- Бюгюн дуния кибик, тамбла ахыратды.
- Тура эдим джата, къайдан чыкъды хата?
- Башда акъыл болмаса, эки аякъгъа кюч джетер.
- Кёб ант этген, кёб ётюрюк айтыр.
- Ач да бол, токъ да бол – намысынга бек бол.
- Магъанасыз сёз – тауушсуз сыбызгъы.
- Къууут – джелге, берне – бошха.
- Иги сеники эсе да, сюйген кесимикин этеме.
- Кёб джашагъан – кёб билир.
- Сууда джау джокъ, кёб сёзде магъана джокъ.
- Тойгъа алгъа да барма, тойда артха да къалма.
- Эркиши – от, тиширыу – суу.
- Мухардан ач ычхынмаз.
- Джарлыны эшигин махтагъан джабар.
- Аман къатын сабий табса, бий болур…
- Керти сёзге тёре джокъ.
- Тамбла алтындан бюгюн багъыр ашхы.
- Джаралыны джастыгъында сау ёлюр.
- Ашда уялгъан – мухар, ишде уялгъан – хомух.
- Къызын тута билмеген, тул этер, джашын тута билмеген, къул этер.
- Сагъыш – къартлыкъгъа сюйюмчю.
- Кеси юйюмде мен да ханма.
- Адамны аты башхача, акъылы да башхады.
- Суу кетер, таш къалыр.
- Къошда джокъгъа – юлюш джокъ.
- Чомарт бергенин айтмаз.
- Окъумагъан сокъурду, сокъур ташха абыныр!
- Тойгъан джерден туугъан джер игиди.
- Адамгъа аман кюн соруб келмейди.
- Тилсиз миллет джокъ болур.
- Нарт сёз – тилни бети.
- Аманны къуугъан, аманлыкъ табар.
- Тюзлюк шохлукъну бегитир.
- Эринчекге кюн узун.
- Гитче джилтин уллу элни джандырыр.
- Нарт сёз къарт болмаз.
- Ариу сёз – къылычдан джити.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ачлыкъ отха секиртир.
- Юйюнгден чыкъдынг – кюнюнгден чыкъдынг.
- Миллетни бойну – базыкъ, аны бла кюрешген – джазыкъ.
- Ашын ашагъанынгы, башын да сыйла.
- Эте билген, этген этеди, эте билмеген, юретген этеди!
- Намысы джокъну – дуниясы джокъ.
- Айтхан сёзюне табылгъан.
- Башланнган иш битер, къымылдагъан тиш тюшер.
- Халкъны юйю – туугъан джери.
- Къолунгдан къуймакъ ашатсанг да, атаны борчундан къутулмазса.
- Джангыз терек къынгыр ёсер.
- Хар сёзню орну барды.
Профиль
|
xivozic
 Эльбрусоид
Баллов: 0
Регистрация: 03.10.2018
Последний визит: 03.10.2018 04:14:49
|
|
||||||
|
|
|
||||||