- Окъугъан – асыу, окъумагъан – джарсыу.
- Джарлы джети элни сёзюн этер.
- Дууулдаса – бал чибин, къонса – къара чибин.
- Арпа, будай – ащды, алтын, кюмюш а – ташды.
- Туз, гырджын аша, тюзлюк бла джаша.
- Алтыда кюлмеген, алтмышда кюлмез.
- Халкъны джырын джырласанг, халкъ санга эжиу этер.
- Аманнга алтын чыдамаз.
- Бетинги сатма, малынгы сат.
- Кёлсюзден сёзсюз тууар.
- Къарнынг къанлынга кийирир.
- Башы ишлегенни, ауузу да ишлер.
- Юйюнг бла джау болгъандан эсе, элинг бла джау бол.
- Аман хансны – урлугъу кёб.
- Сёз садакъдан кючлюдю.
- Магъанасыз сёз – тауушсуз сыбызгъы.
- Ач уят къоймаз.
- Аш кетер да бет къалыр.
- Акъыллы – эл иеси, тели – эл баласы.
- Асхат ашлыкъ сата, юйдегиси ачдан къата.
- Тюкюрюк баш джармаз, налат кёз чыгъармаз!
- Татлы сёз – балдан татлы.
- Агъач халкъгъа алтынды, иссиликге салкъынды.
- Эшекге миннген – биринчи айыб, андан джыгъылгъан – экинчи айыб.
- Ат да турмайды бир териде.
- Насыб бютеу халкъны юлюшюдю.
- Ачыу алгъа келсе, акъыл артха къалады.
- Ана къойну – балагъа джандет.
- Аманнга игилик этсенг, юйюнге сау бармазса.
- Ашда уялгъан – мухар, ишде уялгъан – хомух.
- Къозулугъунда тоймагъан, къойлугъунда тоймаз.
- Арбаз къынгырды да, ийнек сауалмайма.
- Телиге от эт десенг, юйюнге от салыр.
- Адамны артындан къара сабан сюрме.
- Харам къарнашдан, халал тенг ашхы.
- Адамны аманы адамны бети бла ойнар.
- Артына баргъанны, къатына барма.
- Кёл – къызбай, къол – батыр.
- Адамны сыфатына къарама, сёзюне къара.
- Тёзген – тёш ашар!
- Чабар ат – джетген къыз.
- Бюгюн дуния кибик, тамбла ахыратды.
- Ханы къызы буюгъа-буюгъа киштик болду.
- Эртде тургъан джылкъычыны эркек аты тай табар.
- Джангыз торгъай джырламаз.
- Биреуге кёлтюрген таягъынг, кесинги башынга урур.
- Тёгюлген тюгел джыйылмайды.
- Тёзгеннге, джабылгъан эшик ачылыр.
- Къолунгдан къуймакъ ашатсанг да, атаны борчундан къутулмазса.
- Аш берме да, къаш бер.
Профиль
|
|
|
|||