- Тёрени джагъы джокъ.
- Керек ташны ауурлугъу джокъ.
- Къобан да къуру да къобханлай турмайды, адам да къуру да патчахлай турмайды.
- Гырджын – тепсини тамадасы.
- Сакъалы текени да бар, мыйыгъы киштикни да бар.
- Ашатыргъа иш – ашхы, ишлетирге аш – ашхы.
- Азыгъы аз, алгъа къабар, аты аман, алгъа чабар.
- Дуния аламаты сен эсенг да, игиме деб айтма.
- Ач – эснер, ат – кишнер.
- Хазыр ашха – терен къашыкъ.
- Къарыусузгъа кюлме, онгсузгъа тийме.
- Баланы адам этген анады.
- Ётюрюкден тюбю джокъ, кёлтюрюрге джиби джокъ.
- Шапа кёб болса, аш татымсыз болур.
- Тойгъа барсанг, тоюб бар, эски тонунгу къоюб бар.
- Магъанасыз сёз – тауушсуз сыбызгъы.
- Адамны артындан къара сабан сюрме.
- Аманны тукъумуна къарама, игини тукъумун сорма.
- Аманнга алтын чыдамаз.
- Кёзюнде тереги болгъан, чёбю болгъаннга кюле эди.
- Тюзлюк шохлукъну бегитир.
- Ёксюзню къалачы уллу кёрюнюр.
- Игини сыйлагъан адетди.
- Чоюнну башы ачыкъ болса, итге уят керекди.
- Дуния малгъа сатылма, кесингден телиге къатылма.
- Джеринден айырылгъан – джети джылар, джуртундан айырылгъан – ёлгюнчю джылар.
- Хоншуну тауугъу къаз кёрюнюр, келини къыз кёрюнюр.
- Татлы тилде – сёз ариу, чемер къолда – иш ариу.
- Тойгъа алгъа да барма, тойда артха да къалма.
- Шайтан алдады, тюзлюк къаргъады.
- Айран ичген – къутулду, джугъусун джалагъан – тутулду.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чакъырылмай келген къонакъ сыйланмай кетер.
- Ашын ашагъанынгы, башын да сыйла.
- Къайгъыны сюйген, къайгъы табар.
- Сормай – алма, чакъырылмай – барма.
- Аш кетер да бет къалыр.
- Къонакъ хазыр болгъанлыкъгъа, къонакъбай хазыр тюлдю.
- Иги джашны ышаны – аз сёлешиб, кёб тынгылар.
- Къайгъы тюбю – тенгиз.
- Мухардан ач ычхынмаз.
- Чомартны къолун джокълукъ байлар.
- Ичимден чыкъды хата, къайры барайым сата?
- Тиширыусуз юй – отсуз от джагъа.
- Ариу сёз – къылычдан джити.
- Джюрек кёзден алгъа кёрюр.
- Акъыл бла адеб эгизледиле.
- Чыкълы кюнде чыкъмагъан, чыкъса къуру кирмеген.
- Акъылсызны джууукъгъа алма, акъыллыны кенгнге салма.
- Байлыкъ адамны сокъур этер.
Профиль
|
||||