- Чомартха Тейри да борчлуду.
- Халкъны юйю – туугъан джери.
- Садакъачыны джаны – къапчыгъында.
- Тулпарлыкъ, билекден тюл – джюрекден.
- Келгинчи, къонакъ уялыр, келгенден сора, къонакъбай уялыр.
- Магъанасыз сёз – тауушсуз сыбызгъы.
- Ичимден чыкъды хата, къайры барайым сата?
- Джарлы тюеге минсе да, ит къабар.
- Малны кют, джерни тюрт.
- Мал тутхан – май джалар.
- Намысы болмагъанны, сыйы болмаз.
- Сабий кёргенин унутмаз.
- Кёзден кетген, кёлден да кетеди.
- Махтаннган къыз, тойда джукълар.
- Ариу – кёзге, акъыл – джюрекге.
- Бети – къучакълар, джюреги – бычакълар.
- Тойчу джашха къарама, къойчу джашха къара.
- Татлы тилде – сёз ариу, чемер къолда – иш ариу.
- Аман къатын сабий табса, бий болур…
- Ойнай билмеген, оюн бузар.
- Аз сёлеш, кёб ишле.
- Эринчекге кюн узун.
- Тау башында, тау болмаз, джангыз терек, бау болмаз.
- Оюмсуз атлагъан, аджалсыз ёлюр.
- Байма, деб да, къууанма, джарлыма, деб да, джылама.
- Къарт болгъан джерде, берекет болур, сабий болгъан джерде, оюн болур.
- Урама да – ёледи, сатама да – келеди.
- Ачлыкъда тары гырджын халыуадан татлы.
- Дуния мал дунияда къалады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чакъырылмагъан джерге барма, чакъырылгъан джерден къалма.
- Иги адам абынса да, джангылмаз.
- Хоншуну тауугъу къаз кёрюнюр, келини къыз кёрюнюр.
- Этим кетсе да, сюегим къалыр.
- Эте билген, этген этеди, эте билмеген, юретген этеди!
- Къыйынлы джети элни къайгъысын этер.
- Башынга джетмегенни сорма.
- Тенги кёбню джау алмаз, акъылы кёбню дау алмаз.
- Ашхылыкъ джерде джатмайды, аманлыкъ суугъа батмайды.
- Аш хазыр болса, иш харам болур.
- Джолунга кёре – джюрюшюнг, джагъанга кёре – юлюшюнг.
- Рысхы джалгъанды: келген да этер, кетген да этер.
- Джырына кёре эжиую.
- Башы джабылгъан челекге, кир тюшмез.
- Ышармагъан – кюлмез, кюлмеген – къууанчны билмез.
- Билмезни кёзю кёрмез, этмезни къулагъы эшитмез.
- Мен да «сен», дейме, сен да «кесим», дейсе.
- Тёзген – тёш ашар!
- Таугъа чыгъаллыкъ эсенг, тюзде къалма.
- Керек ташны ауурлугъу джокъ.
Профиль
|
|
|||