- Ата – баланы уясы.
- Кийимни бичсенг, кенг бич, тар этген къыйын тюлдю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ачлыкъ отха секиртир.
- Тюз сёз баргъан сууну тыяр.
- Биреу къой излей, биреу той излей.
- Рысхы – насыбха къор.
- Аллахха ийнаннган кишини, Аллах онгдурур ишин.
- Окъдан джара эртде-кеч болса да бителир, сёз джара, ёмюрге къалыр.
- Чакъырылмагъан къонакъ къачан кетерин сормаз.
- Кёлсюзден сёзсюз тууар.
- Этек чакъмакълары баш джаргъан, сёлешген сёзлери таш джаргъан.
- Джаралыны джастыгъында сау ёлюр.
- Элде адам къалмаса, ит тахтагъа минер.
- Аджаллыгъа окъсуз шкок атылыр.
- Джарлы эскисин джамаса, къууаныр.
- Огъурлуну сёзю – суу, огъурсузну сёзю – уу.
- Кийимни бир кюнню аясанг, минг кюннге джарар.
- Джырчы ёлсе, джыры къалыр.
- Билимсиз иш бармаз.
- Ётюрюкден тюбю джокъ, кёлтюрюрге джиби джокъ.
- Адам боллукъ, атламындан белгили болур.
- Экеулен сёлеше тура эселе, орталарына барыб кирме.
- Тилчи бир сагъатха айлыкъ хата этер.
- Башы джабылгъан челекге, кир тюшмез.
- Ётюрюкню къуйругъу – бир тутум.
- Къонакъ хазыр болгъанлыкъгъа, къонакъбай хазыр тюлдю.
- Игиге айтсанг – билир, аманнга айтсанг – кюлюр.
- Билим къая тешер.
- Ойнай билмеген, уруб къачар.
- Ёмюрлюк шохлукъну джел элтмез.
- Ауругъанны сау билмез, ач къарынны токъ билмез.
- Мадар болса, къадар болур.
- Кёл ашады да, кеси ашады.
- Адамны бетине къарама, адетине къара.
- Джюрекден джюрекге джол барды.
- Ишин билген, аны сыйын чыгъарады.
- Айран ичген – къутулду, джугъусун джалагъан – тутулду.
- Чабакъсыз кёлге къармакъ салгъанлыкъгъа, чабакъ тутмазса.
- Къонагъынгы артмагъын алма да, алгъышын ал.
- Ёгюзню мюйюзлери ауурлукъ этмейдиле.
- Тил бла келеди джыр да.
- Нарт сёз къарт болмаз.
- Нарт сёз – тилни бети.
- Ханы къызы буюгъа-буюгъа киштик болду.
- Джиби бир къат джетмей эди да, эки къат тарта эди.
- Кёпюр салгъан кеси ётер, уру къазгъан кеси кетер.
- Ач келгенни – тойдур, кеч келгенни – къондур.
- Кюлме джашха – келир башха.
- Сабий кёргенин унутмаз.
Профиль
|
|
|||