- Чомарт къолда мал къалмаз.
- Тас болгъан бычакъны сабы – алтын.
- Кёзден кетген, кёлден да кетеди.
- Aдам боллукъ, сыфатындан белгили.
- Джеринден айырылгъан – джети джылар, джуртундан айырылгъан – ёлгюнчю джылар.
- Сабий кёргенин унутмаз.
- Рысхы – сют юсюнде кёмюк кибикди.
- Билмегенинги, билгеннге сор.
- Байдан умут эте, джарлыдан ёгюз багъасы къорады.
- Хунаны тюбюн къазсанг, юсюнге ауар.
- Акъыллы эркиши атын махтар, акъылсыз эркиши къатынын махтар.
- Къазанчы аман болса, къазаны къайнамаз.
- Нарт сёз – тилни бети.
- Накъырданы арты керти болур.
- Джумушакъ терекни къурт ашар.
- Билген билмегенни юретген адетди.
- Къолу уллу – асыу, аягъы уллу – джарсыу.
- Эртде тургъан джылкъычыны эркек аты тай табар.
- Чомартха хар кюн да байрамды.
- Джаханимни кёрмей, джандетге кёл салмазса.
- Акъыл бла адеб эгизледиле.
- Джашны джигитлиги сорулур, къызны джигерлиги сорулур.
- Хаухну атма, ёнгкючню сатма.
- Иги сёз – джаннга азыкъ, аман сёз башха – къазыкъ.
- Къошда джокъгъа – юлюш джокъ.
- Терслик кетер, тюзлюк джетер.
- Тик ёргени, тик энгишгеси да болады.
- Биреу ашаб къутулур, биреу джалаб тутулур.
- Ашлыкъны арба юйге келтирир, чана базаргъа элтир.
- Тил бла келеди джыр да.
- Аманны эки битли тону болур, бирин сеннге кийдирир, бирин кеси киер.
- Танг атмайма десе да, кюн къоярыкъ тюйюлдю.
- Кёб ант этген, кёб ётюрюк айтыр.
- Иги болса, тамадама – махтау, аман болса, меннге – айыб.
- Джырына кёре эжиую.
- Рысхы – насыбха къор.
- Юй кюйдю да, кюйюз чыкъды, ортасындан тюйюш чыкъды.
- Айтхан – тынч, этген – къыйын.
- Кёл ашады да, кеси ашады.
- Таукел адам тау тешер.
- Халкъны юйю – туугъан джери.
- Ауругъаннга – кийик саулукъ, джетген къызгъа – чилле джаулукъ.
- Ачлыкъда тары гырджын халыуадан татлы.
- Накъырда – кертини келечиси.
- Ханы къызы буюгъа-буюгъа киштик болду.
- Кёлсюзден сёзсюз тууар.
- Хазыр ашха – терен къашыкъ.
- Ач отунчуну ачыуу – бурнунда.
- Ариу сёз джыланны орнундан чыгъарыр.
- Керилген да, ургъан кибикди.
Профиль
|
|
|
|||