- Тойгъа алгъа да барма, тойда артха да къалма.
- Хар сёзню орну барды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тёрдеги кюлсе, эшикдеги ышарыр.
- Кёл ашады да, кеси ашады.
- Кютгени беш эчки, сызгъыргъаны уа, джерни джарады.
- Адамны аты башхача, акъылы да башхады.
- Бети – къучакълар, джюреги – бычакълар.
- Насыблы элин сюер, насыбсыз кесин сюер.
- Чалманны аллы къалай башланса, арты да алай барады.
- Къая джолда джортма, ачыкъ сёзден къоркъма.
- Акъыл аздырмаз, билим тоздурмаз.
- Айырылгъанланы айю ашар, бёлюннгенлени бёрю ашар.
- Гугурук къычырмаса да, тангны атары къалмаз.
- Урунуу – насыбны анасы.
- Башынга джетмегенни сорма.
- Ач уят къоймаз.
- Тилчи тилден къаныкъмаз.
- Джыйырма къойну юч джыйырма эбзе кюте эди.
- Адам къаллай бир ишленмесе, аллай бир кесин уллу кёреди.
- Бюгюн дуния кибик, тамбла ахыратды.
- Ётюрюк хапар аякъ тюбю бла джюрюйдю.
- Кёзюнде тереги болгъан, чёбю болгъаннга кюле эди.
- Сёлеш деб шай берген, тохта деб, сом берген.
- Чабакъсыз кёлге къармакъ салгъанлыкъгъа, чабакъ тутмазса.
- Арба аугъандан сора, джол кёргюзтюучю кёб болур.
- Арбаз къынгырды да, ийнек сауалмайма.
- Телиге от эт десенг, юйюнге от салыр.
- Уллу къашыкъ эрин джыртар.
- Аджал соруб келмез, келсе, къайтыб кетмез.
- Ёлмесенг да, къарт дамы болмазса?
- Ёзденликни кёбю ётюрюк.
- Аууз сакълагъан – джан сакълар.
- Аман адам элни бир-бирине джау этер.
- Аз сёлешген, къайгъысыз турур.
- Кесине гебен этелмеген, биреуге черен эте эди.
- Билмезни кёзю кёрмез, этмезни къулагъы эшитмез.
- Окъ къызбайны джокълайды.
- Ёлюр джаннга, ёкюл джокъ.
- Этим кетсе да, сюегим къалыр.
- Телини эшигин, махтау джабар.
- Къарын къуру болса, джюрек уру болур.
- Терек ауса, отунчу – кёб.
- Биреуге аманлыкъны тилеме да, кесинге ашхылыкъны тиле.
- Байны къызы баймакъ болса да, юйде къалмаз!
- Таукел адам тау тешер.
- Таула не мийик болсала да, аууш табылыр.
- Ана кёлю – балада, бала кёлю – талада.
- Кеси юйюмде мен да ханма.
- Билим насыб берир, билим джолну керир.
Профиль
|
|
|||