- От этилмеген джерден тютюн чыкъмайды.
- Хар зат кесини орнуна иги.
- Сабий болмагъан джерде, мёлек болмаз.
- Чомартха хар кюн да байрамды.
- Кёб джашагъан – кёб билир.
- Атлыны кёрсе, джаяуну буту талыр.
- Джырчы ёлсе, джыры къалыр.
- Тилчи тилден къаныкъмаз.
- Ачлыкъ отха секиртир.
- Джумушакъ терекни къурт ашар.
- Къызны минг тилер, бир алыр.
- Айтхан сёзюне табылгъан.
- Къазанчы аман болса, къазаны къайнамаз.
- Кёлю джокъну – джолу джокъ.
- Урама да – ёледи, сатама да – келеди.
- Азыкълы ат арымаз, къатыны аман джарымаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кюлме джашха – келир башха.
- Бир абыннган – минг сюрюнюр.
- Намыс сатылыб алынмайды.
- Джангыз торгъай джырламаз.
- Тёзген – тёш ашар!
- Ашда уялгъан – мухар, ишде уялгъан – хомух.
- Атлыны ашхысы, ат тизгининден билинир
- Харам къарнашдан, халал тенг ашхы.
- Ёгюзню мюйюзлери ауурлукъ этмейдиле.
- Айран тёгюлсе, джугъусу къалыр.
- Эли джокъну – кёлю джокъ.
- Эри аманны, къатыны – аман.
- Къалгъан ишге къар джауар.
- Ариу сёз – къылычдан джити.
- Ханнга да келеди хариблик.
- Рысхысына кёре, джаш ёсер, къышлыгъына кёре, мал ёсер.
- Халкъны юйю – туугъан джери.
- Атадан ёксюз – бир ёксюз, анадан ёксюз – эки ёксюз.
- Адебсиз адам – джюгенсиз ат.
- Ашын ашагъанынгы, башын да сыйла.
- Арбаз сайлама да, хоншу сайла.
- Эки итни арасына сюек атма, эки адамны арасында сёз чыгъарма.
- Татлы тилде – сёз ариу, чемер къолда – иш ариу.
- Къызгъанчдан ычхыныр, мухардан ычхынмаз.
- Тюкюрюк баш джармаз, налат кёз чыгъармаз!
- Тынгылагъан тынгы бузар.
- Сагъышы джокъ – джукъучу, акъылы джокъ – къаугъачы.
- Джангыз терек къынгыр ёсер.
- Къарт айтханны этмеген, къартаймаз.
- Джогъун бар этген, барын бал этген.
- Насыблы элин сюер, насыбсыз кесин сюер.
- Къайгъы тюбю – тенгиз.
- Ётген ёмюр – акъгъан суу.
Профиль
|
|
|
|||