- Билим ат болуб да чабар, къуш болуб да учар.
- Башы ишлегенни, ауузу да ишлер.
- Азыгъы аз, алгъа къабар, аты аман, алгъа чабар.
- Соргъан айыб тюлдю, билмеген айыбды.
- Тилчи бир сагъатха айлыкъ хата этер.
- Чабакъ башындан чирийди.
- Кечеси – аяз, кюню – къыш, джарлы къаргъагъа бир аш тюш!
- Айырылгъанланы айю ашар, бёлюннгенлени бёрю ашар.
- Биреуге кёлтюрген таягъынг, кесинги башынга урур.
- Ачыкъ джюрекге джол – ачыкъ.
- Къонагъынгы артмагъын алма да, алгъышын ал.
- Онгсузну – джакъла, тенгликни – сакъла.
- Ауурну тюбю бла, дженгилни башы бла джюрюген.
- Гырджын – тепсини тамадасы.
- Адам сёзюнден белгили.
- Аманны тукъумуна къарама, игини тукъумун сорма.
- Чомартха хар кюн да байрамды.
- Ётген ёмюр – акъгъан суу.
- Тамчы таш тешер.
- Башланнган иш битер, къымылдагъан тиш тюшер.
- Джангыз терек къынгыр ёсер.
- Къызбайны юйюне дери сюрсенг, батыр болур.
- Миллетни бойну – базыкъ, аны бла кюрешген – джазыкъ.
- Билмегенинги, билгеннге сор.
- Телини эшигин, махтау джабар.
- Къобан да къуру да къобханлай турмайды, адам да къуру да патчахлай турмайды.
- Тойгъа алгъа да барма, тойда артха да къалма.
- Ойнай-ойнай кёз чыгъар.
- Тулпарлыкъ, билекден тюл – джюрекден.
- Шекер бла туз – бир болмаз, ушамагъан – юй болмаз.
- Арбаз сайлама да, хоншу сайла.
- Адеб базарда сатылмаз.
- Ётюрюкчюню шагъаты – къатында.
- Бозаны арты дауур болур.
- Къайтырыкъ эшигинги, къаты уруб чыкъма.
- Тюзню ётмеги тюзде къалса да, тас болмаз.
- Тёрени джагъы джокъ.
- Баш болса, бёрк табылыр.
- Атынг аманнга чыкъгъандан эсе, джанынг тамагъынгдан чыкъсын.
- Нёгер болсанг, тенг бол, тенг болмасанг, кенг бол.
- Джылыгъа джылан илешир.
- Хар адамгъа кеси миннген тау кибик.
- Экиндини кеч къылсанг, чабыб джетер ашхам.
- Аман адам элни бир-бирине джау этер.
- Тойгъанлыкъ къойгъа джарашады.
- Атлыны кёрсе, джаяуну буту талыр.
- Къолунгдан къуймакъ ашатсанг да, атаны борчундан къутулмазса.
- Аууздан келген, къолдан келсе, ким да патчах болур эди.
- Ханнга да келеди хариблик.
- Хоншуну тауугъу къаз кёрюнюр, келини къыз кёрюнюр.
Профиль
|
||||