- Аурууну келиую тынч, кетиую – къыйын.
- Къыз чыгъаргъан – къызыл къымжа.
- Иги сеники эсе да, сюйген кесимикин этеме.
- Сыфатында болмагъаны, суратында болмаз.
- Айтханы чапыракъдан ётмеген.
- Акъылсызны джууукъгъа алма, акъыллыны кенгнге салма.
- Аш хазыр болса, иш харам болур.
- Келинни – келгинчи, бёркню кийгинчи кёр.
- Ашатыргъа иш – ашхы, ишлетирге аш – ашхы.
- Джырчы джырчыгъа – къарнаш.
- Тюкюрюк баш джармаз, налат кёз чыгъармаз!
- Джан саулукъ бермей, сан саулукъ бермезсе.
- Ашхы адам – халкъ байлыгъы, ашхы джер – джашау байлыгъы.
- Джогъун бар этген, барын бал этген.
- Кютгени беш эчки, сызгъыргъаны уа, джерни джарады.
- Аман эсирсе, юйюн ояр.
- Эки къатын алгъан – эки ташны ортасына башын салгъан.
- Тойгъан антын унутур.
- Тенгинг джокъ эсе – изле, бар эсе – сакъла!
- Айыбны суу бла джууалмазса.
- Эл тойса, тоймагъан, эл къойса, къоймагъан.
- Сакъ юйюне сау барыр.
- Акъыллы айтыр эди, акъылсыз къоймайды.
- Суу да къайтады чыкъгъан джерине.
- Ётюрюк хапар аякъ тюбю бла джюрюйдю.
- Кёб джашагъан – кёб билир.
- Сёз сёзню айтдырыр.
- Дууулдаса – бал чибин, къонса – къара чибин.
- Чыкълы кюнде чыкъмагъан, чыкъса къуру кирмеген.
- Эшекни не къадар тюйсенг да, ат болмаз.
- Айтхан – тынч, этген – къыйын.
- Харам къарнашдан, халал тенг ашхы.
- Керти сёзге тёре джокъ.
- Юреннген ауруу къалмаз.
- Чомартха хар кюн да байрамды.
- Насыблы элин сюер, насыбсыз кесин сюер.
- Этни да ашады, бетни да ашады.
- Къарыусузгъа кюлме, онгсузгъа тийме.
- Аджашхан тёгерек айланыр.
- Адамны сыфатына къарама, сёзюне къара.
- Джумушакъ терекни къурт ашар.
- Джарлыны тону джаз битер.
- Окъ къызбайны джокълайды.
- Кийимни бичсенг, кенг бич, тар этген къыйын тюлдю.
- Уллу къашыкъ эрин джыртар.
- Аджашханны ызындагъы кёреди, джангылгъанны джанындагъы биледи.
- Оюмсуз атлагъан, аджалсыз ёлюр.
- Адамны сабийин сюйген джюреги, бычакъча, джитиди.
- «Ёгюз, джаргъа джууукъ барма, меннге джюк боллукъса», - дегенди эшек.
- Таш бла ургъанны, аш бла ур.
Профиль
|
||||