- Тойгъандан сора, ашны сёкме.
- Элиб деген, элге болушур.
- Шапа кёб болса, аш татымсыз болур.
- Этни да ашады, бетни да ашады.
- Окъ къызбайны джокълайды.
- Эки къатын алгъан – эки ташны ортасына башын салгъан.
- Ач келгенни – тойдур, кеч келгенни – къондур.
- Биреу ашаб къутулур, биреу джалаб тутулур.
- Тёрдеги кюлсе, эшикдеги ышарыр.
- Хар сёзню орну барды.
- Билим ат болуб да чабар, къуш болуб да учар.
- Ётюрюкню башын керти кесер.
- Сютден ауузу кюйген, суугъа юфгюре эди.
- Адам боллукъ, атламындан белгили болур.
- Алгъанда – джууукъ, бергенде – джау.
- Арпа, будай – ащды, алтын, кюмюш а – ташды.
- Къуллукъчума, деб махтанма, къуллукъ – хаух джамчыды!
- Ишленмеклик адамлыкъды.
- Акъыл аздырмаз, билим тоздурмаз.
- Къатын къылыкъсыз, эр тынчлыкъсыз.
- Кюл тюбюндеги от кёрюнмейди.
- Сёз садакъдан кючлюдю.
- Кёл ашады да, кеси ашады.
- Къумурсхала джыйылсала, пилни да джыгъадыла.
- Джюрекге ариу – кёзге да ариу.
- Аман къатын сабий табса, бий болур…
- Аш иеси бла татлыды.
- Акъыллы айтыр эди, акъылсыз къоймайды.
- Джогъун бар этген, барын бал этген.
- Иесиз малны бёрю ашар.
- Адамны джюреги нени кёрюрге сюйсе, кёзю да аны кёрюрге ёч болады.
- Бети къызарыучу адамны, джюреги харам болмаз.
- Аджаллыгъа окъсуз шкок атылыр.
- Къонакъ аз олтурур, кёб сынар.
- Элни кючю – эмеген.
- Иги адамны бир сёзю эки болмаз.
- Аурууну келиую тынч, кетиую – къыйын.
- Адебни адебсизден юрен.
- Билим – акъылны чырагъы.
- Терек ауса, отунчу – кёб.
- Ата – билек, ана – джюрек!
- Бюгюн дуния кибик, тамбла ахыратды.
- Кийимни бир кюнню аясанг, минг кюннге джарар.
- Чомарт бергенин айтмаз.
- Чалманны аллы къалай башланса, арты да алай барады.
- Туз, гырджын аша, тюзлюк бла джаша.
- Къозулугъунда тоймагъан, къойлугъунда тоймаз.
- Хар ишни да аллы къыйынды.
- Аджашхан тёгерек айланыр.
- Сангырау къулакъ эл бузар.
Профиль
|
|
|
|||