- Аякъларынгы джууургъанынга кёре узат.
- Эрни эр этерик да, къара джер этерик да, тиширыуду.
- Тенгинг джокъ эсе – изле, бар эсе – сакъла!
- Шекер бла туз – бир болмаз, ушамагъан – юй болмаз.
- Ачны эсинде – аш.
- Накъырданы арты керти болур.
- Джылар джаш, атасыны сакъалы бла ойнар.
- Къарт бла баш аша, джаш бла аякъ аша.
- Акъыл аздырмаз, билим тоздурмаз.
- Ётюрюкню къуйругъу – бир тутум.
- Ашхы – джыяр, аман – джояр.
- Дуния малгъа сатылма, кесингден телиге къатылма.
- Джылыгъа джылан илешир.
- Къызын тута билмеген, тул этер, джашын тута билмеген, къул этер.
- Мен да «сен», дейме, сен да «кесим», дейсе.
- Аман къатын сабий табса, бий болур…
- Къошда джокъгъа – юлюш джокъ.
- Джуртун къоругъан озар.
- Аманны къуугъан, аманлыкъ табар.
- Къаллай салам берсенг, аллай джууаб алырса.
- Айыбны суу бла джууалмазса.
- Эки къатын алгъан – эки ташны ортасына башын салгъан.
- Сабийни джумушха джибер да, ызындан бар.
- Уллу къазанда бишген эт, чий къалмаз.
- Эринчекни аурууу – кёб.
- Ат да турмайды бир териде.
- Азыкълы ат арымаз, къатыны аман джарымаз.
- Элиб деген, элге болушур.
- Тилчи бир сагъатха айлыкъ хата этер.
- Сёз сёзню айтдырыр.
- Джаханимни кёрмей, джандетге кёл салмазса.
- Ариу сёз джыланны орнундан чыгъарыр.
- Алим болгъандан эсе, адам болгъан къыйынды.
- Гугурук къычырмаса да, тангны атары къалмаз.
- Накъырда – кертини келечиси.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ачлыкъ отха секиртир.
- Къыйынлы джети элге оноу этер.
- Халкъны юйю – туугъан джери.
- Юй кюйдю да, кюйюз чыкъды, ортасындан тюйюш чыкъды.
- Керти сёзге тёре джокъ.
- Кёб къычыргъандан – къоркъма, тынч олтургъандан – къоркъ.
- Чакъырылмагъан джерге барма, чакъырылгъан джерден къалма.
- Эркишиге тары кебек танг кёрюнюр.
- Эшекге миннген – биринчи айыб, андан джыгъылгъан – экинчи айыб.
- Намысы болмагъанны, сыйы болмаз.
- Чарсда алчыны эл кёреди.
- Джангыз терек къынгыр ёсер.
- Минг тенг да азды, бир джау да кёбдю.
- Билим къая тешер.
Профиль
|
|
|||