- Ата Джуртча джер болмаз, туугъан элча эл болмаз.
- Тешик этген тынчды, аны джамагъан къыйынды.
- Окъуу – билимни ачхычы, окъуу – дунияны бачхычы.
- Ашаса, ашамаса да, бёрюню ауузу – къан.
- Ауузу бла къуш тута айланады.
- Къуллукъчума, деб махтанма, къуллукъ – хаух джамчыды!
- Ашына кёре табагъы, балына кёре къалагъы.
- Айран тёгюлсе, джугъусу къалыр.
- Чомарт бергенин айтмаз.
- Ёлмесенг да, къарт дамы болмазса?
- Эрине къаргъыш этген къатын, эрнин къабар.
- Тилчи тилден къаныкъмаз.
- Накъырда – кертини келечиси.
- Джюз элде джюз ёгюзюм болгъандан эсе, джюз джууугъум болсун.
- Эки къатын алгъан – эки ташны ортасына башын салгъан.
- Иги бла джюрюсенг, джетерсе муратынга, аман бла джюрюсенг, къалырса уятха.
- Булут кёкге джарашыу, уят бетге джарашыу.
- Акъылсызны джууукъгъа алма, акъыллыны кенгнге салма.
- Кёкдеги болмаса, джердегин кёрмейди.
- Кёб ант этген, кёб ётюрюк айтыр.
- Къыз чыгъаргъан – къызыл къымжа.
- Джиби бир къат джетмей эди да, эки къат тарта эди.
- Къайгъыны сюйген, къайгъы табар.
- Сабий кёргенин унутмаз.
- Ат да турмайды бир териде.
- Джашынгы кесинг юретмесенг, джашау юретир.
- Аз сёлеш, кёб ишле.
- Ёлген ийнек сютлю болур.
- Аманны тукъумуна къарама, игини тукъумун сорма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Оюмсуз атлагъан, аджалсыз ёлюр.
- Акъыл неден да кючлюдю.
- Кесинге джетмегенни, кёб сёлешме.
- Хатерли къул болур.
- Джыгъылгъанны сырты джерден тоймаз.
- Байлыкъ болгъан джерде, тынчлыкъ джокъду.
- Эл ауузу – элия.
- Мени джылытмагъан кюн, меннге тиймесин!
- Дуния мал дунияда къалады.
- Сабийликде юретмесенг, уллу болса – тюзелмез.
- Кюн кёрмеген, кюн кёрсе, кюндюз чыракъ джандырыр.
- Ачыу алгъа келсе, акъыл артха къалады.
- Биреу къой излей, биреу той излей.
- Телиге акъыл салгъандан эсе, ёлгеннге джан салырса.
- Къыйынлы джети элге оноу этер.
- Ишленмеген джаш – джюгенсиз ат, ишленмеген къыз – тузсуз хант.
- Адеб этмеген, адеб кёрмез.
- Тойгъандан сора, ашны сёкме.
- Чабакъ башындан чирийди.
- Арыгъан къош чамчы болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72