- Кёбден умут этиб, аздан къуру къалма.
- Хансыз джомакъ болмаз.
- Хоншуну тауугъу къаз кёрюнюр, келини къыз кёрюнюр.
- Атадан ёксюз – бир ёксюз, анадан ёксюз – эки ёксюз.
- Къазанчы аман болса, къазаны къайнамаз.
- Рысхы джалгъанды: келген да этер, кетген да этер.
- Терек ауса, отунчу – кёб.
- Урама да – ёледи, сатама да – келеди.
- Тешик этген тынчды, аны джамагъан къыйынды.
- Тил джюрекге джол ишлейди.
- Ашхы болсанг, атынг чыгъар, аман болсанг, джанынг чыгъар.
- Эркишиге тары кебек танг кёрюнюр.
- Къобан да къуру да къобханлай турмайды, адам да къуру да патчахлай турмайды.
- Харам къарнашдан, халал тенг ашхы.
- Эри аманны, къатыны – аман.
- Билими азны – ауузунда кирит.
- Ашатыргъа иш – ашхы, ишлетирге аш – ашхы.
- Аууз сакълагъан – джан сакълар.
- Огъурлуну сёзю – суу, огъурсузну сёзю – уу.
- Бети бедерден, намыс сакълама.
- Къулакъдан эсе, кёзге ышан.
- Ашхы атаны – джашы ашхы, ашхы ананы – къызы ашхы.
- Адеб джокъда, намыс джокъ.
- Ёмюрлюк шохлукъну джел элтмез.
- Чомартха Тейри да борчлуду.
- Юре билмеген ит, къонакъ келтирир.
- Ишлегенден, къарагъан уста.
- Ариу сёз аурууунгу алыр.
- Танг атмайма десе да, кюн къоярыкъ тюйюлдю.
- Магъанасыз сёз – тауушсуз сыбызгъы.
- Бюгюн дуния кибик, тамбла ахыратды.
- Юй ишлеген балта эшикде къалыр.
- Кёб къычыргъандан – къоркъма, тынч олтургъандан – къоркъ.
- Бети къызарыучу адамны, джюреги харам болмаз.
- Къарын къуру болса, джюрек уру болур.
- Дуния аламаты сен эсенг да, игиме деб айтма.
- Джашынгы кесинг юретмесенг, джашау юретир.
- Игини сыйлагъан адетди.
- Соргъан айыб тюлдю, билмеген айыбды.
- Нафысынгы айтханын этме, намысынгы айтханын эт.
- Мал ёлсе, сюек къалыр, адам ёлсе, иши къалыр.
- Ач къарынны, токъ билмез
- Къыз келсе, джумуш эте келеди, къатын келсе, ушакъ эте келеди.
- Эрни эр этерик да, къара джер этерик да, тиширыуду.
- Уясында не кёрсе, учханында аны этер.
- Джырчы джырчыгъа – къарнаш.
- Суугъа – чабакъ, къаягъа – ыргъакъ.
- Таукел тауну аудурур.
- Ёлген аслан – сау чычхан.
- Къонагъынгы артмагъын алма да, алгъышын ал.
Профиль
|
||||