Биринчи дерсибиз ётдю.
бек къууандым, джаш тёлю быллай дерслеге эс бёлюб, айтханыбызча, заманында келиб, эринмеин сагъат бла джарымны олтургъанларына.
Зубайда Айгуфовнагъа да уллу сау болугъуз айтама саулай "Эльбурсоидни" атындан
"Къыз – юйде, къылыгъы – элде", - деб, бош айтмагъандыла бурунгула. Къыз сабийни юйде кесин тутханы, кесинден уллулагъа сый бергени, ала бла сёлешгени сау элге белгили болмай къалмайды. Болса уа ата-анасына не бедиш, не уллу махтау келтиреди. Ол себебден, къыз сабийни гитчеликден ариу халиге, къысымлылыкъгъа (скромность), чыдамлыкъгъа (толерантность) юретирге борчлуду хар бир ата-ана.
Къысымлылыкъ, чыдамлыкъ, тёзюмлюк...къуру къыз сабийни тюл, хар адамныда юсюнде болургъа керек шартладыла. Аны чертиб айтды Зубайда. Бюгюнлюкде, ачха бла, окъуу бла кишини сейирсиндирлик тюлсюз, эм биринчиси - адамны адамлыгъына, халисине къаралады, - деди ол джыйылгъан къызлагъа, джашлагъа.
Къызла, джашлада бек эс бёлюб тынгыладыла Зубайданы айтханларына. Кёб адам кеслерини халилеринде болгъан, болмагъан, болургъа керек шартланы юсюнден эшитдиле. Видеогъа алгъанбыз дерсни, кёб турмайын къараргъа боллукъду мадар ;)
Дерсде бек джаратханым, юйге ишле берилгенлери
Сёз ючюн, эндиги дерсге бу соруулагъа джууабла джазыб келирге керекдиле къызла: Атаны-ананы сыйын къалай кёресиз? Юйде кесинги къалай тутаса? Атангдан-анангдан эркинликсиз къаллай джумушла этесе? Неге чыдайса? Уллуну къачын къалай кёресе?
Кёб айтылды бюгюн дерсде. Айшуля, сенге сёз береме
суратланы заманлары джетди