- Тюзлюк шохлукъну бегитир.
- Джаным-тиним – окъуу, билим.
- Башланнган иш битер, къымылдагъан тиш тюшер.
- Уруну арты – къуру.
- Хантына кёре тузу, юйюне кёре къызы.
- Элни кючю – эмеген.
- Насыб бютеу халкъны юлюшюдю.
- Кёкдеги болмаса, джердегин кёрмейди.
- Бек анасы джыламаз.
- Ханы къызы буюгъа-буюгъа киштик болду.
- Сабий кёргенин унутмаз.
- Къолу уллу – асыу, аягъы уллу – джарсыу.
- Билим насыб берир, билим джолну керир.
- Тойгъан джерден туугъан джер игиди.
- Сёз къанатсыз учар.
- Сютню башын джалагъан къутулур, тюбюн ичген тутулур.
- Аманнга алтын чыдамаз.
- Билимсиз иш бармаз.
- Эллинг бла джау болсанг да, юйюнг бла джау болма.
- Сёз сёзню айтдырыр.
- Халкъны юйю – туугъан джери.
- Кёрмегеннге кебек – танг, битмегеннге сакъал – танг.
- Тойну къарнашы – харс, джырны къарнашы – эжиу.
- Къалгъан ишге къар джауар.
- Ариу – кёзге, акъыл – джюрекге.
- Шайтан алдады, тюзлюк къаргъады.
- Нарт сёз къарт болмаз.
- Тойчу джашха къарама, къойчу джашха къара.
- Аууз сакълагъан – джан сакълар.
- Кёб ант этген, кёб ётюрюк айтыр.
- Бичгенде ашыкъма, тикгенде ашыкъ.
- Акъыл къартда, джашда тюйюлдю – башдады.
- Къуллукъчума, деб махтанма, къуллукъ – хаух джамчыды!
- Къарын къуру болса, джюрек уру болур.
- Хата – гитчеден.
- Хар ишни да аллы къыйынды.
- Тил – кесген бычакъ, сёз – атылгъан окъ.
- Ётюрюкден тюбю джокъ, кёлтюрюрге джиби джокъ.
- Аджал соруб келмез, келсе, къайтыб кетмез.
- Хар адамгъа кеси миннген тау кибик.
- Къууут – джелге, берне – бошха.
- Ашхы адам – халкъ байлыгъы, ашхы джер – джашау байлыгъы.
- Биреу ашаб къутулур, биреу джалаб тутулур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Нарт сёз – тилни бети.
- Бал – татлы, балдан да бала – татлы.
- Таш бла ургъанны, аш бла ур.
- Азыкъ аз болса, эртде орун сал.
- Узун джолну барсанг, бюгюн келирсе, къысха джолну барсанг, тамбла келирсе.
- Элде адам къалмаса, ит тахтагъа минер.
Профиль
|
|
|||