- Ишлемеген – тишлемез.
- Къалгъан ишге къар джауар.
- Тойгъандан сора, ашны сёкме.
- Аджал соруб келмез, келсе, къайтыб кетмез.
- Бети къызарыучу адамны, джюреги харам болмаз.
- Тик ёргени, тик энгишгеси да болады.
- Ариу сёз аурууунгу алыр.
- Тёрдеги кюлсе, эшикдеги ышарыр.
- Хоншуну тауугъу къаз кёрюнюр, келини къыз кёрюнюр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аманны эки битли тону болур, бирин сеннге кийдирир, бирин кеси киер.
- Этни бети бла шорпасы.
- Кесинг сынамагъан затны, адамгъа буюрма.
- Чомарт къолда мал къалмаз.
- Хатерли къул болур.
- Ёгюзню мюйюзюнден тутадыла, адамны сёзюнден тутадыла.
- Киштикге къанат битсе, чыпчыкъ къалмаз эди.
- Башы джабылгъан челекге, кир тюшмез.
- Айран тёгюлсе, джугъусу къалыр.
- Аман къатын сабий табса, бий болур…
- Къарнынг къанлынга кийирир.
- Эркишиге тары кебек танг кёрюнюр.
- Сабий кёргенин унутмаз.
- Тай асырагъан, атха минер.
- Адамны бетине къарама, адетине къара.
- Атлыны кёрсе, джаяуну буту талыр.
- Ашхы – джыяр, аман – джояр.
- Айныгъанлы алты кюн, тогъайгъанлы тогъуз кюн.
- Алма терегинден кери кетмез.
- Ёлген ийнек сютлю болур.
- Джарлыны тону джаз битер.
- Намысы болмагъанны, сыйы болмаз.
- Ётюрюкню башын керти кесер.
- Кёзню ачылгъаны – иги, ауузну джабылгъаны – иги.
- Мухар, кеси тойса да, кёзю тоймаз.
- Айырылгъанланы айю ашар, бёлюннгенлени бёрю ашар.
- Ишге юренсин къоллары, халкъ бла болсун джоллары.
- Сёз садакъдан кючлюдю.
- Аууздан келген, къолдан келсе, ким да патчах болур эди.
- Алтыннга тот къонмаз.
- Атлыны ашхысы, ат тизгининден билинир
- Сакъалы текени да бар, мыйыгъы киштикни да бар.
- Эл элде бирер малынг болгъандан эсе, бирер тенгинг болсун.
- Ариу – кёзге, акъыл – джюрекге.
- Айыбны суу бла джууалмазса.
- Борчунг бар эсе, хурджунунга ойлаб узал.
- Халкъгъа джарагъан, джарлы къалмаз.
- Хантына кёре тузу, юйюне кёре къызы.
- Адамгъа аман кюн соруб келмейди.
Профиль
|
||||