- Дуния мал дунияда къалады.
- Чарсда алчыны эл кёреди.
- Тилде сюек болмаса да, сюек сындырыр.
- Хоншуну тауугъу къаз кёрюнюр, келини къыз кёрюнюр.
- Ана къойну – балагъа джандет.
- Тойгъан джерден туугъан джер игиди.
- Кенгеш болса, уруш болмаз.
- Рысхы джалгъанды: келген да этер, кетген да этер.
- Джырына кёре эжиую.
- Джашынгы кесинг юретмесенг, джашау юретир.
- Джашда акъыл джокъ, къартда къарыу джокъ.
- Суу кетер, таш къалыр.
- Ишленмеген джаш – джюгенсиз ат, ишленмеген къыз – тузсуз хант.
- Чакъырылмагъан джерге барма, чакъырылгъан джерден къалма.
- Сормай – алма, чакъырылмай – барма.
- Бетинги сатма, малынгы сат.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётюрюкню башын керти кесер.
- Эки къатын алгъан – эки ташны ортасына башын салгъан.
- Битмегеннге сакъал – танг.
- Ауузу бла къуш тута айланады.
- Кёбню кёрген – кёб билир.
- Ойнай-ойнай кёз чыгъар.
- Ёксюзню къалачы уллу кёрюнюр.
- Мал ёлсе, сюек къалыр, адам ёлсе, иши къалыр.
- Азыгъы аз, алгъа къабар, аты аман, алгъа чабар.
- Ханнга да келеди хариблик.
- Эм ашхы къайын ана мамукъ бла башынгы тешер.
- Къартны бурнун сюрт да, оноугъа тут.
- Огъурлуну сёзю – суу, огъурсузну сёзю – уу.
- Телиге акъыл салгъандан эсе, ёлгеннге джан салырса.
- Гитче джилтин уллу элни джандырыр.
- Гугурук къычырмаса да, тангны атары къалмаз.
- Рысхысына кёре, джаш ёсер, къышлыгъына кёре, мал ёсер.
- Къарнынг къанлынга кийирир.
- Хар адамгъа кеси миннген тау кибик.
- Соргъан айыб тюлдю, билмеген айыбды.
- Байлыкъ тауусулур, билим тауусулмаз.
- Байлыкъ адамны сокъур этер.
- Кирсизни – саны таза, халалны – къаны таза.
- Мухардан ач ычхынмаз.
- Биреуге аманлыкъ этиб, кесинге игилик табмазса.
- Адеб базарда сатылмаз.
- Сютден ауузу кюйген, суугъа юфгюре эди.
- Къолунгдан къуймакъ ашатсанг да, атаны борчундан къутулмазса.
- Бети къызарыучу адамны, джюреги харам болмаз.
- Джылыгъа джылан илешир.
- От кюйдюрген, сау болса да, тот кюйдюрген, сау болмаз.
- Акъыл сабырлыкъ берир.
- Адам сёзге тынгыла, акъыл сёзню ангыла.
Профиль
|
|
|||