- Кютгени беш эчки, сызгъыргъаны уа, джерни джарады.
- Адамны сабийин сюйген джюреги, бычакъча, джитиди.
- Эм уллу байлыкъ – джан саулукъ.
- Ач къарным, тынч къулагъым.
- Джылар джаш, атасыны сакъалы бла ойнар.
- Байлыкъ болгъан джерде, тынчлыкъ джокъду.
- Чабакъгъа акъыл, табагъа тюшсе келеди.
- Ашаса, ашамаса да, бёрюню ауузу – къан.
- Ашхы сёз таш тешер.
- Артына баргъанны, къатына барма.
- Суугъа – чабакъ, къаягъа – ыргъакъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Ойнай-ойнай кёз чыгъар.
- Уясында не кёрсе, учханында аны этер.
- Аман эсирсе, юйюн ояр.
- Тилчи тилден къаныкъмаз.
- Айтханы чапыракъдан ётмеген.
- Къатын къылыкъсыз, эр тынчлыкъсыз.
- Джеринден айырылгъан – джети джылар, джуртундан айырылгъан – ёлгюнчю джылар.
- Терек ауса, отунчу – кёб.
- Ётюрюкден тюбю джокъ, кёлтюрюрге джиби джокъ.
- Тёрдеги кюлсе, эшикдеги ышарыр.
- Аякъларынгы джууургъанынга кёре узат.
- Игиге айтсанг – билир, аманнга айтсанг – кюлюр.
- Дуния малгъа сатылма, кесингден телиге къатылма.
- Келинни – келгинчи, бёркню кийгинчи кёр.
- Танг атмайма десе да, кюн къоярыкъ тюйюлдю.
- Этни да ашады, бетни да ашады.
- Аз айтсам, кёб ангылагъыз.
- Тюзлюк шохлукъну бегитир.
- Къарны аманнга къазан такъдырма, къолу аманнга от джакъдырма.
- Чакъырылмагъан къонакъ къачан кетерин сормаз.
- Тойчу джашха къарама, къойчу джашха къара.
- Аз сёлешген, къайгъысыз турур.
- Тёрени джагъы джокъ.
- Айтхан сёзюне табылгъан.
- Ёгюзню мюйюзлери ауурлукъ этмейдиле.
- Бир абыннган – минг сюрюнюр.
- Гитче джилтин уллу элни джандырыр.
- Ёлген аслан – сау чычхан.
- Чомартны къолу берекет.
- Игини сыйлагъан адетди.
- Намыс сатылыб алынмайды.
- Къатыны харакетли болса, эри къымсыз болур.
- Ата – баланы уясы.
- Уллу къазанда бишген эт, чий къалмаз.
- Бёрю да ач къалмасын, эчки да ашалмасын.
- Уллу къашыкъ эрин джыртар.
- Ётюрюкчюню шагъаты – къатында.
- Джангызны оту джарыкъ джанмаз!
Профиль
|
stroycapitalcomua
 Эльбрусоид
Баллов: 0
Регистрация: 29.04.2019
Последний визит: 29.04.2019 18:25:29
|
|
||||||
|
|
|
||||||