- Таукел адам тау тешер.
- Ишге юренсин къоллары, халкъ бла болсун джоллары.
- Аманны эки битли тону болур, бирин сеннге кийдирир, бирин кеси киер.
- Тойгъандан сора, ашны сёкме.
- Ашыкъгъан cуу, тенгизге джетмез.
- Рысхы джалгъанды: келген да этер, кетген да этер.
- Танг атмайма десе да, кюн къоярыкъ тюйюлдю.
- Суугъа – таянма, джаугъа – ийнанма.
- Юй ишлеген балта эшикде къалыр.
- Ауузу бла къуш тута айланады.
- Акъыл сабырлыкъ берир.
- Ач бёрюге мекям джокъ.
- Орну джокъну – сыйы джокъ.
- Тойгъан джерден туугъан джер игиди.
- Къалгъан ишге къар джауар.
- Ышармагъан – кюлмез, кюлмеген – къууанчны билмез.
- Ишлегенде эринме, ишде чолакъ кёрюнме.
- Кимни – тили, тиши онглу, кимни – къолу, иши онглу.
- Джети тилни билген джети кишиди.
- Ойнай билмеген, уруб къачар.
- Ана кёлю – балада, бала кёлю – талада.
- Адам сёзге тынгыла, акъыл сёзню ангыла.
- Окъугъанны бети джарыкъ.
- Джашда акъыл джокъ, къартда къарыу джокъ.
- Джаханимни кёрмей, джандетге кёл салмазса.
- Чомарт бергенин айтмаз.
- Суу кетер, таш къалыр.
- Адамгъа аман кюн соруб келмейди.
- Aдам боллукъ, сыфатындан белгили.
- Тойгъа алгъа да барма, тойда артха да къалма.
- Адебсиз адам – джюгенсиз ат.
- Баш болса, бёрк табылыр.
- Аджалсыз ёлюм болмаз.
- Мухар, кеси тойса да, кёзю тоймаз.
- Мадар болса, къадар болур.
- Чакъырылмагъан къонакъ тёрге атламаз.
- Эки ойлашыб, бир сёлешген.
- Ач уят къоймаз.
- Минг тенг да азды, бир джау да кёбдю.
- Ханы къызы буюгъа-буюгъа киштик болду.
- Эл тойса, тоймагъан, эл къойса, къоймагъан.
- Къар – келтирди, суу – элтди.
- Тели турса – той бузар.
- Адеб этмеген, адеб кёрмез.
- Джюз элде джюз ёгюзюм болгъандан эсе, джюз джууугъум болсун.
- Суу ичген шауданынга тюкюрме.
- Тилсиз миллет джокъ болур.
- Ишлемеген – тишлемез.
- Хансыз джомакъ болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
Профиль
|
yuiregina
 Эльбрусоид
Баллов: 0
Регистрация: 14.01.2020
Последний визит: 14.01.2020 14:47:58
|
|
||||||||||
|
|
|
||||||||||