- Хантына кёре тузу, юйюне кёре къызы.
- Адам туугъан джеринде, ит тойгъан джеринде.
- Азыкъ аз болса, эртде орун сал.
- Ашхы атаны – джашы ашхы, ашхы ананы – къызы ашхы.
- Акъыл неден да кючлюдю.
- Эшекни не къадар тюйсенг да, ат болмаз.
- Эллинг бла джау болсанг да, юйюнг бла джау болма.
- Ана къолу ачытмаз.
- Джол бла сёзню къыйыры джокъ.
- Соргъан айыб тюлдю, билмеген айыбды.
- Алим болгъандан эсе, адам болгъан къыйынды.
- Джаным-тиним – окъуу, билим.
- Кёбден умут этиб, аздан къуру къалма.
- Эл бла кёргенинг эрелей.
- Атлыны ашхысы, ат тизгининден билинир
- Тюкюрюк баш джармаз, налат кёз чыгъармаз!
- Сууда джау джокъ, кёб сёзде магъана джокъ.
- Урунуу – насыбны анасы.
- Аджаллыгъа окъсуз шкок атылыр.
- Адам сёзюнден белгили.
- Ашхы адам – халкъ байлыгъы, ашхы джер – джашау байлыгъы.
- Чомартны къолун джокълукъ байлар.
- Игиге айтсанг – билир, аманнга айтсанг – кюлюр.
- Тик ёргени, тик энгишгеси да болады.
- Ат да турмайды бир териде.
- Мал тутхан – май джалар.
- Телиге акъыл салгъандан эсе, ёлгеннге джан салырса.
- Ачыкъ джюрекге джол – ачыкъ.
- Байлыкъ келсе, акъыл кетер.
- Ашхылыкъ джерде джатмайды, аманлыкъ суугъа батмайды.
- Къарыусузгъа кюлме, онгсузгъа тийме.
- Зар адам ашынгы ашар, кесинги сатар.
- Насыблы элин сюер, насыбсыз кесин сюер.
- Окъугъан – асыу, окъумагъан – джарсыу.
- Битмегеннге сакъал – танг.
- Мени джылытмагъан кюн, меннге тиймесин!
- Этни бети бла шорпасы.
- Дуния малгъа сатылма, кесингден телиге къатылма.
- Азыгъы аз, алгъа къабар, аты аман, алгъа чабар.
- Ишлегенден, къарагъан уста.
- Башынга джетмегенни сорма.
- Суу кетер, таш къалыр.
- Адамны сыфатына къарама, сёзюне къара.
- Сёз садакъдан кючлюдю.
- Келлик заман – къартлыкъ келтирир, кетген заман – джашлыкъ ёлтюрюр.
- Атынг аманнга чыкъгъандан эсе, джанынг тамагъынгдан чыкъсын.
- Къыз келсе, джумуш эте келеди, къатын келсе, ушакъ эте келеди.
- Башы джабылгъан челекге, кир тюшмез.
- Ёлюр джаннга, ёкюл джокъ.
- Чомарт бергенин айтмаз.
Профиль
|
|
|
|||