- Къыйынлы джети элге оноу этер.
- Биреуге аманлыкъны тилеме да, кесинге ашхылыкъны тиле.
- Таукел тауну аудурур.
- Уясында не кёрсе, учханында аны этер.
- Тюз сёз баргъан сууну тыяр.
- Баш болса, бёрк табылыр.
- Адамны сыфатына къарама, сёзюне къара.
- Джылкъыдан – ат чыгъар, тукъумдан – джаш чыгъар.
- Ауурну тюбю бла, дженгилни башы бла джюрюген.
- Азыгъы аз, алгъа къабар, аты аман, алгъа чабар.
- Таула не мийик болсала да, аууш табылыр.
- Джаханимни кёрмей, джандетге кёл салмазса.
- Огъурлуну сёзю – суу, огъурсузну сёзю – уу.
- Къарын къуру болса, джюрек уру болур.
- Ашарыкъда сайлагъаннга – чий гырджын.
- Ана къойну – балагъа джандет.
- Биреуню къыйынлыгъы бла кесинге джол ишлеме.
- Телиге акъыл салгъандан эсе, ёлгеннге джан салырса.
- Сютден ауузу кюйген, суугъа юфгюре эди.
- Ишге юренсин къоллары, халкъ бла болсун джоллары.
- Сабий болмагъан джерде, мёлек болмаз.
- Тёзген – тёш ашар!
- Нёгерсизни джолу узун.
- От этилмеген джерден тютюн чыкъмайды.
- Кёлсюзден сёзсюз тууар.
- Сагъышы джокъ – джукъучу, акъылы джокъ – къаугъачы.
- Акъыллы эркиши атын махтар, акъылсыз эркиши къатынын махтар.
- Окъдан джара эртде-кеч болса да бителир, сёз джара, ёмюрге къалыр.
- Эртде тургъан бла эртде юйленнген сокъуранмаз.
- Иши джокъну, сыйы джокъ.
- Бек анасы джыламаз.
- Артына баргъанны, къатына барма.
- Билеги кючлю, бирни джыгъар, билими кючлю, мингни джыгъар.
- Ётюрюк хапар аякъ тюбю бла джюрюйдю.
- Тура эдим джата, къайдан чыкъды хата?
- Джылар джаш, атасыны сакъалы бла ойнар.
- Адебсиз адам – джюгенсиз ат.
- Нёгер болсанг, тенг бол, тенг болмасанг, кенг бол.
- Сёлеш деб шай берген, тохта деб, сом берген.
- Эрине къаргъыш этген къатын, эрнин къабар.
- Эринчекни аурууу – кёб.
- Тойну къарнашы – харс, джырны къарнашы – эжиу.
- Окъугъанны бети джарыкъ.
- Иги джашны ышаны – аз сёлешиб, кёб тынгылар.
- Кимни – тили, тиши онглу, кимни – къолу, иши онглу.
- Бозаны арты дауур болур.
- Аманнга игилик этсенг, юйюнге сау бармазса.
- Юй кюйдю да, кюйюз чыкъды, ортасындан тюйюш чыкъды.
- Дууулдаса – бал чибин, къонса – къара чибин.
- Ачыу алгъа келсе, акъыл артха къалады.
Профиль
|
||||