- Абынмазлыкъ аякъ джокъ, джангылмазлыкъ джаякъ джокъ.
- Уруну арты – къуру.
- Окъуу – билимни ачхычы, окъуу – дунияны бачхычы.
- Къулакъдан эсе, кёзге ышан.
- Биреу ашаб къутулур, биреу джалаб тутулур.
- Ата Джуртча джер болмаз, туугъан элча эл болмаз.
- Иги сеники эсе да, сюйген кесимикин этеме.
- Окъ къызбайны джокълайды.
- Аз сёлеш, кёб ишле.
- Тура эдим джата, къайдан чыкъды хата?
- Игини сыйлагъан адетди.
- Ёгюзню мюйюзлери ауурлукъ этмейдиле.
- Аман къатын алгъан, арыр, иги къатын алгъан джарыр.
- Айтылгъан буйрукъ, сёгюлмез
- Кимни – тили, тиши онглу, кимни – къолу, иши онглу.
- Ашлыкъ – бюртюкден, джюн – тюкден.
- Адам къыйынлыгъын кёлтюрюр, зауукълугъун кёлтюрмез.
- Къонагъынгы артмагъын алма да, алгъышын ал.
- Чомартха хар кюн да байрамды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ат да турмайды бир териде.
- Сёз къанатсыз учар.
- Бети – къучакълар, джюреги – бычакълар.
- Джаханимни кёрмей, джандетге кёл салмазса.
- Берекет берсин деген джерде, берекет болур.
- Сагъыш – къартлыкъгъа сюйюмчю.
- Кирсизни – саны таза, халалны – къаны таза.
- Джолунга кёре – джюрюшюнг, джагъанга кёре – юлюшюнг.
- Артына баргъанны, къатына барма.
- Аджашхан тёгерек айланыр.
- Эллинг бла джау болсанг да, юйюнг бла джау болма.
- Къызгъанчдан ычхыныр, мухардан ычхынмаз.
- Гитче джилтин уллу элни джандырыр.
- Келинин тута билмеген, къул этер, къызын тута билмеген, тул этер.
- Кёлсюзден сёзсюз тууар.
- Арпа, будай – ащды, алтын, кюмюш а – ташды.
- Зар адамны насыбы болмаз.
- Окъумагъан сокъурду, сокъур ташха абыныр!
- Тюзлюк шохлукъну бегитир.
- Сагъышы джокъ – джукъучу, акъылы джокъ – къаугъачы.
- Кесинге джетмегенни, кёб сёлешме.
- Сакъалы текени да бар, мыйыгъы киштикни да бар.
- Джашда акъыл джокъ, къартда къарыу джокъ.
- Тин – байлыгъынг, терен саулугъунг.
- Кесине гебен этелмеген, биреуге черен эте эди.
- Ариу сёз джыланны орнундан чыгъарыр.
- Ёлюр джаннга, ёкюл джокъ.
- Джигер – джаннга къыйынлыкъ.
- Эшекни не къадар тюйсенг да, ат болмаз.
- Къонагъы джокъну – шоху джокъ.
Профиль
|
|
|
|||