- Ханы къызы буюгъа-буюгъа киштик болду.
- Ата Джуртуму башы болмасам да, босагъасында ташы болайым.
- Аджалсыз ёлюм болмаз.
- Тойну къарнашы – харс, джырны къарнашы – эжиу.
- Къарт айтханны этмеген, къартаймаз.
- Тилсиз миллет джокъ болур.
- Ашаса, ашамаса да, бёрюню ауузу – къан.
- Адеб джокъда, намыс джокъ.
- Биреуге аманлыкъны тилеме да, кесинге ашхылыкъны тиле.
- Билимден уллу байлыкъ джокъду.
- Мухар, кеси тойса да, кёзю тоймаз.
- Тойгъан антын унутур.
- Ана кёлю – балада, бала кёлю – талада.
- Шапа кёб болса, аш татымсыз болур.
- Джиби бир къат джетмей эди да, эки къат тарта эди.
- Билим – акъылны чырагъы.
- Джангызны оту джарыкъ джанмаз!
- Бети къызарыучу адамны, джюреги харам болмаз.
- Акъылсызны джууукъгъа алма, акъыллыны кенгнге салма.
- Кийиминг бла танылма, адамлыкъ бла таныл.
- Башсыз урчукъ тюзюне айланмаз.
- Нарт сёз – тилни бети.
- Этни бети бла шорпасы.
- Чакъырылмай келген къонакъ сыйланмай кетер.
- Джыланны къуйругъундан басарынг келсе, аны башы болгъанын унутма.
- Къыз чыгъаргъан – къызыл къымжа.
- Кийимни бичсенг, кенг бич, тар этген къыйын тюлдю.
- Ётюрюк хапар аякъ тюбю бла джюрюйдю.
- Ачны эсинде – аш.
- Кечеси – аяз, кюню – къыш, джарлы къаргъагъа бир аш тюш!
- Аякъларынгы джууургъанынга кёре узат.
- Сютден ауузу кюйген, суугъа юфгюре эди.
- Джетген къыз джерли эшекни танымаз.
- Джаханимни кёрмей, джандетге кёл салмазса.
- Намысы болмагъанны, сыйы болмаз.
- Къолу уллу – асыу, аягъы уллу – джарсыу.
- Билим насыб берир, билим джолну керир.
- Джаш къарыу бла кючлю, къарт акъыл бла кючлю.
- Ашарыкъда сайлагъаннга – чий гырджын.
- Джарлыны тону джаз битер.
- Иги адамны бир сёзю эки болмаз.
- Эте билген, этген этеди, эте билмеген, юретген этеди!
- Тау башында, тау болмаз, джангыз терек, бау болмаз.
- Бал ашаргъа сюе эсенг, чибин ургъаннга тёз.
- Тюзлюк шохлукъну бегитир.
- Адеб базарда сатылмаз.
- Бойнуму джети джерден кессенг да, мен ол ишни этеллик тюлме.
- Элиб деген, элге болушур.
- Чёбню кёлтюрсенг, тюбюнден сёз чыгъар.
- Кёбню кёрген – кёб билир.
Профиль
|
|
|
|||