- Айтылгъан сёз ызына къайтмаз.
- Айранын берсенг, челегин да къызгъанма.
- Тулпарлыкъ, билекден тюл – джюрекден.
- Тойгъа алгъа да барма, тойда артха да къалма.
- Ариу – кёзге, акъыл – джюрекге.
- Къая джолда джортма, ачыкъ сёзден къоркъма.
- Бичгенде ашыкъма, тикгенде ашыкъ.
- Ач уят къоймаз.
- Экеулен сёлеше тура эселе, орталарына барыб кирме.
- Насыблы элин сюер, насыбсыз кесин сюер.
- Арыгъан къош чамчы болур.
- Ауругъан – джашаудан умутчу.
- Билмегенинги, билгеннге сор.
- Джол бла сёзню къыйыры джокъ.
- Эл бла кёргенинг эрелей.
- Къонакъ аз олтурур, кёб сынар.
- Накъырданы арты керти болур.
- Тюз сёз баргъан сууну тыяр.
- Ёксюзню тилеги къабыл болур.
- Сёз садакъдан кючлюдю.
- Гитче джилтин уллу элни джандырыр.
- Ач бёрюге мекям джокъ.
- Чабакъсыз кёлге къармакъ салгъанлыкъгъа, чабакъ тутмазса.
- Иги сёз – джаннга азыкъ, аман сёз башха – къазыкъ.
- Минг тенг да азды, бир джау да кёбдю.
- Атлыны кёрсе, джаяуну буту талыр.
- Байлыкъ адамны сокъур этер.
- Джангыз торгъай джырламаз.
- Ариу сёз – джаннга азыкъ, аман сёз – башха къазыкъ.
- Хоншуну тауугъу къаз кёрюнюр, келини къыз кёрюнюр.
- Тойну къарнашы – харс, джырны къарнашы – эжиу.
- Тешигини къатында, чычхан да батыр болур.
- Керек ташны ауурлугъу джокъ.
- Байны оноуу, джарлыгъа джарамаз.
- Босагъагъа джууукъ орун болса, ашыгъыб тёрге озма.
- Таукел адам тау тешер.
- Берекет берсин деген джерде, берекет болур.
- Къоркъакъны кёзю экили кёрюр.
- Къатын байлыкъны сюер, эр саулукъну сюер.
- Эки ойлашыб, бир сёлешген.
- Ана – юйню кюн джарыгъы.
- Тилсиз миллет джокъ болур.
- Акъыллы башны – тили къысха.
- Дууулдаса – бал чибин, къонса – къара чибин.
- Сормай – алма, чакъырылмай – барма.
- Аякъларынгы джууургъанынга кёре узат.
- Малны кют, джерни тюрт.
- Хар ишни да аллы къыйынды.
- Къазанчы аман болса, къазаны къайнамаз.
- Билим ат болуб да чабар, къуш болуб да учар.
Профиль
|
|
|
|||