- Ауругъаннга – кийик саулукъ, джетген къызгъа – чилле джаулукъ.
- Акъыл неден да кючлюдю.
- Къызны минг тилер, бир алыр.
- Душманны тышы – акъ, ичи – къара.
- Айтхан сёзюне табылгъан.
- Джолунга кёре – джюрюшюнг, джагъанга кёре – юлюшюнг.
- Уясында не кёрсе, учханында аны этер.
- Ишни ахырын ойламай, аллын башлама.
- Нарт сёз къарт болмаз.
- Хар зат кесини орнуна иги.
- Джюрек кёзден алгъа кёрюр.
- Тойгъанлыкъ къойгъа джарашады.
- Бек анасы джыламаз.
- Адеб этмеген, адеб кёрмез.
- Акъыллы айтыр эди, акъылсыз къоймайды.
- Юй ишлеген балта эшикде къалыр.
- Илму – джашауну джолу.
- Ойнаб айтсанг да, эслеб айт.
- Борчунг бар эсе, хурджунунга ойлаб узал.
- Къарт бла баш аша, джаш бла аякъ аша.
- Ойнай билмеген, уруб къачар.
- Мухар, кеси тойса да, кёзю тоймаз.
- Къумурсхала джыйылсала, пилни да джыгъадыла.
- Эринчекни эр алмаз, эр алса да, кёл салмаз, кёл салса да, кёб бармаз!
- Адамны адамлыгъы къыйынлыкъда айгъакъланады.
- Байны къызы баймакъ болса да, юйде къалмаз!
- «Ёгюз, джаргъа джууукъ барма, меннге джюк боллукъса», - дегенди эшек.
- Сабыр джетер муратха, сабырсыз къалыр уятха.
- Ариу сёзде ауруу джокъ.
- Аз сёлешген, къайгъысыз турур.
- Ётюрюк хапар аякъ тюбю бла джюрюйдю.
- Къулакъдан эсе, кёзге ышан.
- Тилчи бир сагъатха айлыкъ хата этер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чомарт къонакъ юй иесин сыйлар.
- Кесинг сынамагъан затны, адамгъа буюрма.
- Тиширыусуз юй – отсуз от джагъа.
- Аманны тукъумуна къарама, игини тукъумун сорма.
- Къайгъы тюбю – тенгиз.
- Чакъырылмагъан къонакъ къачан кетерин сормаз.
- Чоюнну башы ачыкъ болса, итге уят керекди.
- Мураты болгъанны джюрек тебюую башхады.
- Чакъырылгъанны аты, чакъырылмагъанны багъасы болур.
- Джигер – джаннга къыйынлыкъ.
- Эл элде бирер малынг болгъандан эсе, бирер тенгинг болсун.
- Байны оноуу, джарлыгъа джарамаз.
- Джашынгы кесинг юретмесенг, джашау юретир.
- Биреуге аманлыкъны тилеме да, кесинге ашхылыкъны тиле.
- Ариу сёз – къылычдан джити.
- Къозулугъунда тоймагъан, къойлугъунда тоймаз.
Профиль
|
||||