- Зар адамны насыбы болмаз.
- Ариуну – ауруу кёб.
- Махтаннган къыз, тойда джукълар.
- Ата Джуртча джер болмаз, туугъан элча эл болмаз.
- Алма терегинден кери кетмез.
- Эшекге миннген – биринчи айыб, андан джыгъылгъан – экинчи айыб.
- Хазыр ашха – терен къашыкъ.
- Къыз чыгъаргъан – къызыл къымжа.
- Керти сёзге тёре джокъ.
- Соргъан айыб тюлдю, билмеген айыбды.
- Ашарыкъда сайлагъаннга – чий гырджын.
- Къарнынг бла ёч алма.
- Керек ташны ауурлугъу джокъ.
- Аджал соруб келмез, келсе, къайтыб кетмез.
- Адамгъа аман кюн соруб келмейди.
- Чакъырылмагъан къонакъ тёрге атламаз.
- Ач къалгъандан, кеч къалгъан къолай.
- Узун джолну барсанг, бюгюн келирсе, къысха джолну барсанг, тамбла келирсе.
- Иги сеники эсе да, сюйген кесимикин этеме.
- Тилде сюек болмаса да, сюек сындырыр.
- Башсыз урчукъ тюзюне айланмаз.
- Накъырданы арты керти болур.
- Къонагъынгы артмагъын алма да, алгъышын ал.
- Аманнга алтын чыдамаз.
- Джигер – джаннга къыйынлыкъ.
- Таукелге нюр джауар.
- Татлы тилде – сёз ариу, чемер къолда – иш ариу.
- Кёб къычыргъандан – къоркъма, тынч олтургъандан – къоркъ.
- Алтыда кюлмеген, алтмышда кюлмез.
- Кийим тукъум сордурур.
- Ачыкъ джюрекге джол – ачыкъ.
- Ашха уста, юйюнде болсун
- Къыз тиширыу кеси юйюнде да къонакъды.
- Тиширыусуз юй – отсуз от джагъа.
- Иги – алгъыш этер, аман – къаргъыш этер.
- Элни кючю – эмеген.
- Байдан умут эте, джарлыдан ёгюз багъасы къорады.
- Адамны джюреги нени кёрюрге сюйсе, кёзю да аны кёрюрге ёч болады.
- Тойгъан джерге джети къайт.
- Баргъанынга кёре болур келгенинг.
- Ачлыкъ отха секиртир.
- Кёрмегеннге кебек – танг, битмегеннге сакъал – танг.
- Къралынгы – душмандан, башынгы от бла суудан сакъла.
- Джаханимни кёрмей, джандетге кёл салмазса.
- Бюгюн дуния кибик, тамбла ахыратды.
- Сууда джау джокъ, кёб сёзде магъана джокъ.
- Тамырсыз терекге таянма – джыгъылырса.
- Абынмазлыкъ аякъ джокъ, джангылмазлыкъ джаякъ джокъ.
- Къонакъ аман болса, къонакъбай джунчур
- Ашаса, ашамаса да, бёрюню ауузу – къан.
Профиль
|
||||