаз.
  • Кёрмегеннге кебек – танг, битмегеннге сакъал – танг.
  • Ёзденликни кёбю ётюрюк.
  • Танг атмайма десе да, кюн къоярыкъ тюйюлдю.
  • Тил бла келеди джыр да.
  • Эм ашхы къайын ана мамукъ бла башынгы тешер.
  • Джыйырма къойну юч джыйырма эбзе кюте эди.
  • Адебни адебсизден юрен.
  • Джангыз торгъай джырламаз.
  • Аманнга игилик этсенг, юйюнге сау бармазса.
  • Къаллай салам берсенг, аллай джууаб алырса.
  • Бети бедерден, намыс сакълама.
  • Дуния мал дунияда къалады.
  • Бал ашаргъа сюе эсенг, чибин ургъаннга тёз.
  • Акъыл сабырлыкъ берир.
  • Ышармагъан – кюлмез, кюлмеген – къууанчны билмез.
  • Къайгъыны сюйген, къайгъы табар.
  • Босагъа таш юйге кирмей эди, тыбыр таш эшикге чыкъмай эди.
Страницы: 1
Akıl bla nasıb. Kim ne zatnı saylaydı?, Eski Karaçay-Malkar oyun)
 
Akıl bolsun, nasıp bolmasa da..
Nasıb bolsun, akıl bolmasa da..
Kim kaysın saylaydı?:)
 
Насыб болуб акъыл болмаса, насыбынгы къалай англай билликсе?:dont_know:
тоба, экиси бирден керек болурламы?))):)
WE WERE BORN TO SHINE
*Чистые помыслы - добрые дела*

 
Насыб - кенг, уллу ангыламды: акъыл да, саулукъ да, билим да, къууанч да - айтыргъа, хар иги зат аны ичиндеди. "Насыблы бол" деселе, хар не игилик да подразумевается.
 
Келгенге да игилик!))) Къаты соруу)))


Экисида игидиле, Аллах берген саугъадыла. Алай а экисинден бирин сайла деселе, акъылны сайлайма. Керти акъылы болгъан адам - насыблыды. Ол не джумушундада Аллахны разылыгъын табарга излеб, хар неде да Аллахны буйругъун ангылаб, Анга шукурла этиб джашаргъа кюрешеди. Эрте-кеч болсада, аны болуру насыбды.

Акъылы болмагъан насыблы болурум а уа келмееди, не джашырыу. Аллайла да бардыла джер башында. Сез ючюн бир иги юйде бир ангысы болмагъан (сылхыр) сабий болуб тууады, тегерегин джуукъла болушуб еседи, уллу гюнах этмей джашайды да джандетге тюшеди - акъылсыз насыблы.Андан эсе акъылы болгъан адамны джаратама))
 
акъыл не магъанадады? Глубокий ум, аналитические способности и пр.? огъесе мыйыны кемлиги?



Цитата
Sabr пишет:
Насыб - кенг, уллу ангыламды: акъыл да, саулукъ да, билим да, къууанч да - айтыргъа, хар иги зат аны ичиндеди.
+1. насыбынг болса, акъылынг да боллукъду.
башха тюрлю къарасанг, "от многой мудрости много скорби, и умножающий знания умножает печаль" деб да айтадыла да)
ким биледи, башлары кемле эм насыблыла эселе да), дин джаны бла къарасанг, гюнах/сууаб джокъ, елгенлей джандетге кетдиле.
Энтда башха джанындан къарасанг уа, акъылынг болса, насыблы бола да билирсе, керти уллу къыйынлыкъ бермесе Аллах. дуниягъа къууана, джашаугъа къууана, берилгеннге шукур эте.
узун сезню къысхасы, къайдам)))))
Мне столик с видом на мечту,
Эспрессо и фламбе заката.
Нет, больше ничего не надо.
А впрочем, на ладонь звезду
И блюз с горчинкой шоколада.(с)
 
Totur_Ram, сау бол, Рамазан, башырагъындагъы къарнашыбызны тюзетгенинге))
Сен айтханлай, Адам, акъылы болмаса бу Дунияда насыблыракъ джашай болурду) акъыл болмаса не заты да джетгенча керюнюб турады, къууанч ичинде..) Керти Дунияда да Аллах андан хыйсаб сорлукъ тюлдю, дейле)
 
Акъылы болгъан гяур болуб джашуан джашаргъа да болур, андан сора гяурлай да елюрге болур..
Адам Керти Дуния ючюн джаратылгъан эсе Насыбны сайларгъа керекди, деб сагъышым алайды, акъылы болмаса да..)
 
Цитата
КёлКёз пишет:
тоба, экиси бирден керек болурламы?)))
эм игиси уа олду)))



Цитата
Мэй пишет:
акъыл не магъанадады? Глубокий ум, аналитические способности и пр.? огъесе мыйыны кемлиги?
акъыл бла бек терен акъыл)
 
Totur_Ram, сорри, постугъузну окъудум, кече ортасында иги эс бёлген болмаз эдим, ансы плюс саллыкъ эдим, къайтарыб башха сезле бла джазмайын((

Цитата
Albert пишет:
Адам Керти Дуния ючюн джаратылгъан эсе Насыбны сайларгъа керекди
адамгъа сайларгъа берилгенмиди мадар?
таурухну эшитген болурсуз(таб, Эльбаны приложениесинде да болур, мен алкъын кермегенме ол приложениени) "Акъыл, байлыкъ, насыб" деб
Мне столик с видом на мечту,
Эспрессо и фламбе заката.
Нет, больше ничего не надо.
А впрочем, на ладонь звезду
И блюз с горчинкой шоколада.(с)
 
Цитата
Мэй пишет:
адамгъа сайларгъа берилгенмиди мадар?

бу оюнду да, къайсыны сайларыкъ эдинг, мадарынг болса?)

алай а, джашауда бир-бирле насыб табама, деб акъылларыны тас этелле, неда барындан да акъыллыма, деб насыбларыны тас этелле..)
 
 
Albert, :lol: Къаты чам этдинг))) мен кишини тюзетмегенме (сени мен таныгъанча танымагъанлагъа айтыб къояйым))):гыы:

Мэй, :lol: Керти таб башланды бу оюн тема))) Сиз мен джазгъаным ючюн джазмай къоярыкъ эсегиз, джукъ джазмай турлукъма))):гоккачыкъ:


Цитата
Albert пишет:
Акъылы болгъан гяур болуб джашуан джашаргъа да болур, андан сора гяурлай да елюрге болур..

Ол акъылмыды сора? Керти динни тюзлюгюн ангыламагъанланы толу акъыллары джокду.
Эм акъылсызладанда Иблисди (Аллахны налаты анга болсун!), аллай уллу билими, мадары бола тургъанлай терсине джанлагъаны ючюн. Энди ол насыбсызды, кёб насыбы бола тургъанлай алгъын заманда.

Мени сагъышым, акъыл - активды, насыб а - пассив. Акъылсыз къалгъан насыб таусулуб кетерге ёчдю. Насыбха келтирмеген акъыл а уа - толу акъыл тюлдю.



Хар не уа Аллахны буйругъунданды, Аллахдан насыб тилейбиз!
 
NASIB


Kimden ketgense, kimge kelese,
Kimni qarğaysa, kimni süyese.
Bir kişi bla tabalmadıng sen nasıb.
Ma, çaç tüklering celde tozuray,
Tırnaq üslering künde cıltıray,
Ay, ne kelsin, eki közüng bir arıb.

Coldasa haman, ey, men bilgenli,
Beşik üsünden cerge tüşgenli,
Aylanasa, tohtamayın bir cerde.
Nasıb qaçadı, ay, sen sürese,
Anı cetalmay, qırqğa cetese,
Kününng batad qayğı bla cürüşde.

Colu nürlüdü tawkel bolğannı,
Kesi cazıwun kesi ozğannı.
Alay ese, ozdur künnü izlewde.
Kimden ketgense, kimge kelese,
Qalay etseng da, bek tüz etese.
Nasıb qayda çirigennge üyünde!

Özdenlanı Sapar

------------------------------



НАСЫБ

Кимден кетгенсе, кимге келесе,
Кимни къаргьайса, кимни сюесе.
Бир киши бла табалмадынг сен насыб.
Ма, чач тюклеринг джелде тозурай,
Тырнакъ юслеринг кюнде джылтырай,
Ай, не келсин, еки кёзюнг бир арыб.

Джолдаса хаман, ей, мен билгенли,
Бешик юсюнден джерге тюшгенли,
Айланаса, тохтамайын бир джерде.
Насыб къачады, ай, сен сюресе,
Аны джеталмай, къыркъгьа джетесе,
Кюнюннг батад къайгьы бла джюрюшде.

Джолу нюрлюдю таукел болгьанны,
Кеси джазыуун кеси озгьанны.
Алай есе, оздур кюнню излеуде.
Кимден кетгенсе, кимге келесе,
Къалай етсенг да, бек тюз етесе.
Насыб къайда чиригеннге юйюнде!

Сапар Ёзден


---------------------------------

Künügüz aşhı bolsun :гоккачыкъ: ...Nasıplı boluguz :)
Ana tilim meni cürek tilim ...
 
Цитата
Totur_Ram пишет:
Къаты чам этдинг))) мен кишини тюзетмегенме (сени мен таныгъанча танымагъанлагъа айтыб къояйым)))
Иш этиб тюзетмегенсе, билмеин тюзетиб ийгесе)))



Цитата
Totur_Ram пишет:
Ол акъылмыды сора? Керти динни тюзлюгюн ангыламагъанланы толу акъыллары джокду.
Динни тюзлюгюн англаб кереклерин баджармагъан акъылмыды)?
Хар кесини акъыллыгъа санагъан адам акъыллы болгъа керекди. Дагъыда "тюз акъыл" бла "терс акъыл", деб да болады...)



Цитата
Totur_Ram пишет:
Насыбха келтирмеген акъыл а уа - толу акъыл тюлдю.
Акъылны айтдынг.. Насыба не затды)?
 
Цитата
Albert пишет:
Акъылны айтдынг.. Насыба не затды)?
Насыб - ол ингирде халал ишден арыб юйге келесе, ашхамны къыласа, сора уллу тебсиге юйдегинг бла, джуукъларынг бла олтуруб, ариу ушакъ эте, бир татлы тишлик чайнайса)))
 
Мангааа болсала экиси да бирге ,болмаса уа бири да угъай ! Жюрексиз жан болмайды ,жансыз а жюрекге жашау жокъ !
"Къадарны этегинде...","Сени ючюн"...(с)
 
Цитата
Totur_Ram пишет:
Насыб - ол ингирде халал ишден арыб юйге келесе, ашхамны къыласа, сора уллу тебсиге юйдегинг бла, джуукъларынг бла олтуруб, ариу ушакъ эте, бир татлы тишлик чайнайса)))
Алай эсе, насыбха бир атламынг къалыб турады да)) ненг да барды мен керген, джангыз юйдегинг джетмей турады, бу джай баджарлыкъ болурса ол джетмегенни да ;))
 
Albert, сау бол, ариу айтдынг - ариу джаша!))) как раз не этерге билмей тураем джай)))
 
Уооо сора Эльбаны бир чынтты жашыны тою Эльбада болмазмы ?)) Ойнай турабыз ,барыбыз да насыблылабыз! Аллах бар насыбыбызны алмасын! )
"Къадарны этегинде...","Сени ючюн"...(с)
 
Totur_Ram,

Къара чачлы,


:)
 
Nasıbныыы)
Жизнь прекрасна, самое главное правильно подобрать дозу эсциталопрама.
http://www.moskva.fm/artist/billy_joel/song_640994
Страницы: 1
Читают тему (гостей: 1)

Форум  Мобильный | Стационарный