- Эшекни не къадар тюйсенг да, ат болмаз.
- Джюз элде джюз ёгюзюм болгъандан эсе, джюз джууугъум болсун.
- Халкъгъа джарагъан, джарлы къалмаз.
- Урама да – ёледи, сатама да – келеди.
- Иши джокъну, сыйы джокъ.
- Азыкълы ат арымаз, къатыны аман джарымаз.
- Къыз келсе, джумуш эте келеди, къатын келсе, ушакъ эте келеди.
- Айранын берсенг, челегин да къызгъанма.
- Джашны джигитлиги сорулур, къызны джигерлиги сорулур.
- Байны къызы баймакъ болса да, юйде къалмаз!
- Ким бла джюрюсенг, аны кёзю бла кёрюнюрсе.
- Уллу сёлешме да, уллу къаб.
- Иги болса, тамадама – махтау, аман болса, меннге – айыб.
- Биреуню эскиси биреуге джангы болмайды.
- Ашхы атаны – джашы ашхы, ашхы ананы – къызы ашхы.
- Хар сёзню орну барды.
- Къартха ушагъан джаш – акъыллы, джашха ушагъан къарт – тели.
- Аурууну келиую тынч, кетиую – къыйын.
- Бек ашыкъгъан меннге джетсин, дегенди аракъы.
- Эри аманны, къатыны – аман.
- Къарт бла баш аша, джаш бла аякъ аша.
- Байлыкъ тауусулур, билим тауусулмаз.
- Тенгни тенглиги джашай барсанг билинир.
- Къарны аманнга къазан такъдырма, къолу аманнга от джакъдырма.
- Хунаны тюбюн къазсанг, юсюнге ауар.
- «Ёгюз, джаргъа джууукъ барма, меннге джюк боллукъса», - дегенди эшек.
- Бал чибинни ургъаны – ачы, балы – татлы.
- Гитче джилтин уллу элни джандырыр.
- Башынга джетмегенни сорма.
- Эртде тургъан джылкъычыны эркек аты тай табар.
- Ёлюк кебинсиз къалмаз.
- Айранны сюйген, ийнек тутар.
- Ариу – кёзге, акъыл – джюрекге.
- Юйлю уругъа ит чабмаз.
- Ариу сёзде ауруу джокъ.
- Магъанасыз сёз – тауушсуз сыбызгъы.
- Кёкдеги болмаса, джердегин кёрмейди.
- Игини сыйлагъан адетди.
- Хансыз джомакъ болмаз.
- Тилчи бир сагъатха айлыкъ хата этер.
- Юй ишлеген балта эшикде къалыр.
- Джарлыны эшигин махтагъан джабар.
- Къолунгдан къуймакъ ашатсанг да, атаны борчундан къутулмазса.
- Сютню башын джалагъан къутулур, тюбюн ичген тутулур.
- Бет бетге къараса, бет да джерге къарар.
- Айраннга суу къош, телиге джол бош.
- Аман адам этегингден тутса, кес да къач.
- Джылкъыдан – ат чыгъар, тукъумдан – джаш чыгъар.
- Биреу ашаб къутулур, биреу джалаб тутулур.
- Ач, тоймам, дейди, тойгъан, ач болмам, дейди.
Профиль
|
calgarymoverspro
 Эльбрусоид
Баллов: 0
Регистрация: 08.01.2019
Последний визит: 08.01.2019 18:11:13
|
|
||||||
|
|
|
||||||