- Байма, деб да, къууанма, джарлыма, деб да, джылама.
- Ичимден чыкъды хата, къайры барайым сата?
- Сакъалы текени да бар, мыйыгъы киштикни да бар.
- Кёбню кёрген – кёб билир.
- Джумушакъ сёз къаты таякъны сындырыр.
- Этим кетсе да, сюегим къалыр.
- Хазыр ашха – терен къашыкъ.
- Джюрекден джюрекге джол барды.
- Тойгъан антын унутур.
- Къыйынлы джети элге оноу этер.
- Ким бла джюрюсенг, аны кёзю бла кёрюнюрсе.
- Ата – билек, ана – джюрек!
- Хата – гитчеден.
- Тешигини къатында, чычхан да батыр болур.
- Сабыр джетер муратха, сабырсыз къалыр уятха.
- Хунаны тюбюн къазсанг, юсюнге ауар.
- Суугъа – чабакъ, къаягъа – ыргъакъ.
- Босагъагъа джууукъ орун болса, ашыгъыб тёрге озма.
- Сёз къанатсыз учар.
- Зар адамны насыбы болмаз.
- Ауругъаннга – кийик саулукъ, джетген къызгъа – чилле джаулукъ.
- Бозаны арты дауур болур.
- Дууулдаса – бал чибин, къонса – къара чибин.
- «Ёгюз, джаргъа джууукъ барма, меннге джюк боллукъса», - дегенди эшек.
- Туз, гырджын аша, тюзлюк бла джаша.
- Чабакъсыз кёлге къармакъ салгъанлыкъгъа, чабакъ тутмазса.
- Элиб деген, элге болушур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ишлегенден, къарагъан уста.
- Кийиминг бла танылма, адамлыкъ бла таныл.
- Уллу айтханны этмеген – уллаймаз.
- Урунуу – насыбны анасы.
- Элде адам къалмаса, ит тахтагъа минер.
- Огъурлуну сёзю – суу, огъурсузну сёзю – уу.
- Джаралыны джастыгъында сау ёлюр.
- Байлыкъ адамны сокъур этер.
- Джарашыу сюйген – джалынчакъ.
- Ашхы болсанг, атынг чыгъар, аман болсанг, джанынг чыгъар.
- Тил бла келеди джыр да.
- Магъанасыз сёз – тауушсуз сыбызгъы.
- Сакъламагъан затынга джолукъсанг, не бек къууанаса, не бек ачыйса.
- Бал – татлы, балдан да бала – татлы.
- Миллетни бойну – базыкъ, аны бла кюрешген – джазыкъ.
- Биреуню къыйынлыгъы бла кесинге джол ишлеме.
- Айтхан – тынч, этген – къыйын.
- Хатерли къул болур.
- Сормай – алма, чакъырылмай – барма.
- Башы ишлегенни, ауузу да ишлер.
- Ойнай билмеген, уруб къачар.
- Чоюнну башы ачыкъ болса, итге уят керекди.
Профиль
|
|
|
|||