- Баш – акъыл ючюн, акъылман – халкъ ючюн.
- Адамны адамлыгъы къыйынлыкъда айгъакъланады.
- Окъуусуз билим – джокъ, билимсиз кюнюнг – джокъ.
- Джангыз торгъай джырламаз.
- Хатерли къул болур.
- Аман эсирсе, юйюн ояр.
- Хар ишни да аллы къыйынды.
- Эр абынмай, эл танымаз.
- Джумушакъ сёз къаты таякъны сындырыр.
- Ачлыкъ отха секиртир.
- Арбаз сайлама да, хоншу сайла.
- Адам къаллай бир ишленмесе, аллай бир кесин уллу кёреди.
- Ач – эснер, ат – кишнер.
- Къызбайны юйюне дери сюрсенг, батыр болур.
- Окъуу – билимни ачхычы, окъуу – дунияны бачхычы.
- Дуния аламаты сен эсенг да, игиме деб айтма.
- Ачлыкъда тары гырджын халыуадан татлы.
- Иши джокъну, сыйы джокъ.
- Ач уят къоймаз.
- Къызны минг тилер, бир алыр.
- Къая джолда джортма, ачыкъ сёзден къоркъма.
- Ариуну – ауруу кёб.
- Акъыллы эркиши атын махтар, акъылсыз эркиши къатынын махтар.
- Аманнга игилик этсенг, юйюнге сау бармазса.
- Алма терегинден кери кетмез.
- Окъумагъан сокъурду, сокъур ташха абыныр!
- Ариу – кёзге, акъыл – джюрекге.
- Керилген да, ургъан кибикди.
- Билимден уллу байлыкъ джокъду.
- Тёрде – темир таякълы, къаяда – чыпчыкъ аякълы.
- Билмейме деген – бир сёз
- Татлы сёз – балдан татлы.
- Эшекни не къадар тюйсенг да, ат болмаз.
- Юй ишлеген балта эшикде къалыр.
- Ана кёлю – балада, бала кёлю – талада.
- Джаз бир кюнню джатсанг, къыш талай кюнню абынырса.
- Элге къуллукъ этмеген, элге ие болмаз.
- Аш хазыр болса, иш харам болур.
- Къан бла кирген, джан бла чыгъар.
- Тойгъанлыкъ къойгъа джарашады.
- Ёлген ийнек сютлю болур.
- Абынмазлыкъ аякъ джокъ, джангылмазлыкъ джаякъ джокъ.
- Акъыллы башны – тили къысха.
- Телиге от эт десенг, юйюнге от салыр.
- Башынга джетмегенни сорма.
- Накъырда – кертини келечиси.
- Тилде сюек болмаса да, сюек сындырыр.
- Ашха уста, юйюнде болсун
- Керек ташны ауурлугъу джокъ.
- Ачны эсинде – аш.
Профиль
|
|
|
|||