- Эшекге миннген – биринчи айыб, андан джыгъылгъан – экинчи айыб.
- Къонакъны къачан кетерин сорма, къачан келлигин сор.
- Окъугъан – асыу, окъумагъан – джарсыу.
- Къанны къан бла джуума, аманны аман бла къуума.
- Эки къатын алгъан – эки ташны ортасына башын салгъан.
- Кёз – сюйген джерде, къол – ауругъан джерде.
- Кёб къычыргъандан – къоркъма, тынч олтургъандан – къоркъ.
- Аман адам этегингден тутса, кес да къач.
- Экиндини кеч къылсанг, чабыб джетер ашхам.
- Тил джюрекге джол ишлейди.
- Ёмюрлюк шохлукъну джел элтмез.
- Эр абынмай, эл танымаз.
- Ханнга да келеди хариблик.
- Тойгъа барсанг, тоюб бар, эски тонунгу къоюб бар.
- Чакъырылмай келген къонакъ сыйланмай кетер.
- Джашынгы кесинг юретмесенг, джашау юретир.
- Джигер – джаннга къыйынлыкъ.
- Джангызны оту джарыкъ джанмаз!
- Сабий кёргенин унутмаз.
- Телиге от эт десенг, юйюнге от салыр.
- Ана къолу ачытмаз.
- Джюрекге ариу – кёзге да ариу.
- Бетинги сатма, малынгы сат.
- Бозаны арты дауур болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Агъач халкъгъа алтынды, иссиликге салкъынды.
- Ачыу алгъа келсе, акъыл артха къалады.
- Игилик игилик бла сингдирилиучю затды.
- Минг тенг да азды, бир джау да кёбдю.
- Накъырданы арты керти болур.
- Джогъун бар этген, барын бал этген.
- Джангыз торгъай джырламаз.
- Кёзю сокъурдан – къоркъма, кёлю сокъурдан – къоркъ.
- Суугъа – чабакъ, къаягъа – ыргъакъ.
- Ханы къызы буюгъа-буюгъа киштик болду.
- Иги сеники эсе да, сюйген кесимикин этеме.
- Чомарт джарлы болмаз.
- Ишленмеген джаш – джюгенсиз ат, ишленмеген къыз – тузсуз хант.
- Аш иеси бла татлыды.
- Къонагъынгы артмагъын алма да, алгъышын ал.
- Къартны бурнун сюрт да, оноугъа тут.
- Ким бла джюрюсенг, аны кёзю бла кёрюнюрсе.
- Къыйынлы джети элни къайгъысын этер.
- Эшекни не къадар тюйсенг да, ат болмаз.
- Адеб базарда сатылмаз.
- Хар ишни да аллы къыйынды.
- Таукел адам тау тешер.
- Окъуу – билимни ачхычы, окъуу – дунияны бачхычы.
- Ойнай-ойнай кёз чыгъар.
- Ариу сёзде ауруу джокъ.
Профиль
|
|
|
|||