- Бичгенде ашыкъма, тикгенде ашыкъ.
- Игини сыйлагъан адетди.
- Джашлыкъ этмеген, башлыкъ этмез.
- Сабыр джетер муратха, сабырсыз къалыр уятха.
- Къарын къуру болса, джюрек уру болур.
- Кечеси – аяз, кюню – къыш, джарлы къаргъагъа бир аш тюш!
- Ата Джуртуму башы болмасам да, босагъасында ташы болайым.
- Тилчи бир сагъатха айлыкъ хата этер.
- Уллу суу бла уллу ауруудан башынгы сакъла.
- Ёзденликни джайгъан – джокълукъ.
- Байны къызы баймакъ болса да, юйде къалмаз!
- Бермеген къол, алмайды.
- Чомартха Тейри да борчлуду.
- Ач отунчуну ачыуу – бурнунда.
- Джашда акъыл джокъ, къартда къарыу джокъ.
- Таугъа чыгъаллыкъ эсенг, тюзде къалма.
- Ашхы адам – халкъ байлыгъы, ашхы джер – джашау байлыгъы.
- Къартны бурнун сюрт да, оноугъа тут.
- Къонакъны къачан кетерин сорма, къачан келлигин сор.
- Башланнган иш битер, къымылдагъан тиш тюшер.
- Агъач халкъгъа алтынды, иссиликге салкъынды.
- Сангырау къулакъ эл бузар.
- Адамны сабийин сюйген джюреги, бычакъча, джитиди.
- Миллетни бойну – базыкъ, аны бла кюрешген – джазыкъ.
- Джырына кёре эжиую.
- Дуния аламаты сен эсенг да, игиме деб айтма.
- Бюгюн дуния кибик, тамбла ахыратды.
- Кеси юйюмде мен да ханма.
- Къазанчы аман болса, къазаны къайнамаз.
- Къонакъ хазыр болгъанлыкъгъа, къонакъбай хазыр тюлдю.
- Накъырданы арты керти болур.
- Биреуге аманлыкъ этиб, кесинге игилик табмазса.
- Босагъагъа джууукъ орун болса, ашыгъыб тёрге озма.
- Аллахдан тилесенг, кёб тиле.
- Кенгеш болса, уруш болмаз.
- Ауузу бла къуш тута айланады.
- Ёлген аслан – сау чычхан.
- Тойгъанлыкъ къойгъа джарашады.
- Джиби бир къат джетмей эди да, эки къат тарта эди.
- Алгъанда – джууукъ, бергенде – джау.
- Джангыз терек къынгыр ёсер.
- Хар сёзню орну барды.
- Къумурсхала джыйылсала, пилни да джыгъадыла.
- Тойгъа алгъа да барма, тойда артха да къалма.
- Къонакъ кёб келюучю юйню, къазаны отдан тюшмез.
- Кёл – къызбай, къол – батыр.
- Билимсиз иш бармаз.
- Соргъан айыб тюлдю, билмеген айыбды.
- Ётген ёмюр – акъгъан суу.
- Чакъырылгъанны аты, чакъырылмагъанны багъасы болур.
Профиль
|
||||