- Кюлме джашха – келир башха.
- Къыз келсе, джумуш эте келеди, къатын келсе, ушакъ эте келеди.
- Адеб джокъда, намыс джокъ.
- Башы ишлегенни, ауузу да ишлер.
- Хар сёзню орну барды.
- Чабакъсыз кёлге къармакъ салгъанлыкъгъа, чабакъ тутмазса.
- Джиби бир къат джетмей эди да, эки къат тарта эди.
- Дууулдаса – бал чибин, къонса – къара чибин.
- Хар зат кесини орнуна иги.
- Бал ашаргъа сюе эсенг, чибин ургъаннга тёз.
- Къазанчы аман болса, къазаны къайнамаз.
- Бир абыннган – минг сюрюнюр.
- Нарт сёз – тилни бети.
- Иги адамны бир сёзю эки болмаз.
- Къарт бла баш аша, джаш бла аякъ аша.
- Ишлегенде эринме, ишде чолакъ кёрюнме.
- Сабыр джетер муратха, сабырсыз къалыр уятха.
- Ач бёрюге мекям джокъ.
- Кюн – узун, ёмюр – къысха.
- Мал кёб болса, джууукъ кёб болур.
- Тиширыусуз юй – отсуз от джагъа.
- Къатын байлыкъны сюер, эр саулукъну сюер.
- Джеринден айырылгъан – джети джылар, джуртундан айырылгъан – ёлгюнчю джылар.
- Эшекни не къадар тюйсенг да, ат болмаз.
- Къыз тиширыу кеси юйюнде да къонакъды.
- Акъдан къара болмаз.
- Кёзюнде тереги болгъан, чёбю болгъаннга кюле эди.
- Ургъан суудан башынгы сакъла.
- Эшекге миннген – биринчи айыб, андан джыгъылгъан – экинчи айыб.
- Тойгъан антын унутур.
- Адамгъа аман кюн соруб келмейди.
- Ётюрюкден тюбю джокъ, кёлтюрюрге джиби джокъ.
- Насыб бютеу халкъны юлюшюдю.
- Ашхы сёз таш тешер.
- Ашына кёре табагъы, балына кёре къалагъы.
- Чомарт джарлы болмаз.
- Биреуню тёрюнден, кесинги эшик артынг игиди.
- Экиндини кеч къылсанг, чабыб джетер ашхам.
- Джюрекден джюрекге джол барды.
- Юй ишлеген балта эшикде къалыр.
- Этни да ашады, бетни да ашады.
- Хатерли къул болур.
- Къазанны башы ачыкъ болса, итге уят керекди.
- Къая джолда джортма, ачыкъ сёзден къоркъма.
- Къартха ушагъан джаш – акъыллы, джашха ушагъан къарт – тели.
- Тик ёргени, тик энгишгеси да болады.
- Таукел тауну аудурур.
- Къобан да къуру да къобханлай турмайды, адам да къуру да патчахлай турмайды.
- Ата – билек, ана – джюрек!
- Къарны аманнга къазан такъдырма, къолу аманнга от джакъдырма.
Профиль
|
||||