- Тилчиден кери бол.
- Ашына кёре табагъы, балына кёре къалагъы.
- Адамны сабийин сюйген джюреги, бычакъча, джитиди.
- Болджал ишни бёрю ашар.
- Окъугъан – асыу, окъумагъан – джарсыу.
- Таукел адам тау тешер.
- Сабий болмагъан джерде, мёлек болмаз.
- Нарт сёз къарт болмаз.
- Ётюрюкден тюбю джокъ, кёлтюрюрге джиби джокъ.
- Билим ат болуб да чабар, къуш болуб да учар.
- Кесинг сынамагъан затны, адамгъа буюрма.
- Тойгъа алгъа да барма, тойда артха да къалма.
- Къан бла кирген, джан бла чыгъар.
- Джыйырма къойну юч джыйырма эбзе кюте эди.
- Кюл тюбюндеги от кёрюнмейди.
- Кёбге таш атма.
- Ауругъанны сау билмез, ач къарынны токъ билмез.
- Джетген къыз джерли эшекни танымаз.
- Суу ичген шауданынга тюкюрме.
- Къанны къан бла джуума, аманны аман бла къуума.
- Эркишиге тары кебек танг кёрюнюр.
- Акъыллы эркиши атын махтар, акъылсыз эркиши къатынын махтар.
- Джашлыкъ этмеген, башлыкъ этмез.
- Аллахдан тилесенг, кёб тиле.
- Кёзню ачылгъаны – иги, ауузну джабылгъаны – иги.
- Мал ёлсе, сюек къалыр, адам ёлсе, иши къалыр.
- Эки ойлашыб, бир сёлешген.
- Хар сёзню орну барды.
- Акъыл къартда, джашда тюйюлдю – башдады.
- Джукъу тёшек сайламайды.
- Джарашыу сюйген – джалынчакъ.
- Аз айтсам, кёб ангылагъыз.
- Ханы къызы буюгъа-буюгъа киштик болду.
- Ашхы сёз таш тешер.
- Ауузу бла къуш тута айланады.
- Ишни аллы бла къууанма да, арты бла къууан.
- Тау башында, тау болмаз, джангыз терек, бау болмаз.
- Тойчу джашха къарама, къойчу джашха къара.
- Къарыусузгъа кюлме, онгсузгъа тийме.
- Туз, гырджын аша, тюзлюк бла джаша.
- Хаухну атма, ёнгкючню сатма.
- Къыз тиширыу кеси юйюнде да къонакъды.
- Джарлыны тону джаз битер.
- Ач къарным, тынч къулагъым.
- Ата Джуртча джер болмаз, туугъан элча эл болмаз.
- Сыфатында болмагъаны, суратында болмаз.
- Сибиртки да сыйлы болду, кюрек да кюнлю болду.
- Ариу сёз – къылычдан джити.
- Ач, тоймам, дейди, тойгъан, ач болмам, дейди.
- Джан саулукъ бермей, сан саулукъ бермезсе.
Профиль
|
|
|||